बेनि नगरपालिका शिक्षा समाचार स्थानिय

जुरेस र बालक्लबद्धारा विपन्न परिवारका विद्यार्थीलाई पोषाक सहित शैक्षिक सामाग्री सहयोग

बेनी ,बुधबार मंसिर ४ गते ।

जिल्लाको बेनी नगरपालिका –८ कालिपुल स्थित बालमन्दिर आधारभुत विद्यालयका विद्यार्थीहरुले गरिब तथा विपन्न परिवारका बालबालिकालाई विद्यालय पोषाक सहित शैक्षिक सामाग्री सहयोग गरेका छन् ।विद्यालयमा रहेको जुनियर रेडक्रस सर्कल र शुभदर्शन बालक्लबको नेतृत्वमा संकलित तीन हजार रुपैयाँ बराबरको विद्यालय पोषाक सहित शैक्षिक सामाग्री बेनपा –७ मंगलाघाट बस्दै आउनुभएका गरिब तथा विपन्न लक्ष्मी बिकका तीन जना छोराछोरीलाई सहयोग गरेका हुन् ।

जिल्लाको धवलागिरी गाउँपालिका –१ गुर्जा घर भई हाल बेनीमा बसोबास गर्दै आउनुभएकी लक्ष्मी बिकका छोरीहरु सुस्मिता ,अस्मिता र छोरा शुसिल बिकलाई एक कार्यक्रमका विच जुरेस र बालक्लबले संयुक्त रुपमा हस्तान्तरण गरेको हो । विद्यालय पोषाक र शैक्षिक सामग्री विद्यालयका प्रअ सुरेन्द्र प्रसाद केसी ,शिक्षिक, जु्रेस अध्यक्ष सुस्मिता परियार र शुभदर्शन बालक्लबकी अध्यक्ष दिपिका बिकले सुस्मिता,अस्मिता, शुसिल बिक र अभिभावक लक्ष्मीलाई हस्तान्तरण गर्नुभएको हो ।

विद्यालयमा भर्ना भएका विपन्न विक परिवारलाई नियमित विद्यालय आउने वातारण सृजना गर्नका लागि पोषाक सहित आवश्यक शैक्षिक सामाग्री सहयोग गरिएको बालक्लब अध्यक्ष दिपिकाले बताउनुभयो । विद्यालयमा अध्ययनरत विद्यार्थीहरुबाट संकलित रकमबाट सो सामाग्री सहयोग गरिएको जुरेस अध्यक्ष परियारले बताउनुभयो ।

विद्यालयका प्रअ केसीले विद्यालय पोषाक सहित आवश्यक शैक्षिक सामाग्री सहयोग संगै आर्थिक रुपमा विपन्न तथा गरिब परिवारका विद्यार्थीलाई अध्ययनमा सहज हुने बताउनुभयो । सहयोग प्रति लक्ष्मी विकले विद्यार्थीहरुलाई धन्यवाद व्यक्त गर्नुभयो । बेनी नगरपालिका –७ मंगलाघाटमा डेरामा बस्दै आउनुभएका लक्ष्मी र उहाँका श्रीमान मजदुरी गर्दै आउनुभएको छ । क्लबकी अध्यक्ष विकको संचालन र जुरेस अध्यक्ष परियारको स्वागतमा कार्यक्रम सम्पन्न भएको थियो ।

https://youtu.be/2lgMk721rI4

सम्बन्धित समाचार

thumbnail

बाढी पहिरो पीडितका लागी म्याग्देली युवा आवाजद्वारा दुई लाख रुपैयाँ सहयोग

बेनी ,आइतबार असार २७ गते ।स्वदेश तथा बिदेशमा रहेका स्वतन्त्र म्यादीका युवाहरूको सामाजिक संजालको समुह म्यादेली युवा आवाजले म्याग्दीका बाढी पहिरो पीडितको राहतका लािग दुई लाख रुपैयाँ सहयोग गरेको छ । समुहका…

thumbnail

म्याग्दी नदीमा आएको बाढीले प्रहरी विटमा क्षती ,उच्च जोखिममा रहेका ६ घरलाई सुरक्षित स्थानमा सारियो

अमित विश्वकर्मा बेनी ,शुक्रबार असार २६ गते ।गयरातीदेखी अविरल बर्षाका कारण म्याग्दी नदीमा आएको बाढीले बेनी नगरपालिका–७ ,मंगलाघाट स्थित प्रहरी विटको भवनमा क्षती पु¥याएको छ । नदी किनारमा रहेको उक्त कार्यालयलाई नदिले…

thumbnail

रघुगंगा नदिले गलेश्वरको बेलीब्रिज बगायो ,बस्ती उच्च जोखिममा (तस्बिर /भिडियो सहित)

बेनी ,शुक्रबार असार २६ गते ।म्याग्दीको बेनी नगरपालिका –९ र रघुगंगा गाउँपालिकाको–३,को सिमानामा रहेको बेलिब्रिज बगाएको छ । यसैबीच रघुगंगा नदीमा आएको बाढीले म्याग्दीको उत्तरी क्षेत्र हुँदै हिमाली जिल्ला मुस्ताङ जोड्ने बेनी–जोमसोम…

Write a Reply or Comment