प्रधानमन्त्रीलाई कांग्रेसको प्रश्न : वाइड बडी कहाँ गयो? वाइड बडी प्रकरण आकाशमा बिलायो?

काठमाण्डौ आईतबार चैत्र १० गते ।( प्रमुख प्रतिपक्षी दल नेपाली कांग्रेसले सरकारले सदनको उपेक्षा गरेको आरोप लगाएको छ ।

संघीय संसदको तेश्रो अधिवेशन अन्त्यको अवसरमा आइतबार प्रतिनिधिसभामा नेपाली कांग्रेसका उपनेता विजयकुमार गच्छदारले सरकारले सदनलाई उपेक्षा गरेको टिप्पणी गर्नुभएको हो ।

उहाँले सार्वभौम संसदलाई उपेक्षा गर्ने सरकारको शैलीलाई नेपाली कांग्रेसले स्वीकार नगर्ने भन्दै सत्तापक्षलाई जिम्मेवार बन्न सरकारको ध्यानाकर्षण पनि गराउनुभयो । उहाँले संसदलाई मिच्ने काम नगर्न सरकारलाई सचेत गराउनुभयो ।

प्रतिपक्षी दलको तर्फबाट सरकारलाई रचनात्मक समर्थन रहने भन्दै उहाँले सार्वभौम संसद, संविधान र लोकतान्त्रिक पद्धतिलाई कमजोर बनाउने, स्वतन्त्र न्यायलयमाथि र प्रेसमाथिको हस्तक्षेप आफूहरुलाई स्वीकार्य नहुने बताउनुभयो ।

उहाँले लोकतन्त्रमा सरकार संसद प्रति उत्तरदायी हुनुपर्नेमा त्यसो हुन नसकेको टिप्पणी गर्नुभयो । उहाँले भन्नुभयो, ‘सरकार संसदप्रति उत्तरदायी भएको देखिएन । यो संसदमा धेरै सवालहरु उठेका छन् । सरकार सदनप्रति उत्तरदायी हुन्छ तर सरकारले सदनको उपेक्षा गरेको छ । सदनभित्र जे प्रश्न उठिरहेका छन् सरकार अहिलेसम्म जवाफ दिन तयार भइरहेको छैन किन रु’

निर्मला पन्तको हत्यारा अहिलेसम्म पत्ता नलागेबाट पनि देशको शान्ति सुरक्षाको अवस्था घामजस्तै छर्लङ्ग भएको भन्दै उहाँले शान्ति सुरक्षाको अवस्थाबारे सरकारले सदनमा किन जानकारी दिन सकेन भनी प्रश्न गर्नुभयो ।

उहाँले भन्नुभयो ‘सदनमा आवाज उठ्छ । सरकार भाग्छ । मन्त्रीहरुको जवाफ खोज्छ प्रश्नोत्तरमा । मन्त्रीहरु भाग्छन् । प्रधामन्त्री ज्यू कतिचोटी सदनमा आइतबारको दिन प्रश्नउत्तरमा उभिनुभएको छ रु सदनप्रति सरकार उत्तरदायी हुन सकेको छैन । जनताको सदन भन्दा शक्तिशाली सरकारक हुन सक्दैन । यही सदनबाट सरकार बन्छ र विघटन हुन्छ । यही सदनबाट बारम्बार सभामुख ज्युले रुलिङ गर्नुभएको छ । निर्देशन दिनुभएको छ । तर त्यो आदेशको पालना भएको छ सभामुख महोदय रु’

उहाँले लाल प्रतिवेदन सार्वजनिक गर्ने राजपाको मागमा पनि प्रधानामन्त्रीले गोलमोटल जवाफ दिएको टिप्पणी गर्नुभयो ।

प्रधानमन्त्रीले भनेजस्तो भ्रष्टाचार नियन्त्रण नभएको उहाँले दावी गर्नुभयो । उहाँले भन्नुभयो, ‘भ्रष्टाचार नियन्त्रण भएको छैन । थियो भने वाइड बडी कहाँ गयोरु वाइडवडी प्रकरण आकाशमा बिलायोरु सुनका अपराधीहरु खोज्दै जाँदा ठूलो माछा भनेर भनिएका ठूला अपराधी को हुन् रु प्रधानमन्त्री ज्यूले बताइदिनुभएको भए हुन्थ्यो । यी ठूला माछाहरु अहिले फुत्किएका छन् है, सात समुन्द्र पार गएका छन् है भनेर बताइदिएको भए सन्तुष्टि हुन्थ्यो ।’

उहाँले विप्लव समूहलाई शक्तिको प्रयोग नगरी रणनीतिक दृष्टिले वार्ता मार्फत सहमतिमा ल्याउन प्रधानमन्त्रीको ध्यानाकर्षण गराउनुभयो ।

विधेयक फिर्ता लिन माग

कांग्रेसले संसदमा दर्ता भएका ३ वटा विधेयक फिर्ता लिन सरकारसँग माग गरेको छ ।

उपनेता गच्छदारले राष्ट्रिय प्राथमिकता प्राप्त आयोजनाको द्रुत्ततर निर्माण तथा विकासका सम्बन्धमा व्यवस्था गर्न बनेको विधेयक, राष्ट्रिय सुरक्षा परिषद्को काम, कर्तव्य र अधिकार सम्बन्धमा व्यवस्था गर्न बनेको विधेयक र सूचना प्रविधि विधेयक फिर्ता लिन आग्रह गर्नुभयो ।

राष्ट्रिय सुरक्षा परिषद्को काम, कर्तव्य र अधिकार सम्बन्धमा व्यवस्था गर्न बनेको विधेयक संविधानविरुद्ध भएको टिप्पणी उहाँले गर्नुभयो ।

त्यसैगरी राष्ट्रिय सुरक्षा परिषद्को काम, कर्तव्य र अधिकार सम्बन्धमा व्यवस्था गर्न बनेको विधेयक राष्ट्रिय प्राथमिकताका योजनाको नाममा प्रधानमन्त्रीलाई शक्तिशाली बनाउने गरी ल्याइएको र सञ्चार जगतको अधिकारलाई संकुचित गर्ने उद्देश्यसाथ सूचना प्रविधि विधेयक ल्याईएकाले यी विधेयक सरकारले फिर्ता गर्नुपर्ने तर्क उहाँले गर्नुभयो । उज्यालो अनलाइन

सम्बन्धित समाचार

thumbnail

मन्त्रीबाट नहटाउन प्रधानमन्त्रीमाथि एकीकृत समाजवादीका मन्त्रीको दवाव

काठमाडौँ । नेकपा एकीकृत समाजवादीका मन्त्रीहरुले आफूहरुलाई नहटाउन प्रधानमन्त्री शेरबहादुर देउवासँग दवाव बढाएका छन् । एकीकृत समाजवादीले मन्त्री हेरफेर गर्ने निर्णय गरेपछि आफ्नो पद थमौती गर्न प्रधानमन्त्री देउवामाथि प्रेसर बढाएका हुन् ।…

thumbnail

मलाई बेवास्ता गर्दा एमालेको यो हालत भयो : नेपाल

काठमाडौँ । नेकपा एकीकृत समाजवादीका अध्यक्ष माधव नेपालले एमालेको ओरालो यात्रा संघीय निर्वाचनमा पनि कायमै रहने बताउनुभएको छ । अखिल नेपाल महिला सघ (समाजवादी)को केन्द्रीय समितिको तेस्रो पूर्ण बैठकलाई सम्बोधन गर्दै अध्यक्ष…

thumbnail

युवा पुस्तामा लागूऔषध दुर्व्यसनी बढ्योः गृहमन्त्री खाँण

काठमाडौँ । गृहमन्त्री बालकृष्ण खाँणले नेपालमा लागूपदार्थ दुर्व्यसनी चुनौतीको रुपमा अघि बढिरहेको बताउनुभएको छ । आइतबार काठमाडौँमा भएको लागूऔषध दुरुपयोग तथा अवैध ओसारपसारविरुद्धको दिवसका अवसरमा आयोजित कार्यक्रमलाई सम्बोधन गर्दै गृहमन्त्री खाँणले यस्तो…