मुनामा मेलमिलाप तालिम

बेनी सोमबार फागुन २० गते । धवलागिरी गाउँपालिका अन्तरगतको न्यायिक समितिको आयोजनामा मुनामा आइतबार मेलमिलाप सम्बन्धी आठ दिने आधारभूत तालिम सम्पन्न भएको छ ।

न्यायिक समितिको काम कारबाहीलाई प्रभावकारी बनाउन बस्ती स्तरमा मेलमिलापकर्ता तयार पार्ने र उनिहरुको क्षमता विकास गर्ने उद्देश्यले सञ्चालित तालिमको अधिवत्ता ममतादेवी शर्माले सहजिकरण गर्नुभएको थियो । तालिममा २९ जना जनप्रतिनिधि र अगुवाहरुको सहभागिता रहेको थियो ।

तालिमको समापनका क्रममा जिल्ला न्यायाधिश राजकुमार कोइरालाले न्यायिक समितिले प्रभावकारी रुपमा काम गर्न सकेमा जनताले स्थानीय तहको अनुभुति गर्न सक्ने बिचार व्यक्त गर्नुभयो । न्याधिश कोइरालाले गाउँघरमै बिवाद, झगडालाई मेलमिलापको माध्यमबाट निरुपण गरेर न्यायलाई सर्वसुलभ, सहज र आम नागरिकको पहुँचमा पु¥याउन न्यायिक समितिको अवधारणा आएको बताउनुभयो ।

गाउँपालिकाका अध्यक्ष थमसरा पुनले गाउँपालिका र वडामा मेलमिलाप केन्द्र स्थापना गर्न लागिएको बताउनुभयो । तालिममा सहभागि बालकुमारी सुनार र देवबहादुर थापाले महत्वपूर्ण ज्ञान, सिप हाँसील गरेको बताउदै व्यवहारमा प्रयोगमा ल्याउने बताउनुभयो । तालिम समापन कार्यक्रमको अध्यक्षता गर्नुभएका न्यायिक समितिका संयोजक समेत रहनुभएका उपाध्यक्ष रेशम छन्त्यालले लेनदेन सम्बन्धी एउटा मुद्दालाई तालिमको अभ्यासको क्रममा मेलमिलाप गरेर टुङग्याइएको बताउनुभयो ।

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

दुर्गम खाम्लामा सडक पुग्यो

म्याग्दी । म्याग्दीको दुर्गम धवलागिरि गाउँपालिका –४, स्थित खाम्लामा सडक पुगेको छ । यस क्षेत्रमा निर्माण हुने तीनवटा जलविद्युत आयोजनाले संयुक्त रुपमा मालिका गाउँपालिका –७, खारादेखि खाम्लासम्म १० किलो मिटर सडकको ट्रयाक…

thumbnail

धवलागिरी गाउँपालिकामा आइतबार बिदा नहुने

बेनी ।म्याग्दीको धवलागिरी गाउँपालिकाले आईतबार सार्वजनिक विदा नदिने भएको छ ।मुनामा गाउँपालिका अध्यक्ष प्रेमप्रसाद पुनको अध्यक्षतामा सोमबार बसेको कार्यपालिकाको पहिलो बैठकलले गाउँपालिकाकाको कार्यालय, वडा कार्यालय र विद्यालय शनिबार बाहेक आईतबार देखि शुक्रबारसम्म…