सीके राउतले पार्टीको नाम फेरे

लहान सोमबार चैत्र ४ गते । सीके राउत नेतृत्वको स्वतन्त्र मधेश गठगन्धनको आजको बैठकले गठबन्धनको नाम परिवर्तन गर्ने निर्णय गरेको छ।

आज दोस्रो दिन बसेको बैठकबाट गठबन्धनको नाम ‘जनमत पाटी’ राख्ने निर्णय गरेको गठबन्धनका परिषद् सदस्य सुदीपराज कुशवाहले जानकारी दिए। लहानको माडवारी सेवा सदनमा हिजोदेखि बसेको बैठकले यस्तो निर्णय गरेको हो। साथै बैठकले पार्टीको नामसँगै झण्डा पनि फर्ने निर्णय गरेको छ।

कुशवाहले दिएको जानकारीअनुसार गठबन्धनको झण्डा रातो, सेतो, हरियो रंगमिश्रित ठाडो धर्के रहने छ। झण्डाको बीच भागमा रातो रंगको अष्टकोणको संकेत रहने बताइएको छ। यस्तै पार्टीको लोगो पनि तय गरेको गठबन्धनले जनाएको छ। पार्टीको लोगोमा अष्टदलको छेउमा देवनागरी र रोमन भाषामा लेखिने भएको छ। बैठक जारी छ।

सुरक्षा व्यवस्था कडा पारिएको छ। बाहिर नेपाल प्रहरी तथा सशस्त्रले सुरक्षा दिए पनि भित्र कसैलाई छिर्न दिइएको छैन। आजको बैठकले ३५ सदस्यीय केन्द्रीय कार्यकारी समिति गठन गरेको पनि परिषद् सदस्य कुशवाहले जानकारी दिए।

यसैबीच भोलि लहानको सहिदचोकमा राउतलाई गठबन्धनले नागरिक अभिन्दन गर्ने तयारी गरेको जानकारी दिएको छ। बैठकमा जनतामाझ कसरी जाने भन्नेबारे पनि निर्णय भएको बताइएको छ। नागरिक

सम्बन्धित समाचार

thumbnail

दक्षिण अफ्रिकाको नाइटक्लबमा मृत भेटिए १७ जना

एजेन्सी । दक्षिण अफ्रिकाको एक नाइटक्लबमा १७ जना मानिस मृत फेला परेका छन्।समाचार संस्था रोयटर्सका अनुसार दक्षिण सहर इस्ट लन्डनमा आइतबार बिहान नाइटक्लबमा उनीहरू मृत भेटिएका हुन्।मृत्यु हुनेहरू १८ देखि २० वर्षसम्मका…

thumbnail

दोहोरी गायिका दिलमाया आफ्नै डेरामा मृत फेला, १ पक्राउ

काठमाडौँ । दोहोरी गायिका दिलमाया सुनार मृत भेटिनुभएको छ । प्रहरीका अनुसार शनिबार राति ११ बजे काठमाडौंस्थित आफ्नै डेरामा उहाँ मृत्य अवस्थामा भेटिनुभएको हो । सुर्खेत घर भएकी ३० वर्षीया गायिका सुनार…

thumbnail

अफगानिस्तानका भूकम्प पीडितहरुलाई राष्ट्रसङ्घीय एजेन्सीहरूको सहयोग

एजेन्सी । अफगानिस्तानका भूकम्प पीडितहरुका लागि संयुक्त राष्ट्रसङ्घीय एजेन्सीहरूले सहयोग गरिरहेका राष्ट्रसङ्घीय प्रवक्ताले जानकारी दिएका छन् । राष्ट्रसङ्घका महासचिव एन्टोनियो गुटर्रेसका प्रवक्ता स्टेफान डुजारिकले दिएको जानकारीअनुसार संयुक्त राष्ट्रसङ्घीय निकायहरुले अफगानिस्तानका भूकम्प पीडितहरुलाई…