स्थानीय तहमा नेकपाको एकता टुंगियो

बेनि, मंगलबार चैत २६ गते । नेपाल कम्युनिष्ट पार्टी (नेकपा) म्याग्दीले जिल्लाको ६ वटै स्थानीय तहमा एकता प्रकृया टुंगो लगएको छ । तत्कालिन नेकपा एमाले र माओवादी केन्द्र मिलेर बनेको नेकपाले जिल्लाको १ नगरपालिका र ५ गाउँपालिका सहित ४५ वटै वडामा पार्टीको एकिकृत कमिटी गठन गरेका हुन् ।

जिल्लाका ६ मध्य ४ स्थानीय तहमा एमाले र २ स्थानीय तहमा माओवादी केन्द्रले नेतृत्व सम्हालेका छन् । स्थानीय तहको सवै कमिटिमा एमाले ५९ र माओवादी केन्द्रबाट ४१ प्रतिशत अनुपात राखेर एकेता प्रकृया टुंगो लगाईएको नेकपा म्याग्दीले जनाएको छ । एक हप्ताको अवधिमा जिल्लाको सबै स्थानीय तहमा एकता प्रकृया टुंगो लगाईएको नेकपा म्याग्दीका जिल्ला संयन्त्र सदस्य एवम गण्डकी प्रदेश सभा सदस्य विनोद केसीले जानकारी दिए ।

एकता मार्फत गठन भएको नेकपाको बेनी नगर कमिटीको अध्यक्षमा शेरबहादुर केसी र सचिबमा राजकुमार थापा चयन भएका छन् । धवलागिरी गाउँपालिकाका अध्यक्षमा खुमनाथ सुवेदी र सचिबमा देउप्रसाद छन्त्याल चयन भएका छन् । बेनी र धवलागिरीमा नेकपाको गठित कमिटीमा अध्यक्ष तत्कालिन माओवादी केन्द्र र सचिब तत्कालिन एमालेको तर्फबाट चयन गरिएको छ भने रघुगंगा, अन्नपूर्ण, मंगला र मालिका गाउँपालिकामा अध्यक्ष तत्कालिन एमाले र सचिब तत्कालिन माओवादी केन्द्रबाट चयन गरिएको छ ।

रघुगंगा गाउँपालिकामा अध्यक्षमा दिपक कार्की, सचिबमा हरि भण्डारी, अन्नपूर्ण गाउँपालिका अध्यक्षमा खड्ग गिरी र सचिवमा पूर्ण पाईजा, मंगला गाउँपालिकामा अध्यक्षमा प्रेमप्रसाद रेग्मी र सचिबमा याम रोका र मालिका गाउँपालिकामा अध्यक्षमा बेगप्रसाद गर्वुजा र सचिबमा गोविन सिउथानी चयन भएका छन् । वडा तहमा समेत तत्कालिन दुई पार्टीले अध्यक्ष र सचिब पद एक अर्काले लिएर एकता गरेका छन् । नेकपा म्याग्दीले स्थानीय तहमा एकतालाई टुंगो लगाईसको छ भने जिल्ला नेतृत्वको लागि भने पार्टी केन्द्रमा दुबै पार्टीबाट लबिङ भैरहेको छ ।

सम्बन्धित समाचार

thumbnail

म्याग्दीमा राष्ट्रिय धान दिवस तथा रोपाइँ मनाइयो (फोटो फिचर )

कृषि तथा खाद्यान्न उत्पादनलाई जोड दिनुपर्ने सरोकारवालाको भनाइ म्याग्दी । म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको…

thumbnail

बेनीमा असार २० र २१ गते विद्यालयस्तरीय ‘राष्ट्रपति रनिङ शिल्ड’ प्रतियोगिता हुने

म्याग्दी । म्याग्दीको सदरमुकाम बेनीमा जिल्ला स्तरीय राष्ट्रपति रनिङ शिल्ड विद्यालय स्तरीय खेलकुद प्रतियोगिता हुने भएको छ । जिल्ला खेलकुद विकास समितिको आयोजनमा यही असार २० र २१ गते सदरमुकाम बेनीमा राष्ट्रपति…

thumbnail

म्याग्दी बहुमुखी क्याम्पसका प्राध्यापकलाई अनुसन्धानलेखन विषयक तालिम

बेनी । म्याग्दीको सदरमुकाम बेनीमा रहेको म्याग्दी बहुमुखी क्याम्पसमा अनुसन्धानलेखन तालिम सम्पन्न भएको छ । विश्वविद्यालय अनुदान आयोगको आर्थिक सहयोग र क्याम्पसको व्यवस्थापनमा अनुसन्धान लेखनसम्बन्धी विषयक तालिम सञ्चालन गरिएको थियो । साताव्यापी…