तातोपानी कुण्डलाई आर्थिक सहयोग

बेनी ,शुक्रबार जेठ २४ गते ।यहाँका एक परिवारले म्याग्दीको बेनी नगरपालिका -४ सिंगामा रहेको तातोपानी कुण्डलाई आर्थिक सहयोग गर्नुभएको छ । जिल्लाको मालिका गाउँपालिका ४ च्युरिबोट घर भई हाल काठमाण्डौ बस्दै आउनुभएका स्वर्गिय बलमान पुन मगरका धर्मपत्नी दिलमाया पुन मगरले एक लाख ५ हजार रुपैयाँ सहयोग गर्नुभएको हो ।


स्वर्गिय श्रीमान पुन मगरले प्रबिद्धता जनाए अनुसार धर्म पत्नी दिलमाया ,कान्छा छोरा उपेन्दू र नातिनि समिक्षाले तातोपानी कुण्ड व्यवस्थापन समितिका अध्यक्ष विरेन्द्रमान श्रेष्ठ र समितिका पदाधिकारीहरुलाई आर्थिक सहयोग हस्तान्त्रण गर्नुभएको हो ।

टप वाथ (विशिष्ट स्नान कक्ष) निर्माणका लागि सो आर्थिक सहयोग गरिएको सहयोगदाता स्वर्गिय पुन मगरका कान्छा छोरा पुनले जानकारी दिनुभयो । सहयोगदाता स्वर्गिय पुन म्याग्दीबाट निर्वाचित पुर्व राष्ट्रिय पञ्चायत सदस्य हुनुहुन्छ । स्वर्गिय पुन मगर स्वर्गारोहन हुनु अघि तातोपानी कुण्डमा स्नान गर्न जानुभएको समयमा तातोपानी व्यवस्थापन समितिलाई सुविधा सम्पन्न विशिष्ट कक्ष निर्माण गरिदिने बचन दिनुभएको थियो ।

आर्थिक सहयोग प्राप्त संगै तातोपानीमा विशिष्ट स्नान कक्ष निर्माण गरिएको सिंगा तातोपानी कुण्ड व्यवस्थापन समितिका अध्यक्ष विरेन्द्रमान शाक्यले जानकारी दिनुभयो । उहाँले सहयोगदाता प्रति धन्यवाद तथा आभार प्रकट गर्नुभयो । व्यवस्थापन समितिले सहयोगदाता पुनको परिवारलाई खादा,सम्मान पत्र र मायाको चिनोले सम्मान गरेको छ ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…