प्रसिद्ध धार्मिक स्थल मालिका मन्दीरमा पुर्वाधार निर्माण

बेनी,शुक्रबार जेठ २४ गते । म्याग्दीको प्रसिद्ध धार्मिक एवम् पर्यटकिय स्थल मालिका मन्दीरमा पुर्वाधार निर्मााण गरिएको छ ।

मालिका गाउँपालिकाको वडा नं ६ ,७ र रघ्ुगंगा गाउँपालिकाको वडा नं ६को सिमानामा रहेको मालिका धुरीमा पुजा गर्न आउने श्रद्धालु भक्तजनलाई लक्षित गरि गाउँपालिकाको आर्थिक सहयोगमा पुर्वाधार निर्मााण गरिएको हो ।

मालिका गाउँपालिकाको १४ लाख ४० हजार रुपैयाँ आर्थिक सहयोग र स्थानिय उपभोत्ता समितिको १ लाख ५९ हजार एक सय २४ रुपयाँ गरी १५ लाख ९९ हजार एक सय २४ रुपैयाँ लागत आयोजना निर्माण गरिएको उपभोत्ता समितीका अध्यक्ष छकप्रसाद पाइजाले जानकारी दिनुभयो ।

उहाँका अनुसार मालिका परिसरमा रेलिङ सहित सिढि ,सतल तथा पक्की पर्खाल सहितको घेराबार गरिएको छ । आयोजना निर्माण संगै देश भरिका श्रद्धालु भक्तजन प्रत्यक्ष रुपमा लाभान्वीत हुनेछन् । ऐतिहासिक धार्मिक एवम् पर्यटकीय स्थल मालिकामा पुजाआजा गर्न आउने भक्तजन तथा पर्यटकलाई लक्षित गरि पुर्वाधार निर्माण गरिएको गाउँपालिकाका अध्यक्ष श्रीप्रसाद रोका मगरले बताउनुभयो । उहाँले मालिका गाउँपालिकाको मात्र नभई जिल्लाकै ऐतिहासिक धार्मिक एवम् पर्यटकीय स्थल भएको बताउनुभयो ।


मालिकामा सुविधा सम्पन्न पुर्वाधार निर्माण नहुँदा पुजा गर्न आउने श्रद्धालु तथा भक्तजनहरुले सास्ती व्यहोर्नु परेकाले मालिकामा पुर्वाधार निर्माणमा जोड दिएको अध्यक्ष रोका मगरले जानकारी दिनुभयो ।साथै मालिकामा पुजाआजा एवम् घुम्न जाने श्रद्धालु,भक्तजन तथा पर्यटकलाई लक्षित गरि वडा नं ७ र वडा नं ६ बाट सडक निर्माण सुरु भएको अध्यक्ष रोका मगरको भनाई छ ।

मालिकामा बिशेष गरी चन्डी पुर्णीमा ,जेष्ठ पुर्णिमा र भाईटिका र बाला चर्तुदशिमा पुजाआजा सहित मेला लाग्ने गर्दछ । मालिकाको पुजाआजा ,दर्शन र भाकल गरेमा मनोकाङक्षा पुरा हुने जनविश्वास रहेको छ ।

सम्बन्धित समाचार

thumbnail

हिलाम्मे सडकमा धान रोपाइँ !

म्याग्दी। बेनी दरबाङ सडक अन्तर्गत अलपत्र लाम्पाटा – दरबाङ सडक खण्डमा पर्ने रणबाङका स्थानीयले धान रोपेर विरोध जनाएका छन् । निर्माण कम्पनीले अलपत्र पारेर सम्पर्क विहिन भएपछि स्थानीयहरुले सडकमै धान रोपेर विरोध…

thumbnail

मालिका गाउँपालिकाको बजेट ४८ करोड १८ लाख ३६ हजार रुपैयाँ (तस्बिरहरु)

बेनी । म्याग्दीको मालिका गाउँपालिकाले आगमी आर्थिक बर्ष २०७९÷८० को निति तथा कार्यक्रम र बजेट पारित गरेको छ । शुक्रबार वडा नम्बर ६ स्थित छ्यारछ्यारेमा सम्पन्न गाउँपालिकाको दोस्रो गाउँसभामा गाउँपालिका अध्यक्ष बेगप्रसाद…

thumbnail

एक लाख ८६ हजार रुपैयाँ बढीको फर्निचर सामग्री सहयोग

बेनी । म्याग्दीको मालिका गाउँपालिका–१,निस्कोट स्थित दुध पराई (मुखिया)पुन सेवा समाजलाई अमेरीकाबाट एक लाख ८६ हजार ७६७ रुपैयाँ सहयोग प्राप्त भएको छ । अमेरीकामा रहनुभएका मिलन पुन ,प्रेम पुन ,उत्तम पुन र…