म्याग्दी , शुक्रबार असार १३ गते । विक्रम संवत २०७५ सालको माध्यामिक शिक्षा परिक्षा ‐एसईईमा म्याग्दीबाट सहभागि २ हजार २ सय २९ जना मध्ये ३६ जनाले ३.६५ देखी ४ जिपिए प्राप्त गरेका छन् । म्याग्दीका ९ वटै परीक्षा केन्द्रमा १० वटा नीजिसहित ७१ वटा विद्यालयका १ हजार १सय ७ जना छात्रा र १ हजार १सय३१ जना छात्र गरी दुई हजार २ सय २९ जना एसईईमा सहभागी भएको शिक्षा विकास तथा समन्वय इकाईका प्रमुख दलबहादुर थापा मगरले जानकारी दिनुभयो ।

प्रमुख थापा मगरको अनुसार सभागी मध्ये ३६ जनाले ३.६५ जिपिए प्राप्त गरेका छन् भने ,१ सय ७५ जनाले ३.२५ देखी ३.६ जिपिए ,३ सय ५३ जनाले ३.२ देखी २.८५ जिपिए ,६ सय ६५ जनाले २.४५ देखी २.८ जिपिए ,६ सय ६० जनाले २.४ देखी २.०५ जिपिए ,३ सय १९ जनाले २.० देखी १.६५ जिपिए ,२२ जनाले १.२५ देखी १.६ जिपिए र १ जनाले ०.१८ देखी १.२ जिपिए प्राप्त गरेका छन् ।

सोही परिक्षामा खुल्ला तर्फको परिक्षा फारम भरि सहभागि हुनुभएका वडा अध्यक्ष गर्बुजाले २ जिपिए ल्याउनुभएको छ ् । जिल्लाको अन्नपुर्ण गाउँपालिका ८ का अध्यक्ष खम बहादुर गर्बुजाले बिहिबार सार्वजनिक भएको नतिजामा २ जिपिए प्राप्त गरि उत्तिर्ण हुन सफल हुनुभएको हो ।

सहभागी म्याग्दीका वडा अध्यक्ष गर्बुजा सहित तीनै जना जनप्रतिनिधिले ‘सी’ ग्रेडमा उत्तीर्णा गर्नुभएको छ । दैनिक चुल्होदेखि जनताको काम, सामाजिक कार्यमा ब्यस्त हुने अन्नपूर्ण गाउँपालिका वडा नं ८ राम्चे नाँगीका वडा अध्यक्ष खम बहादुर गर्बुजा, वडा सदस्य गेममायाँ पुन र वडा सदस्य बेगबहादुर पुनले उत्तिर्ण गर्नु सफल हुनुभएको हो ।

बिहिबार सार्वजनिक भएको नतिजामा वडा अध्यक्ष गर्बुजाले २ जीपीए, वडा सदस्य बेगकुमारीले १ दशमलब ९ जीपीए र गेममायाँले १दशमलब ८ जीपीए ल्याएर ‘सी’ ग्रेडमा उत्र्तिण भएपछि थप शैक्षिक यात्राका लागी सहज भएको उहाँहरुको भनाई छ ।

सामान्य लेखपढ भन्दै गाउँसमाजमा परिचय दिने गरेको अवस्थामा अव एसईई उत्र्तिण गरेको भन्न पाउने बताउँदै तयारीमा सहयोग गर्ने सम्पूर्णलाई धन्यवाद दिनुभयो ।

विक्रम संवत २०४४ सालको एसएलसीमा अनुत्तिर्ण भए पछि अध्यक्ष विदेश गएका थिए । ५० बर्षको उमेरमा योग्यता बढाउन पाएकोमा अध्यक्ष गर्बुजाले खुशी व्यक्त गर्नुभयो ।
अध्यक्ष गर्बुजा संगै गाउँकी अगुवा गेममायाँ र अन्य जनप्रतिनिधिले बेनी सामुदायिक माविको केन्द्रबाट एसईई दिनुभएको थियो ।