देविस्थान बेनी सम्पर्क समितिको वार्षिक उत्सव तथा सम्मान कार्यक्रम

बेनी,शनिबार भदौ ७ गते ।
विभिन्न शिलशिलामा सदरमुकाम बेनी बजारमा बसोबास गर्दै आएका जिल्लाको मालिका गाउँपालिका ५ देविस्थान बासीको साझा संस्था बेनी –देविसथान सम्पर्क समितिको वार्षिक उत्सव,दरखाने तथा सम्मान कार्यक्रम सम्पन्न भ्एको छ ।

बेनी देविस्थान सम्पर्क समितिको आयोजनामा शनिबार एक कार्यक्रमका विच सो कार्यक्रम सम्पन्न भएको हो । कार्यक्रममा वडा अध्यक्ष पिपला बुढाले विभिन्न कारणले गाउँ छाडी बसाईसराई गरेपनि गाउँको मौलिक संस्कृतीको जगेर्ना संगै आफन्त विचको भाइचाराको सम्बन्धलाई भने प्रगाढ बनाउनुपर्नेमा जोड दिनुभयो ।

कार्यक्रममा सम्पर्क समितिका अध्यक्ष सुवेदार दिल बहादुर पुनले गाउँका मौलिक संकृतिको पहिचान तथा पर्यटकीय स्थलको प्रवद्र्धन र देविस्थानबाट विभिन्न शिलशिलामा बेनीमा बसोबास गर्ने देविस्थान बासीहरुलाई सुखदुखमा एकअर्काको साथ सहयोग मिलोस् भनी सम्पर्क समिति गठन गरिएको बताउनुभयो ।

समाजसेवी एवं महिला अधिकार कर्मि विमला गौचन , आर्थिक संयोजक कृष्ण बहादुर पुन मगर लगायतले बोल्नुभएको थियो । कार्यक्रममा सम्पर्क समितिकी कोषाध्यक्ष लक्ष्मी पुर्जा पुनले आर्थिक प्रगति प्रतिवेदन प्रस्तुत गर्नुभएको थियो । कार्यक्रममा देविस्थान युवा महिला संजालकी अध्यक्ष इन्द्रामति फगामी लगायत विभिन्न संघ संस्थामा आवद्ध प्रतिनिधिहरुको उपस्थिती रहेको थियो ।

सुवेदार पुनको अध्यक्षता ,सहसचिव धन बहादुर घर्तिको स्वागत तथा सचिव सन्दिप विकको संचालनमा कार्यक्रम सम्पन्न भएको थियो । एक बर्ष अघि स्थापना भएको सम्पर्क समितिलाई पाँच हजार रुपैयाँ भन्दा बढी आर्थिक सहयोग गर्ने चन्दादाताहरुलाई सम्मान गरिएको थियो ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…