बोलेरो जिप दुर्घटना अपडेट ः एकको ज्यान गयो ,१२ गम्भीर घाइतेलाई पोखरा पठाइयो

म्याग्दी , बुधबार साउन २२ गते । म्याग्दीको बेनी नगरपालिका ३ हल्लेगौडामा बलेरो जिप दुर्घटना हुँदा जिपमा सवार १४ जना घाइते मध्ये गम्भीर एक जनाको ज्यान गएको छ ।


दुर्घटनामा परी गम्भीर घाइते हुनुभएका बेनी नगरपालिका ३ बर्ष ५५ का रत्नबहादुर खत्रीको बेनी अस्पतालमा उपचारको क्रममा मृत्यु भएको बेनी अस्पताललाई उद्धृत गर्दै जिल्ला प्रहरी कार्यालय म्याग्दीका प्रहरी निरिक्षक रामप्रसाद पाण्डेले जानकारी दिनुभयो ।

उहाँका अनुसार घाइते मध्ये १२ जनालाई थप उपचारका लागि पोखरा लगिएको छ । भने घाइते मध्ये स्वास्थ अवस्था सामान्य रहेकी बेनपा ३ बर्ष ३८ की भुमिदेबी खातीको अस्पतालमा उपचार जारी रहेको जनाइएको छ ।

चालक बेनी नगरपालिका– ३ का यामबहादुर श्रीस मगर, बेनपा –३ बर्ष २५ का विशाल शाक्य ,उनकी श्रीमती बर्ष २२ की शान्ता शाक्य र छोरी बर्ष ३ की साइदा शाक्य ,बेनपा ३ बर्ष २० का इन्द्र बहादुर विक ,बेनपा ३ बर्ष ४० की ज्ञानकुमारी श्रीस मगर ,मंगला गाउँपालिका ८ का विक्रम सुनार , मंगला ३ बुद्धिसरा सुनार ,बागलुङ नगरपालिका ३ बर्ष २१ की मञ्जु खत्री , ,बेनपा ३ बर्ष ७१ डम्मर बहादुर छन्त्याल ,बेनपा ३ बर्ष ४५ का आइतराम विक,बेनपा ३ बर्ष ४५ की रुपा घर्तीै मगलाई पोखरा मनिपाल अस्पताल रिफर गरिएको प्रनि पाण्डेले जानकारी दिनुभयो ।

बुधबार सदरमुकाम बेनी देखी भकिम्लिी तर्फ जाँदै गरेको ग १ ज ७०५६ नम्वरको जिप हल्लेगौडा स्थित बारल्ना घुम्तीमा दुर्घटना भएको थियो ।

साँझ ४ बजे घुम्तीमा ब्रेकफेल भई बोलेरो जिप दुर्घटना भएको जिल्ला प्रहरी कार्यालयका प्रहरी नायव निरिक्षक धन बहादुर थापाले जानकारी दिनुभयो । जिप सडक देखी करिब ७० मिटर तल खसेको थियो । अप्थ्यारो घुम्ती र क्षमता भन्दा बढी यात्रुका कारण दुर्घटना भएको हुन सक्ने प्रहरीले जनाएको छ ।

सम्बन्धित समाचार

thumbnail

पिताको वार्षिक पुण्य तिथिको अवसरमा विद्यालयलाई शैक्षिक पोशाक वितरण

बेनी । स्वर्गीय बुबाको वार्षिक पुण्य तिथिको अवसरमा पारेर म्याग्दीका एक पत्रकारले विपन्न बालबालिकालाई शैक्षिक पोशाक वितरण गर्नुभएको छ। पत्रकार हरिकृष्ण गौतमले स्वर्गीय पिता बालकृष्ण गौतमले अक्षर चिनेको बेनी नगरपालिका–५ पुलाडाँडास्थति चेतना…

thumbnail

बेनी नगरपालिकाले ल्यायो ७३ करोड २२ लाख रुपैयाँको बजेट, उत्पादन र शिक्षामा जोड

सभामा छलफलपछि संशोधनसहित बजेट आजै पारित म्याग्दी ।म्याग्दीको बेनी नगरपालिकाले आगामी आर्थिक वर्ष २०७९÷८० का लागि आज (शुक्रवार) आफ्नो बजेट, नीति तथा कार्यक्रम प्रस्तुत गरेको छ । ‘कृषि, पर्यटन र पूर्वाधार, स्वच्छ,…

thumbnail

बेनी नगरपालिका –७ मा सम्मान र योजना प्राथमिकीकरण

बेनी । बेनी नगरपालिका–७, मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।नगरपालिका, प्रदेश र संघीय सरकारमा माग गर्ने योजना छनौटका लागि आयोजित…