लाम्मेलाका पहिरो पीडितलाई आर्थिक तथा खाद्यान्न प्रदान

बागलुङ,आइतबार साउन २६ गते । बागलुङको तमानखोला गाउँपालिका– ४ लाम्मेला सन्तरका पहिरो पीडितहरुलाई एक लाख ४८ हजार राहत रकम तथा खाद्यन्न सहयोग गरिएको छ ।
ढोरपाटन नगरपालिका–१ बुर्तिबाङमा रहेको विश्वकर्मा समाज, राजनैतिक दलका प्रतिनिधि, तमानखोला गाउँपालिकामा स्थायी घर भई बुर्तिबाङमा अस्थायी बसोबास गर्दै आएकाहरुको सक्रियतामा संकलन गरिएको राहत वितरण गरिएको हो ।

अभियानबाट संकलित एक लाख ४८ हजार राहत रकम सहित खाद्यन्न, लत्ता कपडा, भाडाँकुडा लगायतका राहत सामाग्री हस्तान्तरण गरिएको पत्रकार योगेन्द्र विश्वकर्माले जानकारी दिनुभयो । पत्रकार विश्वकर्माका अनुसार मृतकका परिवारलाई प्रतिपरिवार २४ हजार ४ सय ५५ रुपैयाँका दरले ३ घर परिवारलाई ७३ हजार ३ सय ६५ रुपैयाँ राहत रकम हस्तान्तर गरिएको छ ।

पहिरोमा परी गम्भीर घाइते ३ जनाका परिवारलाई प्रति परिवार १२ हजार २ सय २५ रुपैयाँका दरले ३६ हजार ६ सय ७५ रुपैयाँ राहत रकम उपलब्ध गराइएको छ भने पहिरो प्रभावित ५ परिवारका सामान्य घाईते ४ जनालाई जनही ९ हजार ४५ का दरले ३६ हजार १ सय ८० रुपैयाँ उपलब्ध गराइएको छ ।


राहत संकलन अभियानकै क्रममा संकलित साढे ३ क्वीन्टल चामल, ११ केजी दाल, ९ केजी नुन, ७ केजी भुजा, सात प्याकेट चाउचाउ, १ प्याकेट बिस्कुट, दुई वटा गाग्री, १ ओटा बाल्टी, ११ ओटा थाल, २० प्याकेट खानेतेल, २ ओटा कराई, ४ ओटा बाँटा, १० ओटा ब्लाङ्केट, ३ थान डसना सहित लत्ता कपडाहरु पनि आजै पहिरो प्रभावितलाई उपलब्ध गराइएको छ । धौलागिरी एफएम

सम्बन्धित समाचार

thumbnail

च्याउ खाँदा बुटवलमा १९ जना बिरामी

बुटवल । जंगलबाट ल्याएको च्याउ खाँदा बुटवलमा १९ जना बिरामी भएका छन् । उनीहरू सबै बुटवल उपमहानगरपालिका वडा नम्बर १२ नयाँ गाउँका हुन् । बिरामी हुनेहरू मध्ये ६ जनाको अवस्था गम्भीर रहेको…

thumbnail

इनार सफा गर्ने क्रममा डुबेर सुर्खेतमा एक जनाको मृत्यु

सुर्खेत । इनारमा डुबेर सुर्खेतमा एक जनाको मृत्यु भएको छ। जिल्लाको भेरीगंगा नगरपालिका–१० तोलीखोलामा इनार सफा गर्न गएको एक जनाको डुबेर मृत्यु भएको जिल्ला प्रहरी कार्यालय सुर्खेतले जनाएको छ। प्रहरीका अनुसार भेरीगंगा…

thumbnail

बाटोमा हिँडिरहेका डाक्टरलाई कुटे ट्राफिक प्रहरीले

ललितपुर । ललितपुरको पुल्चोकस्थित आरोग्य प्रतिष्ठानमा कार्यरत एक जना डाक्टरलाई ट्राफिक प्रहरीले कुटेका छन् । आइतबार राति पौने ९ बजे ड्युटी सकेर घर फर्किरहेका (मेडिकल अफिसर) डाक्टर कुलबहादुर घिसिङमाथि ट्राफिक प्रहरी जवान…