लाम्मेलामा पहिरोमा परि तीन जनाको ज्यान गयो , गम्भीर ३ घाइतेलाई पोखरा लगियो

तमानखोला, सोमबार साउन २० गते । बागलुङको तमानखोलामा पहिरोमा पुरिएर ३ जनाको मृत्यु भएको छ । तमानखोला गाउँपालिका–४ लाम्मेलामा आइतबार पहिरोमा पुरिदा ४५ वर्षीया चन्द्र कुमारी श्रीपाली, ७० वर्षीय अन्सारी श्रीपाली र १२ वर्षीय प्रवीण श्रीपालीको मृत्यु भएको जिल्ला प्रहरी कार्यालय बागलुङले जनाएको छ ।

पहिरोले घर पुरिदा ४४ वर्षीय ओमबहादुर श्रीपालीको टाउको र कम्मर तलको भागमा चोट लागेको बताईएको छ । उनलाई सोमबार बिहान मात्रै पहिरोबाट उद्धार गरिएको थियो । ४५ वर्षीय मृतक चन्द्र कुमारी श्रीपाली उनको श्रीमति भएको प्रहरी असई पदमबहादुर नेपालीले बताए ।

३४ वर्षीया सुनिता श्रीपालीको छातिमा चोट लागेर घाइते बनेकी छिन् । उनको तीन भाई छोरा समेत पहिरोमा परि घाईते बनेका छन् । छोराहरु १६ वर्षीय अनिल श्रीपालीको दाहिने हात भाँचिएको छ । ९ वर्षीय छोरा राम श्रीपालीको टाउकोमा चोट लागेको छ भने अर्का पाँच वर्षीय छोरा कमल श्रीपालीको मुखमा चोट लागेको बताईएको छ ।

सोही ठाउँकी ४० वर्षीया चित्रादेवी श्रीपालीको छातिमा चोट लागेको बताईएको छ भने ५० वर्षीया अमेसरा श्रीपालीको टाउकोमा चोट लागेको छ । घाइतेहरुलाई सामुदायिक स्वास्थ्य केन्द्र लाममेलामा राखेर प्रथामिक उपचार गरिएको वडा अध्यक्ष उदिन छन्त्यालले बताए । घाइतेहरुको थप उपचारको लागि बुर्तिबाङ जिल्ला अस्पतालबाट स्वास्थ्य कर्मीको टोली जाँदै गरेको बताईएको छ ।

बिर्खा सिर्पाली र कृष्ण बहादुर श्रीपालीको गोठ र ट्वाईलेट पुरिएको असई नेपालीले बताए । सुवालाल श्रीपालीको घरमा क्षति पुगेको छ भने देवेन्द्र श्रीपालीको दुईवटा घर पुरिएको छ । घाइते मध्ये ओमबहादुर श्रीपाली, अनिल श्रीपाली र राम श्रीपालीको अवस्था केही गम्भीर रहेका कारण हेलिकप्टर मार्फत थप उपचारका लागि पोखराको गण्डकी अस्पतालमा लगिएको हो ।

अन्यको भने बुर्तिबाङ प्राथमिक स्वास्थ्य केन्द्रबाट गएको डाक्टरहरुको टोलिले स्थानीय लाममेला सामुदायिक स्वास्थ्य केन्द्रमा उपचार गरिएको तमानका प्रमुख प्रशासकीय अधिकृत कमल प्रसाद गौतमले जानकारी दिए ।

सम्बन्धित समाचार

thumbnail

कोरोना महामारीको भत्ता नपाएपछि भीम अस्पतालका स्वास्थ्यकर्मी आन्दोलित

बुटवल । सरकारले दोस्रो चरणको कोरोना महामारीको जोखिम भत्ता एक वर्ष बढी समय पुग्दा समेत नदिएको भन्दै भीम अस्पताल भैरहवाका स्वास्थ्यकर्मीले आन्दोलनको चेतावनी दिएका छन् । पटक–पटक जोखिम भत्ता उपलब्ध गराउन आग्रह…

thumbnail

रामचन्द्र पौडेलको प्रश्न : रामकुमारी झाँक्रीलाई धरधरी रुवाएर समाजवाद आउँछ ?

काठमाडौं । नेपाली कांग्रेसका वरिष्ठ नेता रामचन्द पौडेलले नेताहरुले कुरा समाजवादको गर्ने तर व्यवहार त्यस अनुसार नगरेको आरोप लगाउनुभएको छ । सोमबार काठमाडौंमा आयोजित नेपालमा समाजवाद : चुनौती र सम्भावना शीर्षकको कार्यक्रममा…

thumbnail

जंगलमा हातखुट्टा बाँधि गाडी लुटेर तीन जना फरार

धनगढी । अत्तरिया डडेल्धुरा जोड्ने भिमदत्त पन्त राजमार्ग अन्तर्गत कैलालीको गोदावरी नगरपालिका–४ सडक छेउमा सोमबार बिहान १ बजेतिर एक जना पुरुषलाई हातखुट्टा बाँधेर लडिरहेको अवस्थामा स्थानीयले देखे । गोदावरीदेखि करिब ६ किलोमिटरमाथी…