झिँ सामुदायिक होमस्टेको उद्घाटन

बेनी, शुक्रबार भदौ २७ गते । म्याग्दीको रघुगंगा गाउँपालिका–५ मा शुक्रबार झिँ सामुदायिक होमस्टे ९घरबास०को उद्घाटन गरिएको छ ।

रघुगंगा गाउँपालिकाका अध्यक्ष भवबहादुर भण्डारीले होमस्टेको उद्घाटन गर्नुभएको हो । अध्यक्ष भण्डारीले पर्यटनको माध्यमबाट ग्रामिण अर्थतन्त्रको विकास र जिविकोपार्जन सुधारमा जोड दिएको बताउनुभयो ।

टोड्के, रुइसे, भेडिओडार, रिखार, मालिका, बेगको लामो पुल लगायत गाउँपालिकाको धार्मिक पर्यटकीय स्थलको विकासका लागि पूर्वाधार विकासमा प्राथमिकता दिएको बताउनुभयो । झिँ सामुदायिक होमस्टेका अध्इक्ष डेकप्रसाद गर्बुजाको अध्यक्षता, सचिव गौरी गर्बुजाको सञ्चालन र सहसचिव लक्ष्मी शेरपुञ्जाको स्वागत मन्तब्यमा कार्यक्रम सम्पन्न भएको थियो ।

कार्यक्रममा वडा अध्यक्ष मनबहादुर शेरपुञ्जा, सब डिभिजन वन कार्यालय रघुगंगाका फरेष्टर राम्जी शर्मा, महेन्द्र मावीका प्रअ यामबहादुर शेरपुञ्जा, कार्यपालिका सदस्य रिति थजाली र स्थानीय गोविन्द पाइजाले मन्तब्य व्यक्त गर्नुभएको थियो । आमा समूहले गित र नृत्य प्रस्तुत गरेका थिए ।

धौलागिरि सेञ्चुरी पदमार्गको प्रवेशद्धार झिँ पर्यटकीय स्थल टोड्केको फेदीमा छ । टोड्के र गाउँको भ्रमणमा आउने पर्यटकहरुको सुबिधाका लागि पाहुना घर र होमस्टे सञ्चालन गरिएको छ ।
१४ लाख ३३ हजार २२ रुपैयाँको लागतमा ४ कोठे पाहुनाघर निर्माण भएको छ । दुई वटा कोठामा पाहुना सुत्ने ठाउँ बनाइएको छ । एक वटा भान्छा र अर्को डाइनीङ हल छ । शौचालय र सयनकक्षको पनि सुबिधा छ ।

झिँका १९ घर मध्य पहिलो चरणमा ९ घरमा होमस्टे सुरु भएको छ । थप घरमा पनि पूर्वाधार तयारी गरेर घरबास चलाउने योजना छ । पाहुनाघर निर्माण र होमस्टे सञ्चालनका लागि वन डिभिजन कार्यालयले दश लाख, गाउँपालिकाले एक लाख ४२ हजार र सञ्चालकहरुले दुई लाख ८४ हजार रुपैयाँ लगानी गरेका छन् ।गाउँमा आउने पाहुनालाई भवनमा खाना खुवाएर आलोपालो प्रथा अनुसार होमस्टे सेवा भएको घरमा बास बस्ने सेवा दिइने अध्यक्ष गर्बुजाले बताउनुभयो । रिखार दैनिक

सम्बन्धित समाचार

thumbnail

रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस मनाइयो

म्याग्दी। म्याग्दीको रघुगंगा गाउँपालिकामा लागु औषध दुरुपयोग तथा ओसार पसार विरुद्धको अन्तर्राष्ट्रिय दिवस विविध कार्यक्रम गरि मनाइएको छ । आइतवार रघुगंगा गाउँपालिका–३ स्थित रघुगंगा माध्यमिक विद्यालय र रघुगंगा गाउँपालिका–१,तिप्ल्याङ स्थित कालिका माध्यमिक…

thumbnail

रघुगंगा नदीमा आएको बाढीले स्काभेटर बगायो

म्याग्दी । म्याग्दीको रघुगंगा नदीमा आएको बाढीले स्काभेटर बगाएको छ । शनिवार राती रघुगंगा नदीमा आएको बाढीले राहुघाट जलविद्युत आयोजनाका ड्याम साइटमा काम गरेर नदी किनारमा पार्किङ्ग गरि राखेको ठाउँमा कटान गरेर…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…