नेपाल टेलिकमको नयाँ टावरबाट टुजी र थ्रिजी सञ्चालन भ्वाईस तथा डाटाको समस्या हट्यो

थम्मन थापा
गलकोट, शुक्रबार भदौ २० गते ।

नेपाल टेलिकमले गलकोट नगरपालिका ७ मल्मडॉडामा निर्माण भएको नयॉ मोवाईल टावरमा सेवा सञ्चालनमा ल्याएको छ । उक्त स्थानमा वि।सं २०७१ साल असोजमा टेलिकमले ८ मिटरको रुफ टावर मार्फत टुजी र २०७३ साल चैत देखि थ्रिजी सेवा सञ्चालनमा ल्याएको थियो । टावरको उचाई कम र टावर वरिपरी हरिया अग्ला रुखहरुका कारण टावर देखि मुनीका बस्तीहरु र खोचमा भ्वाईस तथा डाटा सर्भिसको पहुॅचमा समस्या भएको थियो ।

टेलिकमलाई गलकोट नगरपालिका वडा नं ७ को कार्यालयले यसको समाधान गर्न अनुरोध गरेपछि गत चैतमा टेलिकमले २५ मिटर अग्लो नयॉ टावर निर्माण गरेको थियो । नयॉ टावरबाट आज देखि सेवा सञ्चालनमा आएपछि टुजी र थ्रिजीको भ्वाईस तथा डाटा सर्भिसमा सुधार आएको नेपाल टेलिकम बागलुङका कार्यालय प्रमुख तथा वरिष्ठ ईन्जिनियर केशव शर्माले जानकारी दिनुभयो ।

टावर सञ्चालनमा आएपछि गलकोट नगरपालिका वडा नं ७ र वडा नं ९ मल्म, वडा नं ३ हटिया, वडा नं ८ कॉडेबास, वडा नं ५ को केहि भु(भाग सहित गुल्मीको मुसीकोट नगरपालिका वडा ९ अर्लाङकोट सॅगै मध्य पहाडी लोकमार्गमा नमस्ते मोवाईल प्रयोगकर्ता लाभान्वित हुने वरिष्ठ ईन्जिनियर शर्माले बताए । टावर सञ्चालन गर्न नेपाल टेलिकम पोखराका ईन्जिनियर शंकर थापाको प्राविधिक टोलीले कार्य सम्पादन गरेको थियो ।

पहिले समस्या भएका अधिकांश स्थानमा अब नेटवर्क सिग्नल सॅगै भ्वाईस र उच्च गतिको मोवाईल ईन्टरनेट डाटामा समस्या नहुने टेलिकमले जनाएको छ । नेपाल टेलिकमले आफना ग्राहकलाई लक्षित गर्दै धौलागिरी क्षेत्रमा नमस्ते मोवाईल सेवालाई गुणस्तरिय र प्रभावकारी बनाउॅदै आएको छ । टेलिकमले बागलुङ सदरमुकाम सॅगै जिल्लाका विभिन्न स्थान र गलकोट क्षेत्रमा छिट्टै चौथो पुस्ताको मोवाईल फोर जी सेवा सञ्चालन गर्न आवश्यक गृहकार्य गरिरहेको बताएको छ ।

सम्बन्धित समाचार

thumbnail

हिन्दु राष्ट्र संस्थागत गर्न राजसंस्थाको मुद्दा छाड्यौँ : थापा

कैलाली । राष्ट्रिय प्रजातन्त्र पार्टी नेपालका अध्यक्ष कमल थापाले हिन्दु राष्ट्रलाई संस्थागत गराउन राजसंस्थाको मुद्दालाई छोडेको बताउनुभएको छ । धनगढीमा आज आयोजित पत्रकार सम्मेलनमा बोल्दै अध्यक्ष थापाले राजसंस्थालाई संस्थागत गराउन पार्टी स्थापना…

thumbnail

म राजनीतिबाट बाहिरिएको छैन, मन्थनमै छु : मिश्र

काठमाडौँ । विवेकशील साझा पार्टीका पूर्वअध्यक्ष रवीन्द्र मिश्रले आफू राजनीतिबाट बाहिर नरहेको बताउनुभएको छ । आफ्नो मौनताबाट कतिपय शुभेच्छुकहरूमा कतै राजनीतिबाटै बाहिरिन लागेको हो कि भन्ने शंका उब्जिएको आफूले पाएको उल्लेख गर्दै…

thumbnail

बजेट काटिदिएको गुनासो लिएर सुदूरपश्चिमका मन्त्री काठमाडौंमा

धनगढी । सुदूरपश्चिम प्रदेश सरकारले अगामी आर्थिक वर्ष ०७९/८० का लागि ल्याएको बजेटमा असन्तुष्टि जनाउँदै सामाजिक विकास मन्त्री गोविन्द बोहरा काठमाडौं पुग्नुभएको छ । सामाजिक विकास मन्त्रालयबाट सिफारिस गरिएका योजना आर्थिक मामिला…