बगरफाँटमा बाढीले बगाउँदा दुई बालिका बेपत्ता (फोटो सहित)

बेनी आइतबार असोज ५ गते ।
म्याग्दीको बेनी नगरपालिका २ बगरपाँट स्थित कोटखोलामा आएको बाढीले बगाउँदा स्थानीय दुई बलिका बेपत्ता भएकी छिन् । गयराती अविरल बर्षाका कारण कोट खोलामा आएको बाढीले बगाउँदा बगरपाँटीकी पार्वती परियारकी ९ बर्षिया छोरी प्रबिना परियार र अनिता परियारकी ६ बर्षिया छोरी अनुस्का परियार बेपत्ता भएकी हुन् ।

बेपत्ता दुई बालिकाको खोजी कार्य जारी रहेको प्रहरी विट मंगलघाटका प्रहरी हवल्दार सुरेशलाल नगरकोटीले जानकारी दिनुभयो । राती करिब ११ ः१५ बजेको समयमा कोटखोलामा बाढी आएको खबर थाहा पाएपछि उद्धारमा खटिएको प्रहरी हवल्दार नगरकोटीले भन्नुभयो । बाढी आएपछि भाग्ना खोज्दा दुई बालिकालाई बाढीले बगाएको हुन सक्ने उहाँको भनाइ छ । रातको समय भएकाले उद्धारमा समस्या भएको थियो । पार्वती परियार र अनिता परियार स्थानीय अम्बिक श्रेष्ठको जग्गा भाडा लिएर घर बनाएर बस्दै आउनुभएको थियो ।

गयराती करिब ११ ः१५ बजेको समयमा बस्तीमा बाढी पसेको स्थानीय बाढी पिडित रश्मी दमाइले बताउनुभयो । सुतिरहेको अवस्थामा राती अचनाक बाढी आएपछि हामी भागेर बाच्न सफल भयौं दमाइले भन्नुभयो । बर्षा संगै आएको बाढीले बगरफाटँमा रहेको बुद्ध एकेडेमी बोर्डिङ स्कुल संगै स्थानीय रेशम जुग्जाली ,अनिता परियारी र पार्वती परियारको घरमा पुर्ण रुपमा क्षती पु¥याएको छ ।

पार्वती परियार ,अनिता परियार र रेशम जुग्जालीको घर पुर्ण रुपमा पुरिएको छ भने सुकुम्बासी रश्मी परियार ,माया परियार र सेते किसानको घरमा आंशिक क्षती पु¥याएको छ । बाढीले विद्यालय पुरिँदा करिब एक करोड बराबरको क्षती भएको प्रअ ध्रुवसागर शर्माले बताउनुभयो । विद्यालयमा पुर्ण रुपमा क्षती भएपनि मानविय क्षती भने नभएको प्रअ शर्माले बताउनुभयो ।

सम्बन्धित समाचार

thumbnail

किसानलाई धान रोप्ने चटारो (फोटो फिचर)

बेनी । म्याग्दीका किसान यतिबेला धान रोप्न व्यस्त छन् । हिलो र आलीमा किसान । कोही जोत्ने त, कोही हिलो–आली गर्न । हिलो मिलाउने सबै आफ्नै धुनमा । बीउ काढ्ने र धान…

thumbnail

नगरपालिकाद्वारा विद्यालयलाई ल्यापटप वितरण

म्याग्दी । म्याग्दीको बेनी नगरपालिकाद्वारा आज (बिहीबार) नगरपालिकाअन्तर्गत विभिन्न वडामा सञ्चालनमा रहेका विद्यालयहरुलाई ल्यापटप वितरण भएको छ । नेपाल सरकारको चालु आर्थिक वर्षको वार्षिक स्वीकृत कार्यक्रमअनुसार नगरपालिकालाई प्राप्त सशर्ततर्फको कार्यक्रमबाट विद्यालयलाई ल्यापटप…

thumbnail

सिङ्गामा महिलाहरुको पाठेघर खस्ने रोगको स्क्रिनिङ सम्बन्धी भिआइए परीक्षण

निःशुल्क स्वास्थ्य शिविरबाट ग्रामीण भेगका सर्वसाधारणहरु लाभान्वित म्याग्दी ।म्याग्दीको बेनी नगरपालिकाको आयोजनामा हिँजो (बुधवार) बेनपा–४, सिङ्गामा निःशुल्क स्वास्थ्यसम्बन्धी शिविर सम्पन्न भएको छ । महिलामा पाठेघर खस्ने रोगको स्क्रिनिङ, रिङपेशरी तथा भिआइए जाँचसम्बन्धी…