बेनीमा राष्ट्रिय परिचयपत्र वितरण सम्बन्धी अन्तक्र्रिया तथा अभिमुखिकरण कार्यक्रम सम्पन्न

बेनी सोमबार भदौ १६ गते ।
म्याग्दीको सदरमुकाम बेनीमा राष्ट्रिय परिचयपत्र वितरण सम्बन्धी अन्तक्र्रिया तथा अभिमुखिकरण कार्यक्रम सम्पन्न भएको छ । राष्ट्रिय परिचय पत्र वितरण तथा पञ्जिकरण भिभाग सिंहदरबार काठमाण्डौँको आयोजनामा सोमबार जिल्लाका ६ वटै स्थानीय तहका जनप्रतिनिधि ,सरकारी कर्मचारी ,राजनितिक दल ,नागरिक अधिकारकर्मिलाई अन्तक्र्रिया मार्फत अभिमुखिकरण गराइएको हो ।

कार्यक्रममा निर्देशक चोमेन्द्र न्यौपानेले राष्ट्रिय परिचय पत्र सम्बन्धी जानकारी नागरिकको हरेक किसिमका परिचयपत्रहरुलाई एउटै आधुनिक प्रविधिमा आधारित स्मार्ट कार्डमा भण्डारण गर्न मिल्ने उहाँले बताउनुभयो । निर्देशक न्यौपानेका अनुसार अहिले सम्म १ लाख १७ हजार नागरीकलाई राष्ट्रिय परिचय पत्र वितरण गरिएको छ । राष्ट्रिय परिचय पत्र लिनका लागि १६ बर्ष उमेर पुगेको हुनुपर्ने छ । भने जन्मदर्ता लिएकाले पनि परिचयपत्र पाउनेछन् ।

निर्देशक न्यौपानेका अनुसार राष्ट्रिय परिचयपत्रलाई नागरिकले आफ्नो नागरिकता, मतदाता परिचयपत्र, कर सम्बन्धी अभिलेख, ब्याङ्किङ कारोबार, समाजिक सुरक्षा परिचयपत्र लगायतमा प्रयोग गर्न सक्छन् ।


सुरक्षा चिप्स सहितको परिचयपत्रले नागरिकका व्यक्तिगत र बायोमेट्रिक विवरणहरूमा तत्काल पहुँच दिने बाहेक नेपाली, गैरआवासीय नेपाली र विदेशीको वर्गीकरणमा पनि मद्दत र्पुयाउने बताइएको छ । व्यक्तिगत विवरणको जाँच र विकास योजना तर्जुमामा पनि परिचयपत्रले मद्दत गर्ने जनाइएको छ।

राष्ट्रिय परिचयपत्र कार्यान्वयन भएमा सरकारको राजश्व संकलनमा बृद्धि ,अनियमितता रोकिने ,विकास निर्माणमा सहज हुने, एउतै नागरिकले दोहोरो सुविधा लिन नपाउने , अपराधिक क्रियाकलाप न्युनिकरण हुने ,उद्योग ,व्यवसाय र फर्म दर्तामा बृद्धि हुने तथा व्यवसायमा आर्थिक पारदर्शिता हुने तथा विभिन्न झनझटिला प्रक्रियाको अन्त्य हुनुका साथै खर्च कटौती हुने जनाइएको छ ।


कार्यक्रममा गण्डकी प्रदेश सभाका सदस्य सांसद विनोद केसीले राष्ट्रिय परिचय पत्र वितरणलाई प्रभावकारी बनाउन सहयोग गर्ने बताउनुभयो । सबै वडामा कर्मचारी परिचालन गरी व्यक्तीगत विवरण संकलन गरि नागरिकताको आधारमा पचियपत्र वितरण गरिने प्रमुख जिल्ला अधिकारी ज्ञाननाथ ढकालले जानकारी दिनुभयो ।

उहाँका अनुसार १० वटा सेवा केन्द्रबाट परिचय पत्र वितरण गरिनेछ । परिचयपत्रमा फोटो र औंलाको छाप तथा नाम थर ठेगाना,उमेर ,लिंग संगै अन्य व्यक्तिगत विवरणहरुको आधारमा नागरिकको पहिचान हुने जनाइएको छ । कुनैपनि व्यक्तिको गोपनीयतालाई भंग हुन नदिनका लागि विभिन्न निकायले कानुनद्वारा तोकिए बमोजिम मात्र प्रयोग गर्न सक्नेगरी गोपनियता सुनिश्चित गरिएको केन्द्रले जनाएको छ ।

सम्बन्धित समाचार

thumbnail

म्याग्दीका पाँच जना पत्रकार पुरस्कृत (फोटो फिचर)

बेनी । म्याग्दीमा क्रियाशिल पाँच जना पत्रकार पुरस्कृत हुनुभएको छ । जिल्ला समन्वय समिति म्याग्दीले प्रदान गर्ने विकास पत्रकारीता पुरस्कारबाट सोमबार हरिकृष्ण गौतम,कमल खत्री ,घनश्याम खड्का ,धुर्वसागर शर्मा र ठाकुर प्रसाद आचार्य…

thumbnail

जापानको नागोयामा नवप्रवेशी विद्यार्थीलाई स्वागत तथा सम्मान कार्यक्रम

म्याग्दी । अध्ययन र रोजगारीका लागि जापान गएका म्याग्देली विद्यार्थीहरुलाई जापानमा स्थापित म्याग्दी प्रवासी नेपाली संघ मोना जापान क्षेत्रीय समिती नागोयाले आइतबार एक कार्यक्रमका बीच स्वागत तथा सम्मान गरेको छ । ‘प्रवासी…

thumbnail

जिसस म्याग्दीको प्रमुखमा थापा मगर निर्वाचित (तस्बिरहरु)

बेनी ।जिल्ला समन्वय समिति म्याग्दीको प्रमुखमा नेकपा एमालेका युवा नेता राजकुमार थापा मगर निर्वाचित हुनुभएको छ । आइतबार सम्पन्न निर्वाचनमा प्रमुखमा एमालेका उम्मेदार थापा मगर र उपप्रमुखमा एमालेकी उम्मेद्वार दिलकुमारी खत्री विर्वाचित…