टोड्के हिल रिसोर्टद्धारा जेष्ठ खेलाडीलाई सम्मान

प्रताप बानियाँ
बेनी ,मंगलबार कार्तिक १९ गते ।

राष्ट्रिय खेलकुद परिषदका उपाध्यक्ष पिताम्बर तिम्सिनाले खेलकुद क्षेत्रको विकासमा पर्याप्त लगानी र पूर्वाधारको आवश्यकता रहेको बताएका छन् । शनिबार टोड्के हिल रिसोर्ट प्रालिद्वारा आयोजित म्याग्दी जिल्लामा ५० वर्षमाथिका राष्ट्रिय तथा अन्तर्राष्ट्रिय खेलकुदमा सहभागी खेलाडीलाई सम्मान गर्दै उनले यस्तो बताएका हुन् ।

उपाध्यक्ष तिम्सिनाले खेलकुद क्षेत्रको विकासका लागि पर्याप्त लगानी र पूर्वाधारको आवश्यकता रहेकोमो जोड दिँदै राष्ट्रिय खेलकुद परिषद खेलकुद क्षेत्रको बृहत्तर विकास गर्न लागिरहेको जानकारी दिए । सोही कार्यक्रममा नेपाल ह्यान्डबल संघका अध्यक्ष तेजबहादुर गुरुङले खेलकुदले राष्ट्रिय एकतामाथि थप बलियो बनाउने भन्दै खेलकुदका विभिन्न क्षेत्रमा लागेका व्यक्तिहरु समाजमा सजिलै घुलमिल हुन सक्ने बताए । टोड्के हिल रिसोर्ट प्रालिका निर्देशक भीम शेरचनले खेलकुदको माध्यमबाट पर्यटकीय क्षेत्रको प्रचारप्रसार गर्ने उद्देश्यसहित जिल्लाको उच्च क्षेत्रमा खेलाडी सम्मान तथा ह्यान्डबल सो म्याच प्रतियोगिता आयोजना गरिएको जानकारी दिए ।

खेलकुदको माध्यमबाट पर्यटन क्षेत्रको प्रवद्र्धन गर्न विभिन्न खेल विधा अन्तर्गतका खेलाडीहरुलाई टोड्के हिल रिसोर्ट प्रालिले म्याग्दीका पाँचजना खेलाडीहरुलाई सम्मान गरेको छ । म्याग्दी जिल्लामा ५० वर्ष उमेर पुगेका राष्ट्रिय तथा अन्तर्राष्ट्रिय खेलकुदमा सहभागी उनीहरुलाई नेपाल भ्रमण वर्ष–२०२० पूर्वसन्ध्याको अवसर पारेर रिसोर्टद्वारा सम्मान गरिएको हो । सम्मानित हुनेहरुमा अन्नपूर्ण गाउँपालिका–६, घोरेपानीका ६३ वर्षीय पौडी खेलाडी क्या। डमबहादुर गर्बुजा पुन, मंगला–१, थाईबाङका ७७ वर्षीय बक्सिङका मानबहादुर बुढाथोकी, रघुगंगा गाउँपालिका–५, झीँका एथ्लेटिक्सका ६२ वर्षीय मिनबहादुर पाईजा, बेनी नगरपालिका–८, बेनीबजारका भलिबलका ५७ वर्षीय मिलन श्रेष्ठ र मंगला गाउँपालिका–५, अर्मनकी भलिबल खेलाडी ५४ वर्षीया कौसिला खत्रीलाई सम्मान गरिएको रिसोर्टले जनाएको छ ।

खेलाडीहरुलाई राष्ट्रिय खेलकुद परिषदका उपाध्यक्ष तिम्सिना, नेपाल ह्यान्डबल संघका अध्यक्ष गुरुङ, टोड्के हिल रिसोर्ट प्रालिका अध्यक्ष मिनबहादुर पाईजाले अबिर लगाई सम्मानपत्र प्रदान गरी सम्मान गरेका थिए । कार्यक्रममा रघुगंगा गाउँपालिकाका अध्यक्ष भवबहादुर भण्डारी, अन्नपूर्णका अध्यक्ष क्या। डमबहादुर पुन र झीँका वडा अध्यक्ष मनबहादुर शेरपुन्जाले मन्तव्य राखेका थिए ।

कार्यक्रम टोड्के हिल रिसोर्ट प्रालिका अध्यक्ष मिनबहादुर पाईजाको अध्यक्षता, निर्देशक शेरचनको स्वागत र स्थानीय युवा धनबहादुर शेरपुञ्जाको सञ्चालनमा सम्पन्न भएको थियो । यसैबीच सोही कार्यक्रमको अवसरमा नेपाल ह्यान्डबल संघका पूर्व खेलाडीहरुको बिचमा मैत्रीपूर्ण ह्यान्डबल सो म्याच प्रतियोगिता सञ्चालन गरिएको थियो ।

सम्बन्धित समाचार

thumbnail

यू–२० राष्ट्रिय टिमको बन्द प्रशिक्षणबाट ११ खेलाडी बाहिरिए

काठमाडौँ । भारतमा हुने साफ यू–२० च्याम्पियनसिप र बहराइनमा एएफसी यू–२० एसियन कप छनोटका लागि अहिले बन्द शिविरमा रहेको यू–२० राष्ट्रिय टोलीका खेलाडीको संख्या ३० मा झारेको छ। मुख्य प्रशिक्षक मेघराज केसीले…

thumbnail

कप्तान अरुणा शाही दोस्रो पटक वर्ष उत्कृष्ट खेलाडी

पोखरा। राष्ट्रिय महिला भलिबल टिमकी कप्तान अरुणा शाही दोस्रो पटक वर्ष उत्कृष्ट खेलाडीको रूपमा सम्मानित हुनुभएको छ । दोस्रो स्पोर्टस अवार्डमा पनि उत्कृष्ट बन्नुभएकी म्याग्दीकी शाही अहिले पुनः उत्कृष्ट खेलाडी बन्दै पुरस्कृत हुनुभयो।…

thumbnail

विश्वकपका १८ लाख टिकट बिक्री

दोहा । कतारमा नोभेम्बरमा आयोजना हुन लागेको विश्वकप फुटबल प्रतियोगिताका लागि आयोजक फिफाले १८ लाख टिकट बिक्री भएको र थप टिकट बिक्री जुलाई ५ बाट खोलिने बताएको छ। विश्वकपका लागि फिफाले आयोजक…