साधन राम्जाली म्याग्दी,मंगलबार मंसिर १० गते । दुई बर्षदेखी साङलोमा बाँधिएकी म्याग्दीको दुर्गम धवलागिरी गाउँपालिका–३ फलिया गाउँकी सुमिना विकको उद्धार गरिएको छ । नवविकल्प साप्ताहिक र म्याग्दी न्युज डटकममा ९ बर्षिया सुमिनाको अवस्थाको बारेमा समाचार प्रकाशित भएपछि गाउँपालिका संगै विभिन्न संघसंस्थाहरुले उनको वारेमा चासो व्यक्त गरेका थिए ।
दुई बर्षको उमेरमा आमाको कुटाईबाट मानसिक सन्तुलन गुमाएकी सुमिनाको पालपोषण हजुर आमा डोल्मा (कामी) विकले गर्दै आउनुभएको थियो । म्याग्दीको परोपकारी संस्था ओमकुमारी शान्ति कोषको संयोजनमा सुमिनालाई मानव सेवा आश्रम पोखरामा राख्ने व्यवस्था मिलाइएको छ । दुई बर्षदेखी साङलोमा बाँधिएकी सुमिनालाई मानव आश्रम सेवामा राख्ने व्यवस्था मिलाइएको कोषका अध्यक्ष राजेश शाक्यले बताउनुभयो ।
कोषको सचिवालयमा आयोजित कार्यक्रम मार्फत सुमिनालाई आश्रमको जिम्मा लगाइएको हो । फलिया गाउँबाट हजुर आमा डोल्माको साथ बेनी आएकी सुमिनालाई जिल्ला प्रहरी कार्यालय म्याग्दीका प्रहरी नायब उपरिक्षक महेन्द्रप्रसाद मरासिनीको रोहबरमा आश्रमका प्रतिनिधि होमनाथ तिमिल्सिनालाई जिम्मा लगाइएको हो ।
आमा बुबाले दोस्रो विवाह गरेर घर छाडेर गएपछि सुमिनाको पालनपोषणमा समस्या हुने गरेको हजुरआमा डोल्माले बताउनुभयो । ‘सानैमा मानसिक सन्तुलन गुमाएकी नातिनिको उपचार र पालनपोषण हुने आशाले मानव सेवा आश्रमको जिम्मा लगाएकी हुँ ,’हजुरआमा डोल्माले भन्नुभयो । ‘उपचार पछि मैले नातिनीलाई घरमै ल्याएर पाल्ने छु ।्’
उद्धार कार्यक्रमका प्रनाउ मरासिनीले सडकमा अलपत्र परेका र मानसिक सन्तुलन गुमाएर दुःख पाएका मानिसहरुलाई मानव सेवा आश्रमले हेरचाह गरेर नमुना कामको थालनी गरेको बताउनुभयो । कार्यक्रममा मानव सेवा आश्रमका प्रतिनिधि तिमिल्सिनाले आफन्त नभएर अलपत्र परेका तथा मानसिक सन्तुलन गुमाएका मानिसहरुको हेरचाह,पालनपोषण र उपचारको समेत व्यवस्था सहित आश्रम स्थापना गरिएको बताउनुभयो ।
यसै गरी सुमिना सहित उत्तरी अन्नपूर्ण गाउँपालिका–४ नारच्याङका २६ वर्षीय गणेश पुर्जा,सोही गाउँकी ५२ वर्षीय मतीकला गर्बुजा र बेनीको अस्पतालचोकमा बेवारिसे अवस्थामा नाम ठेगाना नखुलेका एक युवाको पनि उद्धार गरी आश्रमको जिम्मा लगाइएको शान्ति कोषका अध्यक्ष शाक्यले जानकारी दिए ।
म्याग्दी । म्याग्दीको धवलागिरी गाउँपालिकामा कुल ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…
म्याग्दी । म्याग्दीको दुर्गम धवलागिरि गाउँपालिका –४, स्थित खाम्लामा सडक पुगेको छ । यस क्षेत्रमा निर्माण हुने तीनवटा जलविद्युत आयोजनाले संयुक्त रुपमा मालिका गाउँपालिका –७, खारादेखि खाम्लासम्म १० किलो मिटर सडकको ट्रयाक…
बेनी ।म्याग्दीको धवलागिरी गाउँपालिकाले आईतबार सार्वजनिक विदा नदिने भएको छ ।मुनामा गाउँपालिका अध्यक्ष प्रेमप्रसाद पुनको अध्यक्षतामा सोमबार बसेको कार्यपालिकाको पहिलो बैठकलले गाउँपालिकाकाको कार्यालय, वडा कार्यालय र विद्यालय शनिबार बाहेक आईतबार देखि शुक्रबारसम्म…
काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…
काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…
काठमाडौँ । सिसडोलदेखि बञ्चरेडाँडासम्म जाने बाटो मर्मतको काम गर्नुपर्ने भएकाले आज र भोलि काठमाडौं उपत्यकाको फोहोर व्यवस्थापन कार्य प्रभावित हुने भएको छ। नुवाकोटको सिसडोलमा यसअघि थुपारिएको फोहोरको कारण बञ्चरेडाँडासम्म गाडी आउनरजानका लागि…
काठमाडौं । अख्तियार अनुसन्धान दुरुपयोग आयोगले रुपन्देहीको ओमसतिया गाउँपालिकाका तत्कालीन प्रमुख प्रशासकीय अधिकृत राजु नेपालसहित ३ जनाविरुद्ध भ्रष्टाचार मुद्दा दायर गरेको छ । ओमसतिया गाउँपालिका–४ मटेरिया गाउँको मुख्य सडकमा पीसीसी काममा लागत…