धवलागिरी गाउँपालिका मालिका गाउँपालिका म्याग्दी रघुगंगा गाउँपालिका राजनिति राष्ट्रिय

कांग्रेस नेताद्धारा पहिरो पीडितलाई साढे सात लाख रुपैयाँ बराबरको जिन्सी सामग्री सहयोग

बेनी । नेपाली कांग्रेस,म्याग्दीका यवा नेताहरुले निजि खर्चमा पहिरो पीडितहरुलाई राहत सामग्री सहयोग गरेका छन् । अविरल वर्षासँगै गएको पहिरोका कारण विस्थापित भएकाहरुलाई नेपाली कांग्रेस म्याग्दीका यूवा नेताहरुले निजि खर्चमा साढे ७ लाख रुपैयाँ बराबरको राहत सामग्री सहयोग गरेका हुन् ।

जिल्ला कार्यसमितिका सदस्य एवम् युवा नेता केबी भण्डारी ,ओम छन्त्याल ,बेनी नगर सभापति अनोद श्रेष्ठ ,रघुगंगा गाउँपालिका–८ का वडा अध्यक्ष गमान छन्त्याल ,समाजसेवी मन्द्रिरा श्रेष्ठ र नेपाल राष्ट्रिय मगर संघ ,म्याग्दीका अध्यक्ष हिराबहादुर पुनले निजि लगानीमा एयर डाइनेष्ट्रिक हेलिकप्टरमार्फत गत असार २५ गते पहिरोले विस्थापित भएका धवलागिरी गाउँपालिका–६ मराङ, वडा नं ७ ,धारापानी, मालिका गाउँपालिका–७ बिम र रघुगंगा गाउँपालिका–८, कुईनेमंगलेमा विस्थापित परिवारका बालबालिका, महिला र बृद्धबृद्धाले प्रयोग गर्ने कपडा, चप्पल, गम्बुट, सुत्ने म्याटे«स लगायतका जिन्सी साम्रागी विस्थापित रहेको क्षेत्रमै पुगेर हस्तान्तरण गर्नुभएको हो ।

बाढीपहिरोबाट विस्थापित भएकालाई खाद्यान्न सामग्री प्रयाप्त भएपनि लत्ताकपडाको अभाव भएको खबर पाएपछि आफुहरुले निजि लगानीमा हेलिकप्टरमार्फत पहिरो प्रभावित क्षेत्रमै पु्गेर सामाग्री हस्तान्तरण गरिएको बेनपा–८ का वडा सदस्य समेत रहनुभएका पुनले बताउनुभयो । राहत सामाग्री स्थानीय वडाका जनप्रतिनिधि ,क्लब तथा आमा समुहको उपस्थितीमा पीडित परिवारलाई हस्तान्तरण गरिएको छ ।

पुनका अनुसार हेलिकप्टरको खर्च बाहेक उक्त रकम बराबरको साम्रागी वितरण गरिएको हो । जिल्लाको विभिन्न ठाउँमा गएको पहिरोका कारण विस्थापित भएका परिवारलाई सो सहयोग गरिएको जिल्ला कार्यसमिति सदस्य एव्म युवा नेता केबी भण्डारीले बताउनुभयो ।

पहिरो पीडितहरुलाई आवश्यकताका आधारमा सहयोग गर्ने र थप सहयोग आवश्यकता परेमा समन्वय गर्ने समेत उहाँले बताउनुभएको छ । अर्का नेता ओम छन्त्यालले पहिरो पीडितलाई पार्टीसंगै आफुहरुले निजि खर्चमा पनि सो राहत सामाग्री सहयोग गरेको बताउनुहुँदै आगामी दिनमा समेत पीडितको आवश्यकता अनुसारको सहयोग जुटाउन निरन्तर पहल गर्ने बताउनुभयो ।

सम्बन्धित समाचार

thumbnail

धारापानीका थापा परिवारद्धारा गाउँपालिकालाई आर्थिक सहयोग

बेनी । म्याग्दीको धवलागिरी गाउँपालिका वडा नम्बर ७ धारापानीका समाजसेवी तेजेन्द्र थापाको परिवारले गाउँपालिकालाई आर्थिक सहयोग गर्नुभएको छ । कोरोना भाइरस रोकथाम ,नियन्त्रण र संक्रमित विरामीको उपचारमा सघाउ पु¥याउने उद्धेश्यले आफ्नो परिवारको…

thumbnail

धवलागिरीमा भिडियो एक्सरे र ल्याब सेवा सुरु (तस्विर सहित)

बेनी । म्याग्दीको धवलागिरी गाउँपालिका वडा नम्बर ७ स्थित ताकम अस्पतालमा भिडियो एक्सरे र ल्याब सेवा सुचारु भएको छ । गण्डकी प्रदेश सामाजिक विकास मन्त्रालयको आर्थिक सहयोग र गाउँपालिकाको समन्वयमा उपकरण व्यवस्थापन…

thumbnail

धवलागिरी गाउँपालिकालाई स्वास्थ्य सामग्री सहयोग

बेनी । म्याग्दीको धवलागिरी गाउँपालिका घर भई हाल काठमाडौंमा बस्दै आएका महिलाहरुले गाउँपालिकालाई एक लाख रुपैयाँ बराबरको स्वास्थ्य सामग्री सहयोग गरेका छन् । काठमाडौंमा बस्ने धवलागिरीका महिलाहरुद्धारा स्थापित उपकार आमा समुहले गाउँपालिकालाई…