मुख्य समाचार राष्ट्रिय समाचार समाज स्थानीय

बर्दियामा बाढीको वितण्डा : २ सय ७५ घर डुबानमा

जनक चौधरी

बर्दियाको राजापुर १ चनौरामा आएको बाढीवाट घरको सामाग्री जोगाउन डुंगा प्रयोग गरिदै : फोटो खुसीराम चौधरी

बर्दिया । सोमबार देखि परेको अविरल बर्षाका कारण बर्दियामा २ सय ७५ घर डुवानमा परेका छन। जिल्लाको राजापुर, गेरुवा र ठाकुरवावा नगरपालिका अन्तगर्तका विभिन्न नदी तथा खोला नालाहरु भरीएर बस्ती डुवानमा परेका हुन । बर्दियाका प्रमुख जिल्ला अधिकारी लिलाधर अधिकारीले जिल्लाका विभिन्न स्थानमा गरी २ सय ७५ घर डुवानमा परेको प्रारम्भिक जानकारी प्राप्त भएको बताए । बाढीवाट कुनै त्यस्ता मानवीय क्षती नभएपनि जोखिमयुक्त अवस्थामा रहेका व्यक्ति तथा समुदायलाई सुरक्षित स्थानमा सारीसकीएको उनको भनाई छ ।

राजापुर १ दौलतपुरमा बाढी आएपछि चिन्तित स्थानीय : फोटो लोकराज ढुंगाना

कर्णाली नदीमा पानीको बहाब बढेसंगै भदाली नाला थुनिएर आएको बाढीवाट बर्दियाको राजापुर नगरपालिका १ सबैभन्दा बढी प्रभावित बनेको छ । राजापुर १ को दौलतपुर, चनौरा, सोनपुर लगायतका गाउँहरुमा करिव ९० घर डुबानमा परेको र उनीहरुलाई सुरक्षित स्थानमा राखिएको वडा नं १ का अध्यक्ष खुशीराम चौधरीले बताए ।

लगातारको बर्षाका कारण बुधबार विहान कर्णाली नदीले खतरा तह पार गरेको थियो । खतरा तह पार गरेसंगै जिल्ला प्रशासन कार्यालय बर्दियाले एक सूचना निकालेर नदी आसपासको क्षेत्रमा बस्ने स्थानीय वासीन्दालाई सावधानी अपनाउन अपिल गरेको छ । अहिले कर्णाली नदीमा पानीको सतह घटेर सामान्य भएपनि पानी घटबढ हुनसक्ने र स्थानीय खोला नालाको पानी भरीएर बाढी आउनसक्ने भएको हुँदा सचेत रहन जिल्ला प्रशासन कार्यालय बर्दियाले अनुरोध गरेको छ ।satyapatrika

सम्बन्धित समाचार

thumbnail

गण्डकी प्रदेशको कोरोना अस्पतालमा चरम लापरबाही

कास्की । गण्डकी प्रदेशले कोरोनाको प्रकोप सुरु हुनु अगाडि नै ‘तयारी भयो’ भनेर हल्ला गरेको कोरोना अस्पताल बल्ल सञ्चालनमा आएको छ । लेखनाथको मोहरीयमा रहेको उक्त अस्पताल केहीदिन अघिमात्र संचालनमा आएको हो…

thumbnail

सबै जिल्लाबाट सवारी पास वितरण बन्द गर्न गृह मन्त्रालयको निर्देशन

काठमाडौँ । गृह मन्त्रालयले मुलुकभरका जिल्ला प्रशासन कार्यालयलाई सवारी पास वितरण बन्द गर्न निर्देशन दिएको छ । सतहत्तरै जिल्लाका प्रमुख जिल्ला अधिकारीलाई आज परिपत्र गर्दै मन्त्रालयले यही साउन २९ गतेदेखि लागू हुने…

thumbnail

युएईमा ५ महिनाभित्र १ सय १० नेपालीको ज्यान गयो

युएई । संयुक्त अरब एमिरेट्स (युएई) मा गत पाँच महिनाभित्र विविध कारणले १ सय १० जना नेपालीको ज्यान गएको छ। गएको पाँच महिनामा विभिन्न कारणले १ सय १० जना नेपालीको ज्यान गएको…

Write a Reply or Comment