धवलागिरी गाउँपालिका बेनी नगरपालिका मंगला गाउँपालिका मुख्य समाचार म्याग्दी राष्ट्रिय

म्याग्दीमा थप चार जनामा डेङ्गु संक्रमण पुष्टि

बेनी । म्याग्दीमा थप चार जनामा डेङ्गु संक्रमण देखिएको छ । उपचार्थ बेनी अस्पताल आएका मंगला गाउँपालिका–१ का ४१ बर्षिय पुरुष ,धवलागिरी गाउँपालिका–६ ठेगाना भई हाल सिंगा बस्दै आएकी १९ बर्षिया युवती र बेनी नगरपालिका–४ का २५ बर्षिय पुरुषमा डेङ्गु संक्रमण देखिएको अस्पतालका सुचना अधिकारी प्रकाश सुवेदीले जानकारी दिनुभयो । संक्रमित मध्य दुई जना आइतबार र बेनपा –४ का २५ बर्षिय पुरुष सोमबार उपचारका लागि अस्पताल आएका थिए ।

उहाँका अनुसार संक्रमित मध्य दुई जना डिस्चार्ज भएका छन् । भने बेनपा –४का २५ बर्षिय पुरुषलाई थप उपचारका लागि अस्पतालमा भर्ना गरिएको छ । सुचना अधिकारी सुवेदीका अनुसार संक्रमित विरामीहरुमा उच्च ज्वरो आउने ,शरिर दुख्ने लगायत लक्षण देखा परेको थियो ।

उच्च ज्वरो आउने, धेरै टाउको दुख्ने, आँखाको गेडी र टाउकोको पछिल्लो भाग दुख्ने शरिरमा बिमिरा आउने, हाड जोर्नी तथा मांसपेसीहरु दुख्ने दुख्ने डेङ्गुका मुख्य लक्षण हुन् । एडिस एजिप्टाई जातको पोथी लामखुट्टेको टोकाइबाट डेङ्गु संक्रमण हुन्छ । अस्पतालको रेकर्ड अनुसार हालसम्म डेङ्गु संक्रमितको संख्या २५ पुगेको छ । गर्मी समय र बर्षायाम सुरु भएसंगै डेङ्गु संक्रमण फैलिने सम्भावना बढी हुने भएकाले सरसफाईमा विशेष ध्यान दिन चिकित्सक तथा स्वास्थ्यकर्मीको सुझाव छ ।

सम्बन्धित समाचार

thumbnail

मराङ र खिबाङका तीन बिरामीलाई जापान र अष्ट्रेलियाबाट आर्थिक सहयोग

दिपक शर्माबेनी । म्याग्दीको धवलागिरी गाउँपालिकाको मराङ र खिबाङका तीन जना बिरामीको लागि टच मराङ जापान र टच मराङ अस्ट्रेलियाबाट १ लाख ८१ हजार ५ सय सहित कुल २ लाख १ हजार…

thumbnail

म्याग्दीका एक कोरोना संक्रमित पुरुषको पोखरामा मृत्यु

म्याग्दी । म्याग्दीका एक कोरोना संक्रमित पुरुषको उपचारको क्रममा पोखरामा निधन भएको छ । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्र्तगत कोभिड–१९ उपचार केन्द्रमा आईसियुमा उपचाररत धवलागिरि गाउँपालिका–७ का ८५ बर्षिय…

thumbnail

धवलागिरीको बिशेष गाउँसभा सम्पन्न,तीन करोड ४९ लाख बजेट बिनियोजन

उत्कृष्ट कर्मचारीलाई सम्मान मुना । म्याग्दीको धवलागिरी गाउँपालिकाको बिशेष गाउँसभा बिहीबार मुनामा सम्पन्न भएको छ । गाउँपालिकाका अध्यक्ष थमसरा पुनको अध्यक्षतामा भएको सभामा उपाध्यक्ष रेशम छन्त्यालले प्रस्तुत गर्नुभएको गत आर्थिक वर्षमा खर्च…

Write a Reply or Comment