आर्थिक धवलागिरी गाउँपालिका मुख्य समाचार म्याग्दी राष्ट्रिय समाचार

कलेजो रोगी दर्जीलाई समाजसेवी गौचनद्धारा आर्थिक सहयोग,उपचारमा सहयोग गर्न अपिल

बेनी । कलेजो रोगबाट पीडित धवलागिरी गाउँपलिका–७ की अनिता दर्जीलाई नेपाली कांग्रेस, म्याग्दीकी नेतृ तथा समाजसेवी विमला गौचनले आर्थिक सहयोग गर्नुभएको छ । लामो समयदेखी कलेजो रोगबाट पीडित दर्जीलाईको आर्थिक अवस्था कमजोर भएकै कारण उपचार हुन सकेन । समाजसेवी तथा नेतृ गौचनले कलेजोको शल्यक्रियाका लागि पीडित दर्जीलाई दश हजार रुपैयाँ सहयोग गर्नुभएको छ ।

युरोपमा रहेका दिदीबहिनीको सहयोगमा जिल्लाको पहिरो ,मृगौला रोगी लगायतलाई सहयोग गरीएको उहाँले बताउनुभयो । २० बर्षिया कलेजो पीडित दर्जीको उपचारका लागि म्याग्दीको परोपकारी संस्था ओमकुमारी शान्ति कोष ,पत्रकार ,गाउँपालिका अध्यक्ष थमसरा पुन मगर लगायतले व्यक्तीगत रुपमा आर्थिक सहयोग गरेका छन् ।

एकल महिला संघकी संस्थापक अध्यक्ष ,नेपाल महिला संघ,म्याग्दीकी अध्यक्ष समेत रहनुभएकी गौचनले कलेजो रोगी दर्जीको घरको आर्थिक अवस्था कमजोर भएकाले आर्थिक सहयोग गर्न सबैलाई अपिल गनुभएको थियो । पैसा नपुगेपछि काठमाण्डौबाट अस्पतालले कलेजोको शल्यक्रिया गर्न नमानेको अनिताले टेलिफोन मार्फत बताउनुभयो ।

उहाँले भन्नुभयो –‘कलेजोमा समस्या देखा परेपछि काठमाण्डौको अस्पतालमा जचाँउदा अप्रेशन गर्नुपर्छ भनेका डाक्टरले मेरो आर्थिक समस्याका कारण उपचार गर्न मानेन् ,अहिले जिल्लाका विभिन्न संघसंस्था र व्यक्तीको सहयोगमा उपचारका लागि पोखरा जाँदै छु ।’ दर्जीका श्रीमान सुरेश नेपाली सामान्य मजदुरी गर्दै आउनुभएको छ । दर्जीकी एक छोरी हुनुहुन्छ । विहिबार सो रकम हस्तान्तरणमा रघुगंगा गाउँपालिकाका अध्यक्ष भवबहादुर भण्डारी लगायतको उपस्थिती रहेको थियो ।

सम्बन्धित समाचार

thumbnail

मराङको जन विकास आधारभुत विद्यालयमा अक्षयकोष स्थापना

बेनी । म्याग्दीको धवलागिरी गाउँपालिका –६ ,मराङको आरबाङ स्थित जनविकास आधारभुत विद्यालयमा अक्षयकोष स्थापना गरिएको छ । शनिबार मराङका तीन जनाले आफन्तको स्मृतीमा विद्यालयमा अक्षयकोष स्थापना गरेका हुन् । धनबहादुर जुग्जालीले श्रीमति…

thumbnail

आयात कम हुँदा राजस्व संकलनमा गिरावट

कोरोना नियन्त्रणका लागि सरकारले गरेको निषेधाज्ञाका कारण आर्थिक गतिविधि खुम्चिएसँगै आयातमा कमी आउँदा राजस्व संकलनमा समेत उलेख्य गिरावट आएको छ । कोराना भाइरसको संक्रमण फैलिँदै गएपछि गरिएको लकडाउन र निषेधाज्ञाका कारण अत्यावश्यक…

thumbnail

एसिडपीडित ४ जनाले पाए रोजगारी

काठमाडौँ । एसिड आक्रमणका ३ जना युवतीले कुमारी बैंकमा रोजगारी पाएका छन् भने आक्रमणबाट घाइते एक पुरुषलाई पनि महान्यायाधिवक्ताको कार्यालयले चालकमा करार नियुक्ति दिएको छ । कुमारी बैंकले एसिड पीडित दुईजना युवतीलाई…

Write a Reply or Comment