धवलागिरी गाउँपालिका बेनी नगरपालिका समाज

गौस्वाराका युवा खड्काको संयोजनमा संकलीत रकम धौलागिरीका बाढी पीडितलाई सहयोग

बेनि । म्याग्दिको बेनि नगरपालिका २ गौंस्वारा लोक गायक हर्क खड्काको संयोजकत्वमा पहिरो प्रभावितका राहतका लागि रु १५ हजार आर्थिक सहयोग संकलन गरिएको छ । खड्का सहित गाउँका युवाहरु मिलेर गौँसरामा घरदैलो गरि संकलन गरिएको सो रकम आइतबार बेनिमा धौलागिरी गाउँपालिकाको बिपत ब्यबस्थापन कोषमा जम्मा हुने गरि उपाध्यक्ष रेशम छन्त्याल र योजना अधिकृत कृष्ण सुबेदिलाइ खड्काले हस्तान्तरण गर्नु भएको छ ।

गत असार २५ गते राति अविरल वर्षा सहित आएको बाढी र पहिरोले धौलागिरी गाउँपालिकाको मराङ, ताकम, धारापानी लगाएतका क्षेत्रमा अपुरणिय क्षति पुराएको थियो । पहिरोले घरपरिवार गुमाएका पीडितको राहतका लागि थोरै भयपनी सहयोग पुगोस भन्ने उदेश्यले युवाहरु मिलेर गाउँमा घरदैलो गरि आर्थिक संकलन गरेको खड्काले बताउनु भयो । सहयोग संकलन अभियानमा अस्ट्रेलियामा रहनु भएका अमृत सापकोटा र जापानमा रहनु भएका राज कुमार कार्किले पनि सहयोग गर्नु भएको थियो ।

सहयोग रकम बुझ्दै उपाध्यक्ष छन्त्यालले पहिरो प्रभावितका लागि गौंस्वाराका युवाहरुले गरेको सहयोग महत्त्वपूर्ण भएको बताउनु भयो । धौलागिरी गाउँपालिकाले पहिरो प्रभाबितहरुको राहत तथा पुनस्थापनाका लागि देश बिदेशमा सहयोग संकलन अभियान चलाइरहेको छ । अभियान अन्तर्गत स्वैच्छिक रुपमा विभिन्न ब्यक्ति तथा संघ संस्थाबाट सहयोग रकम प्राप्त भैरहेको अधिकृत सुबेदिले जानकारी दिनुभयो ।

सम्बन्धित समाचार

thumbnail

विश्व किर्तिमानी पर्वतारोही पुर्जा सहित म्याग्दीका सात जनालाई बिभुषण

म्याग्दी । संविधान दिवसको अवसरमा विश्व किर्तिमानी पर्वतारोही निर्मल पुर्जा सहित म्याग्दीका सात जना राष्ट्रपतिद्धारा विभिन्न पदकबाट विभुषित भएका छन् । राष्ट्रपति विद्यादेवी भण्डारीबाट विभुषित हुनेमा विश्वकिर्तिमानी निर्मल पुर्जा ,समाजसेवी तथा पत्रकार…

thumbnail

म्याग्दीका बाढी पहिरो पीडितका लागि करिब साढे दुई लाख सहयोग

म्याग्दीको बेनी नगरपालिका–४, सिंगाका डा. जिवन बानियाँको पहलमा म्याग्दीका बाढीपहिरोबाट विस्थापितलाइ लक्षित गरी करिब साढे दुई लाख बराबरको सहयोग ओमकुमारी शान्ति कोषमा हस्तान्तरण भएको छ । गएको असार महिनाको २५ गते म्याग्दीको…

thumbnail

धवलागिरी र मालिका गाउँपालिकामा पहिरोमा ज्यान गुमाएकाको परिवारलाई संघिय सरकारद्धारा दुई महिना पछि राहत

म्याग्दी । जिल्लाको धवलागिरी गाउँपालिका र मालिका गाउँपालिकाका बाढी पहिरो पीडित परिवारले दुई महिना पछि संघिय सरकारको राहत पाएका छन् । गत असार २५ मध्यरातमा परेको अविरल बर्षातका कारण गएको बाढी पहिरोमा…

Write a Reply or Comment