मर्मतपछि संचालनमा आयो बाढीले भत्काएको गलेश्वरको बेलिब्रीज (फोटो/भिडिओ सहित )

म्याग्दी । बेनी –जोमसोम सडक आयोजना अन्तर्गतको गलेश्वर स्थित बेलीब्रिज संचालनमा आएको छ । गत असार २६ गते रघुगंगा नदीमा आएको बाढीका कारण भत्किएको गलेश्वर स्थित बेलिब्रिज मंगलबार देखि सञ्चालनमा आएको हो । बेनी – जोमसोम– कोरोला सडक आयोजनाले बेलिब्रिजको मर्मत सम्भार गरेर सञ्चालनमा ल्याएको हो । आयोजनाका अनुसार सो पुल मर्मत गर्न करिब पचास लाख रुपैयाँ खर्च भएको आयोजनाले जनाएको छ ।

मंगलबार देखि हलुका सवारी मात्र आवतजावत गर्ने छन् भने भदौ ५ गते पछि ठूला सवारी साधनलाई पनि आवतजावत गर्न दिइने आयोजनाका सव इन्जिनियर गजेन्द्र प्रसाद रावतले जानकारी दिनुभयो । https://youtu.be/h7an4-bQdLg उहाँका अनुसार भदौं पाँच पछि १६ टन क्षमता सम्मका सवारीहरु आवतजावत गर्न पाउने छन् । पुलको क्षमता १८.५ टनको भारबहन रहेको छ । उहाँका अनुसार पुल मर्मतका लागि ८ मिटर अग्लो ४४६ घनमिटर ग्यावीयन पर्खाल निर्माण भएको छ । पर्खालबाट नदीको सतहमा खसेको बेलिब्रिजलाई क्रेनको सहायताले ५ मिटर माथि तानिएको छ ।

बेलिब्रिजलाई पुन मर्मत सम्भार गरेर सञ्चालनमा ल्याउनका सकिने प्राविधिक टोलीले दिएको सुझावका आधारमा मर्मत सम्भार गरिएको उहाँले बताउनुभयो । पुरानै अवस्थामा बेलिब्रिज सञ्चालनमा आएको उहाँले बताउनुभयो । पुल सञ्चालनमा आएपछि आवतजावत गर्न सहज भएको छ । रघुगंगा नदिमा आएको बाढीले कटान गर्न थालेपछि श्रमदानबाट राहुघाटको बस्ति संरक्षणका लागि पनि ग्यावीयन पर्खाल निर्माण गरिएको रघुगंगा गाउँपालिकाका अध्यक्ष भवबहादुर भण्डारीले बताउनुभयो ।

सम्बन्धित समाचार

thumbnail

कुल आचार्यले गरे एनआरएनएको अध्यक्षमा उम्मेद्वारी घोषणा (तस्बिर र भिडिओ सहित)

कुश्मा । गैरआवासीय नेपाली संघ (एनआरएनए) को अध्यक्षको लागि कुल आचार्यले उम्मेदवारी घोषणा गर्नुभएको छ । आचार्यले आइतबार गृह जिल्ला पर्वत सदरमुकाम कुश्माबाट म्याग्दी ,र्पवत र बागलुङका पत्रकारहरुको सम्मेल गरी आगामी महाधिवेशनमा…

thumbnail

धानले हरियाली रत्नेचौर फाँट (फोटो फिचर)

बेनी । म्याग्दीको बेनी नगरपालिका–१,रत्नेचौरका किसानले रोपेका धानको हरियाली फाँट । हिमाली जिल्ला म्याग्दीमा समयमै बर्षा हुँदा यस बर्ष ९७ प्रतिशत भन्दा बढी धान रोपाइँ सम्पन्न भएको छ । म्याग्दीमा गौरिया, जेठोबुढो,…

thumbnail

पर्यटकीय स्थल लभ्लीहिल र बेनी बजारको सुन्दरता (फोटो कथा)

साधन राम्जाली म्याग्दी । पछिल्लो समय आन्तरिक पर्यटकहरुको गन्तव्यमा परेको म्याग्दीको पर्यटकीय स्थल लभ्ली हिलबाट म्याग्दी सदरमुकाम बेनीबजारको सुन्दर तथा आकर्षक दृश्य देख्न सकिन्छ । बेनी नगरपालिका–२, ज्यामरुककोट स्थित खबरामा पर्ने लभ्लीहिलको…