अन्तराष्ट्रिय आर्थिक मुख्य समाचार म्याग्दी न्युज विशेष रघुगंगा गाउँपालिका समाचार

मगर संघद्धारा रघुगंगाका बाढी पहिरो पीडितका लागि राहत सहयोग

बेनी । म्याग्दीको रघुगंगा गाउँपालिकाका बाढी पहिरो पीडितलाई आर्थिक सहयोग गरिएको छ ।नेपाल मगर संघ केन्द्रीय समितिको आह्वानमा अन्तर्राष्ट्रिय मगर महासंघको समन्वयमा मगर संघ बेलायत ,मगर संघ हङकङ र मगर संघ म्याग्दीले संकलन गरेको राहतबाट रघुगंगाको वडा नम्बर ८ र वडा नम्बर ६ का बाढी पहिरो पीडित परिवारलाई सहयोग गरिएको हो ।

सो राहत सहयोग मगर संद्ध म्याग्दीकी अध्यक्ष डकमाया पाइजा मगरले वडा नम्बर ८ का वडा अध्यक्ष गमन छन्त्याल र वडा नम्बर ६ का वडा अध्यक्ष मनकुमार शेरपुजालाई हस्तान्तरण गर्नुभएको हो । दुई वटा वडामा बाढी पहिरोबाट विस्थापीत ११ परिवारलाई प्रति परिवार पाँच हजारका दरले र मृतक तीन जनाका परिवारलाई प्रति परिवार दश हजार रुपैयाँका दरले गरी ८५ हजार रुपैयाँ राहत सहयोग वितरण गरिएको छ । राहत सहयोग रकम हस्तान्तरण गर्नुहुँदै बेलायत र हङकङमा मगर संघ मार्फत तथा म्याग्दीमा मगर संघको अगुवाईमा संकलन भएको राहत सहयोग पीडित परिवारलाई वितरण गरिएको बताउनुभयो ।

अविरल बर्षातका कारण रघुगंगा गाउँपालिकाको वडा नम्बर ६मा दुई जनाको मृत्यु भएको थियो भने कुङरुङ ,बारी ठुलो क्षति पु¥याएको छ । यसैगरी वडा नम्बर ८ मा बाढी पहिरोमा एक जनाको मृत्यु भएको छ भने द्धारी ,पात्लेखर्क ,चौराखानी र छरिमा ८ परिवार विस्थापित भएका छन् । यसअघि मगर संघले जिल्लाको अन्नपुर्ण ,धवलागिरी ,मालिका र मंगला गाउँपालिकाका बाढी पहिरो पीडितलाई राहत वितरण गरेको थियो ।

बेनी नगरपालिकाको भकिम्लीमा पीडित परिवारलाई बीस हजार रुपैयाँ राहत वितरण गर्न बाँकी रहेको मगर संघ म्याग्दीले जनाएको छ । जिल्लाभर पाँच लाख बढीको राहत वितरण गरिएको जिल्ला सचिव खम बहादुर थापा मगरले जानकारी दिनुभयो । कार्यक्रममा जिल्ला सचिवालय सदस्य हिरा बहादुर पुन मगर , जिल्ला समन्वय समिति म्याग्दीका सदस्य तथा मगर संघ म्याग्दीकी सल्लाहकार खिमा पुर्जा ,जिल्ला सचिवालय सदस्य रमेश फगामी मगर ,जिल्ला सदस्य दुर्गा शेरपुञ्जा मगर ,गनमति शेरपुञ्जा मगर र शरिता गर्बुजा मगर लगायतको सहभागिता रहेको थियो ।

सम्बन्धित समाचार

thumbnail

कांग्रेसको युरोप र अफ्रिकी महादेशमा शाखा गठन

काठमाडौँ । कांग्रेसको विदेशस्थित जनसम्पर्क समितिको सञ्जालले युरोप र अफ्रिका महादेशमा शाखा गठन गरेको छ । सञ्जालको हालै सम्पन्न भर्चुअल बैठकले बेलायत निवासी शेखर कँडेलको नेतृत्वमा युरोप र विष्णुदत्त भट्ट नेतृत्वमा अफ्रिका…

thumbnail

भारतको गाजियाबादबाट १८ किशोर नेपाल फिर्ता

नवलपरासी । वैदेशिक रोजगारीका लागि भन्दै भारत पुर्‍याइएका १८ नेपाली किशोरलाई भारतीय प्रहरीले नेपाल फर्काइदिएको छ । भारतमा रोजगारीका लागि लगिएका ती किशोरहरुको भारतको गाजियाबादबाट उद्धार गरेर भारतले मंगलबार सुनौली नाका हुँदै…

thumbnail

अफगानिस्तानमा प्रान्तीय प्रहरी मुख्यालयलाई लक्षित गरी भएको कार बम बिस्फोटमा १२ जनाको मृत्यु

काबुल । अफगानिस्तानमा प्रान्तीय प्रहरी मुख्यालयलाई लक्षित गरी भएको कार बम बिस्फोटमा १२ जनाको मृत्यु भएको छ। पश्चिमी प्रान्त घोरको राजधानी फिरोज कोहमा आइतबार बिहान ११ बजे भएको बिस्फोटमा १२ जना सर्वसाधारण…

Write a Reply or Comment