घटना मुख्य समाचार राष्ट्रिय समाचार समाज सुरक्षा

आयल निगमको रुपन्देही डिपोभित्र रहेको पेट्रोल ट्याङ्करमा आगलागी

बुटवल । रुपन्देहीको भलबारीस्थित नेपाल आयल निगमको डिपोभित्र रहेको पेट्रोल ट्याङकरमा आगलागी भएको छ। भारतबाट ल्याइएको पेट्रोल डिपोमा चेकजाँच गरेर निस्किने क्रममा गेटमै बिहीबार पौने दुई बजेतिर अकस्मात आगलागी भएको थियो।

त्रिवेणी कुमार यादवको पेट्रोल भरिएको लु१ख ८१४५ नम्बरको ट्याङकरको क्याबिनमा लागेको आगो निगमको डिपोभित्रै रहेको दमकलले नियन्त्रणमा लिएको थियो। आगलागीबाट ट्याङकरको क्याबिन पूर्ण रुपमा जलेको छ। ट्याङकर भने आगो लाग्नबाट जोगिएको छ।

ट्याङकरमा आगो सल्किएको भए ठूलो क्षति हुन सक्थ्यो। तर, डिपोभित्रै रहेको दमकलले तत्काल आगो नियन्त्रणमा लिएको कारण निगमको डिपो सम्भावित ठूलो आगलागी हुनबाट जोगिएको छ।आयल निगम भलवारी शाखाले भने आगलागीको घटनाबारे जानकारी दिएन। यसअघि गत सोमबार साँझ भैरहवास्थित एभरेष्ट पेट्रोल पम्प परिसरमै रहेको ट्याङकरमा पनि आगलागी भएको थियो। सेतोपाटीबाट साभार

सम्बन्धित समाचार

thumbnail

दुई श्रीमती हुँदाहुँदै तेस्रो विवाह गरेको आरोपमा सल्यानका वडाध्यक्ष पक्राउ

काठमाडौँ । बहुविवाहको आरोपमा सल्यानका वडाध्यक्ष पक्राउ परेका छन्। प्रहरीले वनगाड कुपिण्डे नगरपालिका-९ का वडाध्यक्ष इन्द्रबहादुर कुमाईलाई पक्राउ गरेको हो। उनलाई प्रहरीले शुक्रबार बेलुका जयतपानी बजारबाट पक्राउ गरेको जिल्ला प्रहरी कार्यालयका प्रवक्ता…

thumbnail

छ वर्षपछि बलात्कार आरोपी पक्राउ

पाँचथर । नेपाल प्रहरी एक बलात्कार आरोपीलाई छ वर्षपछि पक्राउ गर्न सफल भएको छ । चौध वर्षीया बालिकालाई बलात्कार गरी फरार रहेका मिक्लाजुङ गाउँपालिका–२ का २५ वर्षीय उत्तम शेर्मालाई प्रहरीले बिहीबार पक्राउ…

thumbnail

देउखुरीमा मोटरसाइकलको ठक्करबाट एक जनाको मृत्यु

देउखुरी । मोटरसाइकलको ठक्करबाट देउखुरीमा शुक्रबार बिहान एकको मृत्यु भएको छ । लमही नगरपालिका–७ कप्तानगञ्जका ५२ वर्षीय पुरण बाँठामगरको मृत्यु भएको वडा प्रहरी कार्यालय लमहीले जनाएको छ । बिहीबार बेलुका पूर्वबाट पश्चिमतर्फ…

Write a Reply or Comment