आर्थिक मुख्य समाचार समाज स्थानीय

जिल्ला समन्वय समितिका जनप्रतिनिधिको चाडपर्व सुविधा कोरोना कोषमा

म्याग्दी। जिल्ला समन्वय समिति म्याग्दीका पदाधिकारीहरुले चाडपर्वमा प्राप्त गर्ने भत्तालाई कोरोना कोषमा जम्मा गर्ने भएका छन् । चाडपर्वको अवसरमा प्राप्त गर्ने भत्तालाई व्यत्तिगत प्रयोजन नगरिकन कोरोना नियन्त्रण, रोकथाम तथा उपचारमा सघाउने गरि कोष निर्माण गर्ने र त्यसैमा जम्मा गर्ने निर्णय गरिएको समन्वय समितिका प्रमुख देवेन्द्रबहादुर केसीले जानकारी दिनुभयो ।

गण्डकी प्रदेश सरकारले जनप्रतिनिधिलाई मासिक सुविधाको साथै हरेक बर्षमा एक पटक चाडपर्व भत्ता समेत दिने कानुन बनाएको छ । जिल्लामा समेत कोरोनाको संक्रमण बढ्दो देखिएको सन्दर्भमा आफुहरुले चाडपर्व वापत थप सुविधा लिनु उचित नदेखिएपछि सो रकमलाई कार्यालय मातहतमै कोष निर्माण गरि परिचालन गर्ने निर्णय गरिएको जिसस प्रमुख केसीले बताउनुभयो । जिसस प्रमुख देवेन्द्रबहादुर केसी, उपप्रमुख लोकबहादुर मल्ल र ७ जना सदस्य सहित ९ जना पदाधिकारीकै चाडपर्व सुविधा कोषमा जम्मा गर्ने प्रतिबद्धता भएको छ ।

जिसस म्याग्दीका पदाधिकारीहरुलाई जाने चाडपर्व भत्ता बापतको २ लाख ३५ हजार रुपैयाँ रकम अब कोषमा जम्मा गरिने कार्यालयले जनाएको छ । कार्यालयका अनुसार, पदाधिकारीको चाडपर्व भत्ता बापतको रकममा कार्यालयको आन्तरिक कोषबाट थप २ लाख ६५ हजार जम्मा गरि दशैं लगत्तै ५ लाखको कोष निर्माण जिसस प्रमुख केसीले बताउनुभयो । उक्त कोरोना कोषबाट जिल्लामा कोरोना, नियन्त्रण, रोकथाम र उपचार तथा जनचेतना अभिवृद्धिको कार्यमा खर्चिने भएको ।

सम्बन्धित समाचार

thumbnail

तलब नपाएपछि निजी स्रोतका शिक्षक आन्दोलित

बैतडी । लामो समयदेखि तलब नपाएपछि आन्दोलित भएका बैतडीको सिगास गाउँपालिकाका सामुदायिक विद्यालयमा कार्यरत निजी स्रोतका शिक्षकले गाउँपालिकालाई २४ घण्टे चेतावनी दिएका छन् । निजी स्रोत शिक्षक सङ्घर्ष समितिले आइतबार एक विज्ञप्ति…

thumbnail

धादिङ जिल्लामा चार महिनामा एक अर्ब रेमिट्यान्स

धादिङ । धादिङ जिल्लामा चार महिनाको अवधिमा एउटै कम्पनीमार्फत एक अर्ब रुपैयाँको रेमिट्यान्स (विप्रेषण) भित्रिएको छ। चालु वर्ष २०७७/०७८ को साउनदेखि कात्तिक मसान्तसम्ममा धादिङमा कला इन्टरनेशनल प्रालिबाट ९९ करोड ८२ लाख रुपैयाँभन्दा…

thumbnail

उद्योग बाणिज्य महासंघको केन्द्रीय सदस्यमा म्याग्दीका श्रेष्ठ निर्वाचित

म्याग्दी । नेपाल उद्योग बाणिज्य महासंघको केन्द्रीय सदस्यमा म्याग्दीका कुबिर कुमार श्रेष्ठ निर्वाचित हुनुभएको छ । म्याग्दी उद्योग वाणिज्य संघको पुर्व अध्यक्ष समेत रहनुभएका श्रेष्ठ महासंघको राजधानिमा जारी ५४ औँ साधारणसभा तथा…

Write a Reply or Comment