आविष्कार मुख्य समाचार राष्ट्रिय समाचार समाज

पुम्दीकोटमा विशाल महादेवको मूर्ति जडान हुँदै

गण्डकी । सरकारले स्थापित तथा प्रवर्द्धन गरिनुपर्ने गन्तव्यमा सूचीकृत गरेको धार्मिक एवं ऐतिहासिक स्थल पोखरा महानगरपालिका वडा नम्बर २२ स्थित पुम्दीकोटमा निर्माणाधिन विशाल महादेवको मूर्ति निर्माण प्रक्रियाले गति लिएको छ ।

पुम्दीकोट कोट विकास समितिको सकृयतामा रु ४० करोड लागतमा निर्माणाधिन विशाल महादेव मूति कार्यअन्तर्गत मूर्ति जडान गर्ने काम भइरहेको छ । समितिले १ सय ५ फिटको उठेको स्वरुपमा महादेवको मूर्ति राख्ने लक्ष्य राखे पनि नागरिक उड्डयन प्राधिकरणको सल्लाहअनुसार बसेको स्वरुपमा ५१ फिट उचाइको मूर्ति राख्ने काम भइरहेको समितिका अध्यक्ष एवं निर्माण समितिका संयोजक चन्द्रकान्त बरालले बताए ।

पुम्दीकोटका प्रचुर पर्यटकीय सम्भावनालाई दृष्टिगत गर्दै विशाल महादेव मूर्ति स्थापना गर्न लागिएको उनले बताए । पोखराको मुख्य बजारक्षेत्रबाट झण्डै १३ किमी दूरीमा रहेको पुम्दीकोटबाट पोखरा उपत्यकासहित हिमाली शृङ्खला अवलोकन गर्न सकिन्छ । पुम्दीकोटका पर्यटकीय सम्भावनालाई उजागर गर्ने लक्ष्यका साथ २०७३ साल फागुनमा महाशिवपुराण लगाउँदा रु छ करोड १८ लाखसहित २० रोपनी जग्गा दान प्राप्त भएको थियो ।

सो अभियानलाई साकार पार्न उद्योगपति कमल जैनले महादेवको मूर्ति निर्माण गर्न सहयोग गरेका छन् । त्यस्तै वीरगञ्जका उद्योगपति मुरलीधर रुङ्गटा र समाजसेवी एवं अभियानका संयोजक बरालले रु एक÷एक करोडसहित विभिन्न सहयोगी व्यक्ति एवम् संघसंस्थाबाट सहयोग प्राप्त भएको समितिले जनाएको छ । निर्माण कार्यमा पर्यटन मन्त्रालय, पोखरा महानगरपालिकालगायतका विभिन्न सरकारी निकायले सहयोग गरेका छन् ।

समितिले बृहत् गुरुयोजना तयार गर्दै त्यसअनुरुप काम अघि बढाएको समितिका सहसचिव प्रकाश बराल बताए । लक्षित योजना अनुसार पहिलो चरणमा महादेवको मूर्ति स्थापनासहित गणेशले परिक्रमा गरिरहेका १०८ शिव लिङ्ग, १०८ स्वर्गद्धारी सिंढी लगायतका संरचना सक्ने योजना रहेको उनले जानकारी दिए ।

समितिले दोस्रो चरणमा गुरु महाराज आश्रम, हरियाली बगैँचा, शान्तिस्तम्भ, ज्येष्ठ नागरिक मिलन केन्द्र, पार्किङस्थललगायत संरचना निर्माण गर्ने योजना बनाएको छ । गुरुयोजनाअनुसार सबै काम सम्पन्न गर्न रु ४० करोड लाग्ने र हालसम्म रु १४ करोड भन्दा बढी खर्च भइसकेको छ । पोखराको फेवातालसहित पोखरा, अन्नपूर्ण, माछापुच्छ्रेलगायतका हिमशृङ्खला एकसाथ देख्न सकिने पुम्दीकोट प्रकृतिको बरदान भएको वडा नम्बर २२ का वडा सदस्य मात्रिका बरालले बताए । नागरिक खबरबाट साभार

सम्बन्धित समाचार

thumbnail

सडकको हरियो लेनमा गुड्न थाले साइकल

काठमाडौं । ललितपुरको सडकमा छुट्टयाइएको हरियो रङको साइकल लेनमा साइकल गुड्न थालेका छन् । ललितपुर महानगरपालिकाले सडकको छेउमा हरियो रङसहित साइकल लेन बनाएको हो । हरियो रङको सो लेनमा साइकलमात्र गुडाउन पाइन्छ…

thumbnail

दाताको सहयोगपछि आँखाको शल्यक्रिया सुरु

बनियानी । झापाको भद्रपुर–५ स्थित भद्रपुर आँखा उपचार केन्द्रमा आँखाको शल्यक्रिया सुरु गरिएको छ । साताको एक पटक प्रत्येक आइतबार मोतियाविन्दुको शल्यक्रिया गरिने उपचार केन्द्रका सचिव प्रदीपमणि रेग्मीले जानकारी दिए । मेची…

thumbnail

तीन वर्षभित्र खरका छाना विस्थापन गरिन्छः राज्यमन्त्री मानन्धर

काठमाडौं । शहरी विकास राज्यमन्त्री रामवीर मानन्धरले आगामी तीन वर्षभित्र मुलुकबाट फुस र खरका छाना विस्थापित गरिने बताएका छन् । विश्व बसोबास दिवसको शुभकामना दिँदै उनले नागरिकको मुहारमा खुशी र जीवनयापन सहज…

Write a Reply or Comment