बेनी आउँदै गरेको जीप दुर्घटना हुँदा एकको मृत्यु ,१० घाइते

बेनी । पाखापानीदेखी बेनी आउँदै गरेको जीप दुर्घटना हुँदा एक जनाको मृत्यु भएको छ । जिल्लाको रघुगंगा–६ पाखापानीदेखि बेनी आउँदै गरेको ध १ ज ८९६ नम्बरको जीप दुर्घटना हुँदा अन्नपूर्ण–२ की १० वर्षीया रिया विकको मृत्यु भएको जिल्ला प्रहरी कार्यालय, म्याग्दीले जनाएको छ ।

बेनी नगरपालिका–८ र ९ को सीमानामा पर्ने जलेश्वरमा शुक्रबार जीप दुर्घटना भएको सुचना अधिकारी तथा प्रहरी निरीक्षक डाक्टरप्रसाद चौधरीले बताउनुभयो । घटनास्थलबाट उद्धार गरेर बेनी अस्पतालमा पु¥याउँदा रियालाई चिकित्सकले मृत घोषणा गरेका प्रहरी निरीक्षक चौधरीले बताउनुभयो । मृतक बालिका दशैंमा मामाघर गएर आफ्नो घर फर्कन बेनीतर्फ आउँदै थिइन् ।

जीपमा ११ जना थिए ।दुर्घटनामा गम्भीर घाइते तीन जनालाई थप उपचारका लागि पोखरा पठाइएको छ । गम्भिर घाइते नन्दलाल छन्त्याल दलप्रसाद गौचन र दिक्षा शेरपुजालाई बेनी अस्पतालमा सामान्य उपचार पछि थप उपचारका लागि पोखरा पठाइएको प्रनि चौधरीले जानकारी दिनुभयो ।

अन्य सात जनाको बेनी अस्पतालमा उपचार भइरहेको छ । जीप सडकदेखि करिब ६० मिटर तल कालीगण्डकी किनारमा खसेको प्रहरी निरिक्षक चौधरीले बताउनुभयो ।
तस्बिर मोहन केसीको फेसबुकबाट

सम्बन्धित समाचार

thumbnail

अन्नपूर्ण गाउँपालिकाले ल्यायो ४९ करोड ७३ लाखको बजेट (तस्बिरहरु)

बेनी । म्याग्दीको अन्नपूर्ण गाउँपालिकाले ४९ करोड ७३ लाख ३६ हजार बराबरको बजेट ल्याएको छ । शुक्रबार पोखरेबगरमा आयोजना गरिएको १५ औं गाउँसभामा आगमी आर्थिक वर्ष २०७९÷८० का लागि उक्त बजेट गाउँसभाले…

thumbnail

दानाको मतिचौरमा घना जंगलको विचमा १०८ धारा

म्याग्दीको अन्नपुर्ण गाउँपालीका ३ दानाको मतिचौर स्थित मोति बराहमा निर्माण गरिएको १०८ धाराको शनिबार उद्घाटन गरिएको छ । समुन्द्री सतह देखि २२ सय मिटर उचाइमा रहेको धार्मिक एवम् पर्यटकीय स्थल मतिचौरमा धार्मिक…

thumbnail

अन्नपूर्णको कार्यपालिका सदस्यमा एमालेका उम्मेद्वार निर्विरोध

बेनी । म्याग्दीको अन्नपूर्ण गाउँपालिकाको कार्यपालिका सदस्यमा नेकपा एकमालेका उम्मेद्वार निर्विरोध भएका छन् । मनोनयन दर्ता क्रममा ६ जनाको एकल उम्मेद्वारी परेपछी निर्विरोध भएका हुन् । दलित वा अल्पसंख्यक तर्फ बिरबहादुर पौडेल…