काेराेना अपडेट मंगला गाउँपालिका मुख्य समाचार म्याग्दी समाचार समाज

मंगला गाउँपालिकामा अस्थायी कोरोना अस्पताल तयार

म्याग्दी । म्याग्दीको मंगला गाउँपालिकाले कोरोना संक्रमितको उपचारका लागि ५ बेडको कोरोना अस्थायी अस्पताल बनाएको छ । गाउँपालिकाले वडा नं ५ को अर्मन स्वास्थ्य चौकीमा नियमित उपचारमा कुनै असर नगर्ने गरी सुरक्षित तरिकाले ५ शैयाको अस्पताल बनाइएको गाउँपालिका अध्यक्ष सतप्रसाद रोका मगरले बताउनुभयो ।

‘कोरोना संक्रमितको उपचारका लागि अर्मन स्वास्थ्य चौकीमा अस्थायी कोरोना अस्पताल बनाएका छौं ,‘संक्रमति घरमै बस्न नसक्ने अवस्थामा मात्रै अस्पतालमा लैजाने ब्यवस्था मिलाएका छौ’– अध्यक्ष रोका मगरले भन्नुभयो । स्वास्थ्य तथा जनसंख्या मन्त्रालयले अस्थायी अस्पताल बनाउन गर्न १० लाख रुपैंया निकासा गरेको थियो ।

त्यस्तै जनप्रतिनिधिको भत्ताबाट थप ५ बेड सहित अक्सिजन सिलिन्डर समेत थप गर्ने तयारी भइरहेको गाउँपालिकाका प्रमुख प्रशासकीय अधिकृत मनोहर ढुङ्गानाले जानकारी दिनुभयो । अस्थायी कोरोना अस्पतालमा एक मेडिकल अफिसरसहित २ स्टाफ नर्स र एक कार्यालय सहयोगी गरेर ४ जना जनशक्तीका लागि सूचना समेत जारी गरिएको छ । अस्थायी अस्पतालका लागि तत्काल ३ महिना करारमा जनशक्ती ब्यवस्थापन गरिने छ ।

कोरोना रोकथामका लागि चाहिने औषधि र बेड खरिद गरिएको छ । मंगला गाउँपालिकामा स्थानीय दुई र तीन जना गाउँपालिकाका कर्मचारीमा कोरोना संक्रमण पुष्टि भएको छ । संक्रमित सबै होम आइसोलेसनमा रहेका गाउँपालिकाले जनाएको छ ।

सम्बन्धित समाचार

thumbnail

भरतपुर अस्पतालमा थप दुई संक्रमितको मृत्यु

चितवन । भरतपुर अस्पतालमा उपचाररत दुई जना कोरोना संक्रमितको मृत्यु भएको छ। भरतपुर महानगरपालिका-१७ बस्ने ७७ वर्षीय पुरुष र मकवानपुरको हेटौंडा-१० का ५७ वर्षीया महिलाको उपचारका क्रममा मृत्यु भएको अस्पतालका सूचना अधिकारी…

thumbnail

कोरोनाबाट जिल्ला प्रहरी कार्यालय रोल्पामा कार्यरत सईको मृत्यु

रोल्पा । जिल्ला प्रहरी कार्यालय रोल्पामा कार्यरत प्रहरी नायब निरीक्षक (सई)को कोरोना संक्रमणका कारण बिहीबार मृत्यु भएको छ। जिप्रका रोल्पामा कार्यरत रहेका ४२ वर्षीय यज्ञमणि वैदिकको उपचारका क्रममा भेरी अस्पताल नेपालगञ्जमा ज्यान…

thumbnail

पछिल्लो २४ घण्टामा थप १६१४ जनामा कोरोना संक्रमण

काठमाडौं । पछिल्लो २४ घण्टामा थप १ हजार ६ सय १४ जनामा कारोना भाइरस संक्रमण पुष्टि भएको छ । यससँगै देशभर कुल संक्रमितको संख्या २ लाख २७ हजार ६ सय ४० पुगेको…

Write a Reply or Comment