Myagdi News - रुपन्देहीमा थप एकजना कोरोना संक्रमितको मृत्यु

रुपन्देहीमा थप एकजना कोरोना संक्रमितको मृत्यु

शुक्रवार, असोज ३० गते । म्याग्दी न्युज संवाददाता

बुटवल । रुपन्देहीमा थप एकजना कोरोना संक्रमितको मृत्यु भएको छ । तिलोत्तमा नगरपालिका– २ का ६७ वर्षीय पुरुषको बुटवल धागो काराखानास्थित कोरोना विशेष अस्पतालमा शुक्रबार बिहान मृत्यु भएको हो ।

असोज २१ गते कोरोना संक्रमण पुष्टि भएका उनको शुक्रबार बिहान ७ः१५ बजे मृत्यु भएको लुम्बिनी प्रादेशिक अस्पतालका सूचना अधिकारी डाविष्णु गौतमले पुष्टि गरे ।

चार दिनसम्म आइसोलेसन वार्डमा राखेर उपचार गरिए पनि स्वास्थ्यमा समस्या आएपछि २५ गते उनलाई आईसीयू कक्षमा सारिएको थियो । आईसीयू कक्षमा भेन्टिलेटरको सहायतामा उपचार गरिए पनि उनलाई बचाउन नसकिएको डा. गौतमले बताए । योसंँगै रुपन्देहीमा कोरोना संक्रमितको मृत्यु हुने संख्या ४६ पुगेको छ ।अनलाइनखबरबाट साभार

बैतडीमा वडाध्यक्षको मृत्यु

केएमसीका अभिभावक मासिक शुल्क वृद्धिको विरोधमा प्रदर्शन