आत्महत्या दुरुत्साहनमा पक्राउ परेका दुई जना पुर्पक्षका लागि थुनामा

नुवाकोट । बोक्सीको आरोपमा आत्महत्या गर्न बाध्य पारिएको भन्दै पक्राउ परेका दुई जना पुर्पक्षका लागि थुनामा पठाइएको छ । एक जना भने फरार छन् ।

तादी गाउँपालिका १ का लक्षु तामाङ र आइतमान तामाङलाई आत्महत्या दुरुत्साहनमा पक्राउ गरी पुर्पक्षका लागि जिल्ला कारागार चलान गरिएको हो । सोही ठाउँका सोम्बर तामाङ भने फरार छन् । उनीहरुलाई मंगलबार जिल्ला प्रहरी कार्यालयले प्रहरीले पक्राउ गरी नुवाकोट अदालतमा पेस गरेपछि पुर्पक्षको लागि कारागार चलान गरिएको छ ।

गएको असोज १६ गते तादी गाउँपालिका १ की ५२ वर्षीया सन्चमाया तामाङलाई आरोपी लक्षु तामाङले घरमा लगेर आफ्नी श्रीमती कान्छीमाया तामाङ बिरामी भएको र बोक्सी लगाई बिरामी पारेको आरोप लगाई धाकधम्की तथा यातना दिएको प्रहरीले जनाएको छ । त्यसपछि सन्चमाया मानसिक तनावमा रहेको र पछि उनले विष सेवन गरी आत्महत्या गरेको प्रहरीले बताएको छ ।

उनलाई विष सेवन गरी आत्महत्या गर्न बाध्य पारेको भन्दै उनका ५६ वर्षीय श्रीमान् लालबहादुर तामाङले प्रहरीमा उजुरी दिएका थिए । मृतक महिलालाई विगतदेखि नै लक्षु तामाङ सहितको स्थानीयले बोक्सीको आरोप लगाउँदै आइरहेका थिए । फरार रहेका सोम्बर तामाङको खोजतलास भइरहेको जिल्ला प्रहरी कार्यालयका ईन्स्पेक्टर तथा सूचना अधिकारी अनिल पण्डितले बताए । ekantipurबाट साभार

सम्बन्धित समाचार

thumbnail

भारतीय बजार गएका दाङका २ युवतीमाथि सामूहिक बलात्कार, ४ जना लुटिए

दाङ । दाङस्थित नेपाल–भारत सीतावर्ती क्षेत्रमा दुई नेपाली युवतीमाथि सामूहिक बलात्कार भएको छ । आइतबार बिहान करिब ११ बजे भारतको मनीपुर बजार गएका राजपुर गाउँपालिकाका दुई युवती भारतीय युवकहरूबाट बलात्कृत भएको जिल्ला…

thumbnail

१ करोड २० लाख भ्रष्टाचारको आरोपमा जितपुर-सिमराका तत्कालीन प्रमुख प्रशासकीय अधिकृतविरुद्ध दुई मुद्दा

काठमाडौं । बाराको जितपुर सिमरा उपमहानगरपालिका तत्कालीन प्रमुख प्रशासकीय अधिकृत शिवराज सेढाईंसहित दुई वटा छुट्टाछुट्टै सप्लायर्सविरुद्ध अख्तियार दुरुपयोग अनुसन्धान आयोगले मुद्दा दायर गरेको छ । आयोगले तत्कालीन प्रमुख प्रशासकीय अधिकृत शिवराज सेढाईं…

thumbnail

१३ केजी गाँजासहित एक पक्राउ

बारा । निजगढ नगरपालिका–१ धनसर पुल नजिकबाट १३ केजी अवैध लागूऔषध गाँजासहित एक जनालाई प्रहरीले पक्राउ गरेको छ । पक्राउ पर्नेमा मकवानपुर बकैया गाउँपालिका–३ बस्ने ३३ वर्षीय लाल काजी रहेका छन् ।…