धनगढीमा प्रहरी हत्याकाण्ड प्रकरणमा संलग्न थप एक जना पक्राउ

धनगढी । प्रहरी हत्याकाण्डमा जोडिएपछि कैलालीका एक जना व्यापारी पक्राउ परेका छन्। धनगढी उपमहानगरपालिकाको जुगेडामा प्रहरी असई र जवानको तस्करहरूले हत्या गरेको घटनामा जोडिएपछि व्यापारी राजीव गुप्ता पक्राउ परेका हुन्।

प्रहरीले जुगेडा चौकीका इन्चार्ज रहेका असई गोविन्द विक र जवान रामबहादुर साउदको विभत्स हत्या भएको त्यसरात तस्करी भएको मटर गुप्ताको भएको भन्दै मंगलबार पक्राउ गरेको हो। सुदूरपश्चिम प्रदेश प्रहरी कार्यालयका प्रवक्ता तथा वरिष्ठ प्रहरी उपरीक्षक मुकेशकुमार सिंहले उनलाई हिरासतमा राखी अनुसन्धान भइरहेको बताए।

‘त्यो घटनामा सुरूमा सात जना, त्यसपछि एक जना गरी आठ जनालाई पक्राउ गरी बयान लिँदा ती व्यापारीको नाम आएपछि पक्राउ गरेर अनुसन्धान हुँदैछ,’ सिंहले भने। कात्तिक २ गते असई विकको शव मोहना नदीमा हत्या गरी फालेको अवस्थामा फेला परेको थियो भने प्रहरी जवान साउदको शव ४ गते सोही नदीमा गाडेको अवस्थामा भेटिएको थियो।

घटनामा संलग्नता देखिएका ९ जनालाई प्रकाउ गरेर उनीहरूविरूद्ध मुद्दा दायर गरी प्रहरीले अनुसन्धान गरिरहेको जनाएको छ।पक्राउ पर्नेमा धनगढी उपमहानगरपालिका वडा नम्बर १० का पर्कु भन्ने वर्ष ३१ को रोहित राना, वर्ष २० का राजेन्द्र राना, वर्ष ३० का चोर भन्ने सुरेश राना, वर्ष २५ का गब्बर भन्ने राजकुमार राना, वर्ष २२ का रामनिवास राना, वर्ष २९ का टल्लु भन्ने दलराम राना, वर्ष २५ का राम गोपाल राना र अर्का रोहित राना छन्। सेतोपाटीबाट साभार

सम्बन्धित समाचार

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

ओमसतिया गाउँपालिकाका तत्कालीन प्रशासकीय अधिकृतसहित ३ जनाविरुद्ध भ्रष्टाचार मुद्दा

काठमाडौं । अख्तियार अनुसन्धान दुरुपयोग आयोगले रुपन्देहीको ओमसतिया गाउँपालिकाका तत्कालीन प्रमुख प्रशासकीय अधिकृत राजु नेपालसहित ३ जनाविरुद्ध भ्रष्टाचार मुद्दा दायर गरेको छ । ओमसतिया गाउँपालिका–४ मटेरिया गाउँको मुख्य सडकमा पीसीसी काममा लागत…

thumbnail

बोक्सी भन्दै मलमूत्र खुवाएको आरोपमा दुई महिला पक्राउ

लहान । बोक्सी भन्दै छिमेकी एक महिलालाई मलमूत्र खुवाएको आरोपमा सिरहा प्रहरीले दुईजना महिलालाई पक्राउ गरेको छ। पक्राउ पर्नेमा सिरहाको भगवानपुर गाउँपालिका–४ ठाडी निवासी ३० वर्षीया फुलोदेवी साह र ५५ वर्षीया कोशिला…