पोखरामा कोरोनाबाट एक महिने शिशुसहित चार जनाको मृत्यु

काठमाडौं । कास्कीको पोखरास्थित गण्डकी मेडिकल कलेज र पोखरा स्वास्थ्य विज्ञान प्रतिष्ठानमा उपचाररत ४ जना कोरोना संक्रमितको मृत्यु भएको छ ।

गण्डकी प्रदेश कोरोना नियन्त्रण तथा रोकथाम कार्यक्रमका निर्देशक डा. विनोद विन्दु शर्माका अनुसार प्रतिष्ठानमा तीन र गण्डकी मेडिकल कलेजमा एकजना संक्रमितको उपचारको क्रममा मृत्यु भएको हो । मृत्यु हुनेमा पोखरा महानगरपालिकाका तीन र बागलुङको जैमिनी नगरपालिकाका एकजना छन् ।

डा. शर्माका अनुसार पोखरा महानगरपालिका–१७ का ७५ वर्षीय पुरूषको उपचारको क्रममा शुक्रबार बिहान ९ बजे पोखरास्थित गण्डकी मेडिकल कलेजमा मृत्यु भएको हो । वृद्धमा १४ कात्तिकमा कोरोना संक्रमण पुष्टि भएको थियो ।

यसैगरी पोखरा स्वास्थ्य विज्ञान प्रतिष्ठानमा उपचारको क्रममा बुधबार राति १२ः१५ बजे पोखरा महानगरपालिकाकै एक महिने (३० दिने) शिशुको मृत्यु भएको छ । डा.शर्माका अनुसार संक्रमित शिशुमा श्वासप्रश्वास तथा निमोनियाको समस्या थियो ।

यसैगरी पोखरा महानगरपालिका–१० का ५७ वर्षीय कोरोना संक्रमित पुरूषको पोखरा स्वास्थ्य विज्ञान प्रतिष्ठानमै बुधबार राति ११ः३० बजे उपचारको क्रममा मृत्यु भएको हो । उनीमा २ कात्तिकमा कोरोना संक्रमण पुष्टि भएको थियो । डा। शर्माका अनुसार उनीमा निमोनिया र हाइपरटेन्सन सम्बन्धी समस्या थियो ।

यसै गरी बागलुङको जैमिनी नगरपालिका–९ का कोरोना संक्रमित पुरूषको पनि उपचारको क्रममा प्रतिष्ठानमै बुधबार राति ८ः५० बजे मृत्यु भएको उनले बताए । कात्तिक ८ गते कोरोना संक्रमण पुष्टि भएका उनीमा निमोनियासम्बन्धी समस्या पनि थियो ।अनलाइनखबरबाट साभार

सम्बन्धित समाचार

thumbnail

थप ४१ जनामा कोरोना संक्रमण पुष्टि

काठमाडौँ । पछिल्लो २४ घण्टामा नेपालमा ४१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३ हजार ३ सय ५८ जनाको कोरोना परीक्षण गर्दा उक्त संख्यामा संक्रमित थपिएका…

thumbnail

थप ४९ जनामा कोरोना संक्रमण पुष्टि

काठमाडौँ । पछिल्लो २४ घण्टामा नेपालमा ४९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २ हजार ४ सय ९४ जनाको कोरोना परीक्षण गर्दा उक्त संख्यामा संक्रमित थपिएका…

thumbnail

थप १९ जनामा कोरोना संक्रमण पुष्टि

काठमाडौँ । पछिल्लो २४ घण्टामा नेपालमा १९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २ हजार ८ सय १४ जनाको कोरोना परीक्षण गर्दा उक्त संख्यामा संक्रमित थपिएका…