२३ वर्षपछि सहकर्मीको हत्या गरी फरार भएका अभियुक्त पक्राउ

काठमाडौं । सहकर्मीको हत्या गरी फरार भएका अभियुक्त २३ वर्षपछि पक्राउ परेका छन्। केन्द्रीय अनुसन्धान व्युरोबाट खटिएको टोलीले ध्रुव भनिने मानकाजी श्रेष्ठलाई पक्राउ गरेको हो। व्युरोले मंगलबार साँझ उनलाई ललितपुर महानगरपालिका ५ थसीखेलबाट पक्राउ गरेको प्रहरी उपरीक्षक बेलबहादुर पाण्डेले जानकारी दिए।

श्रेष्ठले २०५४ साल कात्तिक १६ गते काठमाडौं महानगर ८ जयबागेश्वरीस्थित निर्माणेश्वर मन्दिर नजिकै आफ्ना सहकर्मीको हत्या गरेका थिए। काभ्रे पनौती घर बताउने १८ वर्षीय श्याम खड्काको हत्या गरी उनी फरार भएका थिए। हत्यापछि फरार रहेका मानकाजी श्रेष्ठविरूद्ध काठमाडौं जिल्ला अदालत बबरमहलबाट २०७४ कात्तिक २८ गते वारेन्ट समेत जारी भएको थियो। व्युरोले उनलाई पक्राउ गरी कारबाहीको लागि बुधबार अदालतमा पेश गरेको प्रहरीले जनाएको छ।सेतोपाटीबाट साभार

सम्बन्धित समाचार

thumbnail

१ करोड २० लाख भ्रष्टाचारको आरोपमा जितपुर-सिमराका तत्कालीन प्रमुख प्रशासकीय अधिकृतविरुद्ध दुई मुद्दा

काठमाडौं । बाराको जितपुर सिमरा उपमहानगरपालिका तत्कालीन प्रमुख प्रशासकीय अधिकृत शिवराज सेढाईंसहित दुई वटा छुट्टाछुट्टै सप्लायर्सविरुद्ध अख्तियार दुरुपयोग अनुसन्धान आयोगले मुद्दा दायर गरेको छ । आयोगले तत्कालीन प्रमुख प्रशासकीय अधिकृत शिवराज सेढाईं…

thumbnail

१३ केजी गाँजासहित एक पक्राउ

बारा । निजगढ नगरपालिका–१ धनसर पुल नजिकबाट १३ केजी अवैध लागूऔषध गाँजासहित एक जनालाई प्रहरीले पक्राउ गरेको छ । पक्राउ पर्नेमा मकवानपुर बकैया गाउँपालिका–३ बस्ने ३३ वर्षीय लाल काजी रहेका छन् ।…

thumbnail

पत्नीको घाँटी थिचेर हत्या, पति र ससुरा पक्राउ

धनुषा । पत्नीको घाँटी थिचेर हत्या गरेको आरोपमा प्रहरीले पति र ससुरालाई पक्राउ गरेको छ । धनुषाको शहिदनगर नगरपालिका–८ नाथपट्टीकी गौरीदेवी मण्डलको घाँटी थिचेर हत्या गरेको आरोपमा उनका पति रामचन्द्र मण्डल खत्वे…