अन्तराष्ट्रिय मालिका गाउँपालिका मुख्य समाचार म्याग्दी न्युज विशेष राष्ट्रिय समाचार

७ वर्षदेखि साउदी जेल जीवन बिताइरहेका म्याग्दीका निउरे स्वदेश फर्किदै

बेनी । विगत ७ वर्षदेखि साउदी अरबमा जेल जीवन बिताइरहेका म्याग्दीको मालिका गाउँपालिका वडा नम्बर ६ स्थित दिच्यामका राजकुमार निउरे नेपाल फर्किने भएका छन् ।मोरङका कमल वस्तीको हत्या आरोपमा जेलमा रहेका निउरेलाई आवरश्यक कागजात र मृतकका आफन्तले माग गरेको ब्लड मनी तिरेपछि शुक्रबार नेपाल फर्किन लागेका हुन् ।

करिब १ बर्ष अघिदेखि म्याग्दी प्रवासी नेपाली संघ (मोना आइईसी ) र मोना राष्ट्रिय कार्यकारी समिति, मोना साउदी अरबको संयुक्त पहलमा राजकुमार निउरेलाई जेलमुक्त गराइएको थियो । ब्लड मनिको लागि आवश्यक २० लाख रुपैयाँ मध्य १५ लाख (मोना आइईसी) र मोना राष्ट्रिय कार्यकारी समिति साउदी अरबको पहलमा बाँकी रकम संकलन भएको मोना साउदी अरबका महासचिव तिलक पुन मगरले बताउनुभयो । उहाँका अनुसार निउरेलाई जेलमुक्त गर्न साउदी अरबको रियादस्थित नेपाली दूतावासको विशेष पहल तथा विश्वभर रहेका म्याग्देली लगायत नेपालीहरुको आर्थिक सहयोग रहेको छ ।

निउरे बैदेशिक रोजगारीको क्रममा २०६८ मा साउदी अरब पुगेका थिए । एउटै कम्पनीमा कार्यरत सहकर्मीको कुटपिटबाट गम्भिर घाइते भएका वस्तीको उपचार्थ अस्पताल लैजाने क्रममा मृत्यु भएपछि फिंगर प्रिन्टको आधारमा निउरेलाई दोषी ठहर गरिएको थियो । जेलमा रहेका निउरेको घर फिर्तीका लागि मोना साउदी अरब ,मोना अन्तर्राष्ट्रिय र विभिन्न संघसंस्थाको सहयोगमा (राजकुमार निउरे बचाउ अभियान) थालिएको थियो । साउदी अरब सरकारले तोकेको पाँच बर्षको सजाय कैद गरेपनि निउरे जेलमै रहेका थिए । जेलमुक्त भएपछि आर्थिक सहयोग संकलन अभियान संचालन गरेको मोना आइईसीका अध्यक्ष ओम नारायण जुग्जालीले अभियानमा पहल तथा आर्थिक सहयोग गर्ने सबैलाई धन्यवाद व्यक्त गर्नुभएको छ ।

सम्बन्धित समाचार

thumbnail

पाकिस्तानका पूर्व प्रधानमन्त्री जमालीको निधन

काठमाडौँ । इस्लामाबाद, पाकिस्तानका पूर्व प्रधानमन्त्री मिर जफरुल्लाह खान जमालीको ७६ वर्षको उमेरमा बुधबार रावलपिन्डीस्थित एक अस्पतालमा निधन भएको छ। उनलाई केही दिनदेखि अस्पतालको अति सघन कक्षमा राखी उपचार गरिएको थियो। उपचारकै…

thumbnail

बंगलादेशबाहेक सबै गन्तव्यमा उडान खुला

काठमाडौँ । सरकारले एयर बबल प्रणालीमार्फत भारत र नेपालबीचको उडान खोल्ने भएको छ । गत भदौ १६ देखि नियमित अन्तर्राष्ट्रिय उडान खुले पनि भारत, बंगलादेश, भुटान र थाइल्यान्ड उडान हुन सकेको थिएन । भुटान…

thumbnail

विश्व नेत्रहीन क्रिकेट काउन्सिलको कोषाध्यक्षमा घिमिरे निर्वाचित

काठमाडौँ । नेत्रहीन क्रिकेट संघ नेपाल (क्याब) का अध्यक्ष पवन घिमिरे विश्व नेत्रहीन क्रिकेट काउन्सिल (डब्लुबिसिसी)को कोषाध्यक्षमा निर्वाचित भएका छन्। भर्चुअलमार्फत शनिबार राति भएको विश्व नेत्रहीन क्रिकेट काउन्सिलको २२औं वार्षिक साधारणसभा तथा…

Write a Reply or Comment