खेलकुद मुख्य समाचार म्याग्दी म्याग्दी न्युज विशेष रघुगंगा गाउँपालिका राष्ट्रिय

अरुणाले हात पारिन ‘पिपल्स च्वाइस अवार्ड ’

बेनी । राट्रिय महिला भलिबल टिमकी कप्तान अरुणा शाहीले ‘पिपल्स च्वाइस अवार्ड ’ जित्नुभएको छ ।नेपाल खेलकुद पत्रकार मञ्चले आयोजना गरेको ‘एनएसजेएफ पल्सर स्पोर्टस अवार्ड ’अन्तर्गतको ‘पिपल्स च्वाइस अवार्ड ’ कप्तान शाहीले जित्नुभएको हो । विजेता शाहीले ३७.५२५ प्रतिशत भोट प्राप्त गर्नुभएको छ ।

यसैगरी, पिपल्स च्वाइस विद्यामा मनोनयमा परेका करातेका मन्देकाजी श्रेष्ठले २८.४५७ प्रतिशत ,बास्केटबलकी सदिना श्रेष्ठले १३.४९९ प्रतिशत ,स्वीमिङकी गौरिका सिङले १३.३०१ प्रतिशत र फुटबलकी सावित्रा भण्डारीले ७.२१८ प्रतिशत भोट पाएका छन् ।

म्याग्दीको रघुगंगा गाउँपालिका–३ पिप्लेकी शाही पिपल्स च्वाइस विद्यामा मनोनयमा परेपछि उहाँलाई जिताउन गृह जिल्ला म्याग्दीमा र पोखरा लगायत देशविदेशबाट अभियान थालिएको थियो ।शाहीलाई विजेता बनाउन म्याग्दीमा भलिबल खेलाडी तेजेन्द्र बानियाँको नेतृत्वमा घरदैलोसहित अभियान समेत चलाइएको थियो ।

मनोनयनमा परेका खेलाडीलाई ई–सेवामार्फत एसएमएम भोटिङ, फेसबुक लाइक, खेलकुद मञ्चका सदस्यको भोट र राष्ट्रिय संघका मुख्य प्रशिक्षकको भोटको आधारमा विजेता छनोट गरिएको आयोजकले जनाएको छ । शाहीले अवार्ड जिटाउन सहयोग गर्ने सबैलाई धन्यवाद दिनुभएको छ ।

सम्बन्धित समाचार

thumbnail

टोकियो ओलम्पिक : अमेरिका ३५ पदकसहित शीर्ष स्थानमा

काठमाडौं । जापानको राजधानी टोकियोमा जारी ३२औँ ग्रीष्मकालीन ओलम्पिक खेलकुदमा अमेरिका ३५ पदकसहित शीर्ष स्थानमा उक्लेको छ । चीन र जापानलाई उछिन्दै अमेरिका शीर्ष स्थान ओगट्न सफल भएको हो । अमेरिकाले हालसम्म…

thumbnail

अस्ट्रेलियाकी एरिअर्नेले टोकियोमा जितिन् दोस्रो स्वर्ण

एजेन्सी । अस्ट्रेलियाकी एरिअर्ने टिटमुसले २ सय मिटर फ्रिस्टायलतर्फ ओलम्पिक स्वर्ण जितेकी छिन् । उनले १ मिनेट ५३ दशमलव ५० सेकेन्डमा निर्धारीत दूरी पौडदैं स्वर्ण जितिन् । यसअघि उनले ४ सय मिटर…

thumbnail

टोकियो ओलम्पिकमा गौरिकाले आज प्रतिस्पर्धा गर्दै

काठमाडौँ । टोकियो ओलम्पिकअन्तर्गत नेपालकी पौडी खेलाडी गौरिका सिंहले आज प्रतिस्पर्धा गर्दैछिन्। उनले महिला सय मिटर फ्रिस्टायलमा प्रतिस्पर्धा गर्न लागेकी हुन्। यो स्पर्धामा गौरिका पहिलो हिटमा परेकी छिन्। यो हिटमा गौरिकासँगै नाइजेरिया,…