अन्नपूर्ण गाउँपालिका धवलागिरी गाउँपालिका बेनी नगरपालिका मंगला गाउँपालिका मालिका गाउँपालिका मुख्य समाचार

जिल्ला स्तरीय समन्वयात्मक बैठकद्धारा २० बुदे बाबियाचौर घोषणापत्र जारी

बाबियाचौर । म्याग्दीका सबै स्थानीय तहका प्रमुख, अध्यक्ष, उपप्रमुख, उपाध्यक्ष, प्रमुख प्रशासकीय अधिकृत र सुरक्षा अधिकारी सहभागि समन्वयात्मक बैठकले २० बुदे घोषणापत्र जारी गरेको छ ।जिल्ला प्रशासन कार्यालयले मंगला गाउँपालिकासँग समन्वय गरेर बाबियाचौरमा मंगलबार आयोजना गरेको बैठकले सुरक्षा, सेवा प्रवाह, बिकास निर्माण सम्बन्धी बिषयलाई समेटेर घोषणापत्र जारी गरेको हो ।

प्रमुख जिल्ला अधिकारी उमाकान्त अधिकारले पालिका, संघ र प्रदेशका निकायहरुबीच समन्वय गरि सुरक्षालाई थप ब्यवस्थित, सेवा प्रवाहलाई सहज र बिकास निर्माणलाई तिब्रता दिने निर्णय भएको जानकारी दिनुभयो ।

अपाराध, मदिरा, महिला, बालबालिका, हिंसा, गुण्डागर्दी, चन्दा असुली, मानव बेचबिखन तथा ओसारपसार, बालबिवाह, लागु औषध उत्पादन, ओसारपसार र प्रयोग नियन्त्रणका लागि सचेतना अभिवृद्धीमा जोड दिदै दोषीलाई कानुनी दायरामा ल्याउने निर्णय भएको छ ।

यसैगरी रोकिएका बिकास आयोजनाको समस्या पहिचान गरि निर्माणको वातावरण बनाउन समन्वय र सहजिकरण गर्ने, कार्ययोजना बनाएर बिकास आयोजना सञ्चालन गर्ने, प्रबिधिको प्रयोग गरेर सेवा प्रबाहलाई नागरिकमैत्री बनाउने घोषणापत्रमा उल्लेख छ ।

बिपद् ब्यवस्थापन, कोरोना नियन्त्रणका लागि पुर्ब तयारीमा जोड दिने भएको छ । गत बर्खाको पहिरोले क्षति पुगेका आवासको पुननिर्माण अघि बढाउने निर्णय भएको छ । बैठकमा छ वटै स्थानीय तहका प्रमुख, उपप्रमुख र प्रशासकीय अधिकृतले सुरक्षा, बिकास र सेवा प्रवाहमा भएका प्रयास, उपलब्धि, समस्या र समाधानका उपायका बिषयमा बिचार ब्यक्त गर्नुभएको थियो ।
बेनी–जोमसोम, पोखरेबगर–चित्रे, गलेश्वर–पिप्ले–भगवति–बेगखोला, बेनी–दरवाङ, बेनी–रत्नेचौर, मंगलाघाट लगायत सडक आयोजनामा भएको ढिलासुस्ति, पहिरो प्रभावितको पुनस्थापना र पुननिर्माणमा भएको ढिलाईका बिषयमा बैठकमा कुरा उठेको थियो ।

प्रहरीको ग्रामिण बस्तिसम्म नियमित गस्ति र उपस्थिति बढाउन, प्रहरीलाई सवारी साधनको ब्यवस्था तथा भवन निर्माणको आवश्यकता औल्याइएको थियो । सेवा प्रवाहलाई एकरुपमा ल्याउने बिषयमा छलफल भएको थियो ।

बैठकमा जिसस प्रमुख देबेन्द्र केसीले ठूला बिकास आयोजनालाई गति दिन पालिका, प्रशासन र समन्वय समितिले दबावका साथै सहजिकरण गरेर समस्या समाधान गर्नुपर्ने बताउनुभयो । प्रहरी नायव उपरिक्षक किरणजंग कुँवरले सबै पालिकाको केन्द्रमा प्रहरी चौकी स्थापना गर्न दरबन्दि स्विकृत भएर म्याग्दीको मौवाफाँटमा भवन निर्माण सुरु भएको बताउनुभयो ।

सम्बन्धित समाचार

thumbnail

जिसस म्याग्दीको पाँचौ जिल्ला सभा ,पालिका र वडा थप्ने निर्णय (तस्बिर सहित)

म्याग्दी । जिल्ला समन्वय समिति म्याग्दीको पाँचौ जिल्ला सभा सम्पन्न भएको छ । शुक्रबार बेनीमा सम्पन्न जिल्ला सभाले गत आर्थिक बर्षमा भएका गतिबिधि समेटिएको प्रगति प्रतिवेदन, चालु आर्थिक वर्षको बजेट स्विकृत गर्नुका…

thumbnail

अन्नपुर्णमा अध्यक्ष क्याप्टेन गर्बुजा पुन सहित १५१ जनाले लगाए कोरोना विरुद्धको खोप

सुरेन गुरुङ पोखरेबगर । म्याग्दीको अन्नपुर्ण गाउँपालिकामा १५१ जनाले कोरोना भाइरस (कोभिड–१९) विरुद्धको ‘कोभिसिल्ड’खोप लगाएका छन् । भुरुङ स्वास्थ्य चौकिमा गाउँपालिकाका अध्यक्ष क्याप्टेन डम बहादुर गर्बुजा पुनले पहिलो खोप लगाउनुभएको थियो ।…

thumbnail

प्रधानमन्त्रीको असंवैधानिक कदम विरुद्ध म्याग्दी कांग्रेसको बृहत विरोध प्रदर्शन (फोटो फिचर )

बेनी ।प्रधानमन्त्री केपी शर्मा ओलीको असंवैधाकि कदम विरुद्धमा नेपाली कांग्रेस म्याग्दीले बृहत विरोध प्रदर्शन गरेको छ । संबिधानको मुल्य ,मर्म र भावना बिपरित आफ्नै बहुमत भएको प्रतिनिधिसभा बिघटन गर्नुभएका प्रधानमन्त्री शर्मा ओलीका…