मुख्य समाचार म्याग्दी राजनिति राष्ट्रिय समाज

वीपी स्मृती दिवसमा कांग्रेस म्याग्दीद्धारा बाढी–पहिरो पीडितलाई राहत वितरण

बेनी । नेपाली कांग्रेस म्याग्दीले ३९ औं वीपी स्मृती दिवस मनाएको छ । बुधबार कांग्रेस म्याग्दीले नेपाली कांग्रेसका संस्थापक नेता ,नेपालका प्रथम जननिर्वाचित प्रधानमन्त्री विश्वश्वर प्रसाद कोइरालाको ३९ औं स्मृति दिवस विविध कार्यक्रम गरी मनाएको हो । पार्टी कार्यालयमा वीपीको तस्बिरमा माल्यार्पण र जिल्लाका विभिन्न ठाउँका बाढी–पहिरो पीडित परिवारलाई राहत वितरण गरेर मनाइएको छ ।

जिल्ला सभापति खमबादुर गर्बुजा(खम्बिर)ले देशमा लोकतान्त्रिक समाजवाद स्थापनाका लागि नेपालका प्रथम जननिर्वाचित प्रधानमन्त्री वीपी कोइरालाले महत्वपूर्ण योगदान पुर्याएको बताउनुभएको छ । उहाँले विश्व राजनीतिमा प्रजातान्त्रिक समाजवादी नीतिका लागि वीपीको योगदान अविस्मरणीय रहेको स्मरण गर्दै गरिबको उन्नतीका लागि वीपी चिन्तन अपरिहार्य रहेको बताउनुभयो । सत्तामा रहनेले गरिब, दुःखी, किसान, मजदूरको उन्नतीका लागि काम गर्न सक्ने सामथ्र्य नै वीपीको समाजवाद भित्रको सिद्धान्त रहेको उहाँले बताउनुभयो ।

कांग्रेस म्याग्दीका सचिव क्याप्टेन मिन बहादुर कार्कीका अनुसार वीपी स्मृतिमा जिल्लाको बेनी नगरपालिका वडा नम्बर २ र ६ का गरी ६ जना बाढी–पहिरो पीडित परिवारलाई जनही दुई हजार ५ सय रुपैयाँँका दरले राहत वितरण गरिएको छ । उक्त राहत सभापति गर्बुजाले वितरण गर्नुभएको थियो ।स्मृति दिवसमा कांग्रेस म्याग्दीका पुर्व जिल्ला सहसभापति नेत्रबहादुर महत , जिल्ला उपसभापति माधवप्रसाद रेग्मी ,सचिव तथा बेनी नगरपालिका प्रमुख हरिकुमार श्रेष्ठ ,कोषाध्यक्ष टंक हमाल ,महासमिति सदस्य चिरञ्जीवि शर्मा ,जिल्ला सदस्य तथा रघुगंगा गाउँपालिकाका अध्यक्ष भवबहादुर भण्डारी ,नेपाल महिला संघ म्याग्दीकी अध्यक्ष बिमला गौचन लगायतले वीपीको योगदान अविस्मरणिय रहेको उल्लेख गर्नुभयो ।

 

सम्बन्धित समाचार

thumbnail

बैंकिङ कसुरमा ९ लाख जरिवाना तोकिएका प्रतिवादी पक्राउ

काठमाडौं । बैंकिङ कसुर मुद्दामा ९ दिन कैद र ९ लाख जरिवाना तोकिएका फरार प्रतिवादीलाई केन्द्रीय अनुसन्धान ब्यूरोले पक्राउ गरेको छ । पक्राउ पर्नेमा काठमाडौंको कागेश्वरी मनोहरा नगरपालिका–२ घर भएका राम खड्का…

thumbnail

नेप्सेमा दोहोरो अंकको गिरावट

काठमाडौँ । साताको अन्तिम कारोबार दिन समेत रहेको बिहीबार सेयर बजार परिसूचक नेप्सेमा दोहोरो अंकको गिरावट आएको छ । नेपाल स्टक एक्सचेन्जका अनुसार आज नेप्से परिसूचक १५.११ अंकले घटेर ३ हजार ७९.८३…

thumbnail

पत्रकारलाई एक महिनाभित्र पारिश्रमिक दिने नागरिक दैनिकको बचन, पहिलो किस्ता आजैबाट

काठमाडौं । नेपाल रिपब्लिक मिडियाले कार्यरत् पत्रकारलाई पारिश्रमिक उपलब्ध गराउने बचन दिएको छ । बिहीबार वार्ता हुँदा मिडियाले एक महिनाभित्र सबै पारिश्रमिक दिने प्रतिवद्धता जनाएको हो। तर, पत्रकारले यो प्रतिवद्धता लिखित रुपमै…