प्रदेश २ सरकारको कार्यक्रमसम्बन्धी कार्यविधि : सहभागीलाई ७५० रुपैयाँको खाना

जनकपुरधाम । प्रदेश २ सरकारले आयोजना गर्ने प्रदेशस्तरीय दिवस, समारोह, जयन्तीजस्ता कार्यक्रममा सहभागी हुनेले ७५० रुपैयाँ बराबरको खाना खान पाउने भएका छन् । यस्तै उनीहरुले २५० रुपैयाँ बराबरको खाजा खाने भएका छन् ।

सरकारले प्रदेशस्तरीय दिवस, समारोह, कार्यक्रम सञ्चालन गर्ने कार्यविधि नै बनाएको छ । २०७७ सालमै बनाइएको यो कार्यविधिमा प्रदेशस्तरीय कार्यक्रमको खर्च तोकिएको छ । जसअनुसार सभाहलभित्र मञ्च व्यवस्थापनका लागि ५० हजार दिइनेछ । खुल्ला चौरमा कार्यक्रमको आयोजना गरिए २ लाखसम्म खर्च गर्न सकिने कार्यविधिमा उल्लेख छ ।

दिवा खानामा प्रतिव्यक्ति ७५०, खाजाका लागि प्रतिव्यक्ति २५० रुपैयाँ दिइनेछ । शुभकामना आदानप्रदानको लागि रात्रिकालीन खाना तथा चियापानका लागि प्रतिव्यक्ति २ हजार रुपैयाँ खर्च गरिनेछ । कार्यक्रम वा उत्सवमा स्थानीय संस्कृति तथा पेशासँग सम्बन्धित झाँकी, नृत्य प्रस्तुत गर्ने प्रतिटोलीलाई २० हजार दिइनेछ भने सम्मान कार्यक्रम गर्दा एक जनाको लागि दोसल्ला, कदर पत्र र सम्मान पत्र बनाउन ३ हजार रुपैयाँ खर्च गरिने कार्यविधिमा उल्लेख गरिएको छ ।

कार्यक्रम गर्नका लागि विविध शीर्षककामा ७० हजारसम्म खर्च गरिने कार्यविधिमा उल्लेख छ । यसैगरी विविधअन्तर्गत झण्डा, तुल, पानी, चिया, प्रचारप्रसार व्यवस्थापन खर्चलाई कार्यविधिमा समेटिएको छ । कुनै पनि दिवस, कार्यक्रम वा जयन्ती मनाउनका लागि सम्बन्धित मन्त्रालयका मन्त्रीकै संयोजकत्वमा व्यवस्थापन समिति बनाइनेछ । समितिमा सम्बन्धित मन्त्रालयका राज्यमन्त्री, आर्थिक मामिला तथा योजना मन्त्रालयका सचिव, सम्बन्धित मन्त्रालयका सचिव सदस्य र सम्बन्धित मन्त्रालयको महाशाखा प्रमुख सदस्य सचिव रहनेछन् ।

दिवस वा कार्यक्रमसम्बन्धी बैठक गर्दा यी पदाधिकारीले प्रचलित कानून बमोजिम कार्यक्रमका लागि विनियोजित बजेटबाट बैठक भत्ता पनि पाउनेछन् ।उक्त समितिले नै मन्त्रालय वा निकायको वार्षिक बजेट तथा कार्यक्रममा भएको दिवस, समारोह जयन्ती समेत मनाउनका लागि स्वीकृति दिँदै कार्यक्रम सञ्चालन गर्नेरगराउने र लाग्ने खर्चको अनुमोदन समेत गर्छन् । प्रशासकीय कार्यविधि (नियमित गर्ने) ऐन, २०७५ को दफा २ ले दिएको अधिकार प्रयोग गरी प्रदेश २ सरकारले यो कार्यविधि बनाएको छ । कार्यविधिलाई प्रदेश सरकारले आवश्यकता अनुसार संशोधन गर्न सक्नेछ । अनलाइनखबरबाट

सम्बन्धित समाचार

thumbnail

भगवती कोतमा तीन लाख रुपैयाँमा ‘सरकारी राँगो’मार हान्ने खड्कालाई सम्मान

म्याग्दी। म्याग्दीको रघुगंगा गाउँपालिका–२ भगवतीस्थित भगवती कोतमन्दिरमा नवमीको दिनमा सरकारी रागोको मार हान्ने आर्यन खड्कालाई पुजा समिति र राखुबासीलेज्ञ भब्य सम्मान गरेका छन् । तीन लाख रुपैयाँ बोलकवोलमा सरकारी राँगो भगवती बयरी…

thumbnail

‘भारतको आर्थिक वृद्धि यो वर्ष दोहोरो अङ्कमा हुनेछ’

एजेन्सी । भारतका केन्द्रीय अर्थमन्त्री निर्मला सीतारमणले यो वर्ष भारतको आर्थिक वृद्धिदर १० प्रतिशत नजिक हुने दाबी गरेकी छन् । उनले भारत विश्वकै सबैभन्दा तीव्र गतिमा बढ्ने अर्थव्यवस्थामध्ये एक हुने बताएकी हुन्…

thumbnail

सरकारले बलिको पैसा दिँदैन, दरबारले पठाउन छाड्यो टीका र जमरा

कास्की । नेपालको शाहवंशीय राज्यसत्ता कास्कीबाट सुरु भएको हो । कास्कीकोट दरबारमा कुलमण्डन खाँले राज्य गरेपछि शाह वंशको सुरुआत भयो । पछि लमजुङबाट गोरखा हुँदै काठमाडौं बसाईं सरे । विस्तारै पुराना दरबारहरू…