म्याग्दीमा नेपाल दलित मुक्ति मोर्चाको पालिका स्तरीय सम्मेलन गरिने

म्याग्दी । नेकपा (माओवादी केन्द्र) निकट नेपाल दलित मुक्ती मोर्चाले म्याग्दीका सबै स्थानीय तहमा सम्मेलन गर्ने भएको छ । बुधवार बेनीमा सम्पन्न मोर्चाको विस्तारित बैठकले १ नगरपालिका र ५ वटै गाउँपालिकामा मोर्चाको भेला तथा सम्मेलन गर्ने निर्णय गरेको हो ।

त्यसैगरि बैठकले मोर्चाको सम्मेलनलाई सफल बनाउनका लागि किसान विक संयोजक , कमल किसान र बिरबहादुर विक सदस्य रहनुभएको आर्थिक कमिटी समेत गठन गरिएको छ । विस्तारित बैठकमा बोल्दै माओवादी केन्द्र म्याग्दीका इन्चार्ज गोविन्द पौडेलले बर्गिय हिसाबले दलित समुदायका हक, हित र अधिकारका लागि पार्टीले बिगतदेखि गर्दै आएका पहल, प्रयास र प्राप्त उपलब्धीहरुलाई सुरक्षित गर्दै थप अधिकारका लागि संघर्षलाई जारी राख्नुपर्नेमा जोड दिनुभयो ।

त्यसैगरि भेलामा नेपाल दलित मुक्ती मोर्चाका गण्डकी प्रदेश इन्चार्ज टेक विश्वकर्माले दलित, गरिब, विपन्नहरुका आवाजलाई माओवादी पार्टीले महत्वका साथ उठान गर्दै आएकाले जिल्लामा समेत मोर्चालाई बलियो बनाउन भेला र सम्मेलनलाई तिब्रता दिन निर्देशन दिनुभएको थियो ।

भेलामा प्रदेश कमिटी सदस्य एवम गण्डकी प्रदेश सभा सदस्य विनोद केसी, माओवादी केन्द्र नगरकमिटी अध्यक्ष शेरबहादुर केसी, जिल्ला सदस्य गौरी सेन्चुरी लगायतले जिल्लामा दलित समुदायका बास्तविक समस्याहरु पहिचान गर्ने, शसक्तिकरण गर्ने र राजनैतिक मुलप्रवाहमा ल्याउनका लागि समेत मोर्चाको भेला र सम्मेलनले महत्वपूर्ण भुमिका खेल्ने भएकाले सम्मेलनलाई सफल बनाउनतर्फ लाग्नुपर्नेमा जोड दिनुभएको थियो । पदम किसानको अध्यक्षता र पृथिलाल विकको सञ्चालनमा कार्यक्रम सम्पन्न भएको थियो । यसैबिच सोही अवसरमा मंगला गाउँपालिका–३ निवासी दमरोगबाट पीडित धनबहादुर विकलाई आर्थिक सहयोग समेत हस्तान्तरण गरिएको थियो ।

सम्बन्धित समाचार

thumbnail

अबको निर्वाचनमा माओवादीले जमानत पनि जोगाउन सक्दैन : पोखरेल

काठमाडौँ । नेकपा (एमाले)का नेता शंकर पोखरलले पुष्पकमल दाहाल ‘प्रचण्ड’को भ्रममा परेर पछि लाग्दै आफ्नो भविष्य बर्वाद नपार्न सबै माओवादी नेता कार्यकर्तालाई अपिल गर्नुभएको छ । गृह जिल्ला दाङस्थित नेकपा (एमाले) बबई…

thumbnail

राष्ट्रपति भण्डारीले गरिन् पलाञ्चोक भगवतीको दर्शन

काभ्रेपलाञ्चोक। राष्ट्रपति विद्यादेवी भण्डारीले बडादशैँको महाअष्टमीको दिन आज विहान काभ्रेपलाञ्चोकको पलाञ्चोक भगवती मन्दिरमा पूजाअर्चना गरेकी छिन् । पाँचखाल नगरपालिका–९ पलाञ्चोकस्थित भगवती मन्दिरमा उनले बुधबार विहान करिब दश मिनेट पूजाअर्चना गरेही हुन्। उनी…

thumbnail

‘नाम’ को उच्चस्तरीय बैठकमा सहभागी भएर स्वदेश फर्किए परराष्ट्र मन्त्री

काठमाडौँ । सर्बियाको बेलग्रेडमा सम्पन्न असंलग्न मुलुकहरूको उच्चस्तरीय बैठकमा भाग लिएर परराष्ट्र मन्त्री नारायण खड्का आज स्वदेश फर्किनुभएको छ।गणतन्त्र सर्बिया र गणतन्त्र अजरबैजानका परराष्ट्र मन्त्री निकोला सेलाकोविक र जेहुन ब्यरामभको निमन्त्रणामा परराष्ट्र…