शैक्षिक सामग्री बितरण गरेर जन्मदिन मनाए पुर्व शिक्षक सुवेदीले

भकुण्डे। म्याग्दीका एक जना पुर्ब शिक्षकले आफूले अध्यापन गराएको बिद्यालयका सबै बिद्यार्थीलाई शैक्षिक सामग्री बितरण गरेर मंगलबार जन्मदिन मनाउनु भएको छ । ३१ बर्षे शिक्षण पेशाबाट नौ महिनाअघि सेवानिवृत्त हुनुभएका पुर्ब शिक्षक दुर्गाराम सुबेदीले जन्मदिनको अवसर पारेर आफूले १६ वर्ष सेवा गरेको अर्जुन माबि भकुण्डेका बिद्यार्थीलाई शैक्षिक सामग्री बितरण गर्नुभएको हो ।

बालकक्षा देखि १२ कक्षा सम्म अध्ययन गर्ने ३४० जना बिद्यार्थीहरुलाई दुई थान कापी र एक वटा कलमका दरले बितरण गर्नुभएको थियो । सुबेदी, बिद्यालय ब्यवस्थापन समितिका अध्यक्ष टिकाबहादुर कार्की, प्रअ तिलक घिमिरे, सहायक प्रअ होमनाथ रिजाल, बिद्यालय ब्यवस्थापन समितिका सदस्य डिलबहादुर घिमिरे लगायतले शैक्षिक सामग्री बितरण गर्नुभएको थियो ।

५५ वर्षीय सुबेदीले आफूले पढाएका छ वटा बिद्यालयका बिद्यार्थीलाई शैक्षिक सामग्री बितरण गरेर जन्मदिन मनाएको बताउनुभयो । बि।स। २०७२ मा बेनपा–३ को बालप्रिय सारदा आधारभूत बिद्यालयबाट शुरु भएको शैक्षिक सामग्री बितरण गर्ने कार्यक्रम गत वर्ष कोरोनाका कारण शैक्षिक संस्था बन्द भएकाले भएको थिएन् ।

“फजुल खर्च गर्नुभन्दा आफूले अध्यापन गराएको बिद्यालयमा पुगेर शिक्षक, बिद्यार्थी र ब्यवस्थापन समितिसँग साक्षात्कार गर्दै शैक्षिक सामग्री बितरण गर्दा उपयोगी हुने देखेर यसरी जन्मदिन मनाउने गरेको छु,” उहाँले भन्नुभयो “अबका सबै जन्मदिन यसरीनै मनाउने योजना छ ।”

बेनपा–३ भकिम्लीका सुबेदी हाल सामाजिक लोकतन्त्र अध्ययन केन्द्र म्याग्दीको संयोजक, नेपाल टे«ड युनियन काँग्रेस केन्द्रिय शिक्षा बिभागका सह–संयोजक हुनुहुन्छ । नेपाल शिक्षक संघ म्याग्दीका निबर्तमान अध्यक्ष सुबेदी अर्जुन माबिका पुर्ब स्रोतकेन्द्र प्रमुख र पुर्ब प्रअ हुनुहुन्छ ।रचनात्मक कार्यक्रम गरेर जन्मदिन मनाएर सुबेदीले समुदायलाई शैक्षिक क्षेत्रमा योगदान गर्न प्रेरित गर्नुभएको अर्जुन माबिका शिक्षक शिबकुमार खत्रीले बताउनुभयो ।

 

सम्बन्धित समाचार

thumbnail

बेनी नगरपालिकाका प्रमुख प्रशासकीय अधिकृत सुवेदीलाई दुर्व्यवहार,नगर प्रमुखबाट निन्दा

बेनी । म्याग्दीको बेनी नगरपालिकाका प्रमुख प्रशासकीय अधिकृत छविलाल सुवेदीलाई आइतबार एक समूहले दुर्व्यवहार गरेको छ ।कार्यकक्षमा प्रवेश गरेको ५ जनाको समूहले प्रशासकीय अधिकृतलाई कालो पदार्थ छ्यापेका थियो। दुर्व्यवहारमा संलग्न मध्येका एकजना…

thumbnail

कांग्रेस बेनी नगरको दशैंको शुभकामना आदानप्रदान

बेनी। नेपाली कांग्रेस बेनी नगर कार्यसमितिले बेनीमा महान पर्व विजय दशमीको शुभकामना आदानप्रदान कार्यक्रम गरेको छ। शुभकामना आदानप्रदान कार्यक्रममा बोल्दै गण्डकी प्रदेश उद्योग, पर्यटन, वाणिज्य तथा आपुर्ति मन्त्री मणिभद्र शर्मा कँडेलले विजयदशमी,…

thumbnail

कांग्रेस बेनी नगर सचिवमा २३ बर्षिय जिसी विजयी

बेनी । नेपाली कांग्रेस बेनी नगर सचिवमा २३ बर्षिय झलक जिसी विजयी भएका छन् । सभापतिमा निर्वाचित रबिन्द्र कार्की प्यानलबाट सचिव पदमा उम्मेद्धारी दिनुभएका जिसी विजयी हुनुभएको हो । आइतबार भएको निर्वाचनमा…