अवरुद्ध विद्युत सेवा सुचारु

बेनी । करिब एक हप्ता पछि अवरुद्ध विद्युत सेवा सुचारु भएको छ । विद्युत गृहमा रहेको तर्वाइनको बेरिङ बिग्रिएपछि १४ असोज देखी म्याग्दीको मालिका गाउँपालिका वडा नम्बर ४ स्थित दाजुङ खोला लघुजलविद्युत परियोजना बन्द भएको थियो । १४ असोजमा बेरिङ बिग्रिएर बन्द भएको ३० किलोवाट क्षमताको लघुजलविद्युत परियोजना मंगलबार रातिदेखी सुचारु भएको दाजुङ खोला लघुजल विद्युत सहकारी संस्था लिमिटेड व्यवस्थापन समितिका अध्यक्ष नन्दबहादुर घर्ती मगरले जानकारी दिनुभयो । उहाँका अनुसार फ्रान्स स्थित सामाजिक संस्था नमस्ते अँफ दिमालयको आर्थिक सहयोगमा बुटवलबाट बेरिङ खरिद गरेर ल्याइएको हो भने सोही आर्थिक सहयोगमा प्राविधिक झिकाएर मर्मत गरेर  अवरुद्ध विद्युत सेवा सुचारु गरिएको हो ।

विद्युत आपुर्ती अवरुद्ध हुँदा च्युरिबोट ,ओखरबोट ,महभिर छाप ,खतेन लगायत गाउँका तीन सय ९३ घरधुरी अन्धकारमा बस्न बाध्य भएका थिए । आर्थिक अभावका कारण नयाँ बेरिङ खरिद गर्न र जडा सहित मर्मतका लागि प्राविधिकको अभाव भएको खबर थाहा पाएपछि बेरिङ खरिद र जडान सहित मर्मतका लागि प्राविधिक ल्याउन सामाजिक संस्था नमस्ते अँफ दिमालयकी अध्यक्ष एन्नी क्लेरी पुन र कार्यक्रम संयोजक रोशन पुनले ७० हजार रुपैयाँ गर्नुभएको थियो । उहाँहरुको सहयोगमा विद्युत आपुर्ति सुचारु गर्न सफल भएको भन्दै अध्यक्ष घर्ति मगरले सहयोगदाता र समन्वय गर्नुहुने क्याप्टेन लक्षमण पुन सहित युके निवासी च्युरीबोट बासीलाई धन्यवाद व्यक्त गर्नुभयो । साथै सोही लघुजलविद्युत परियोजना स्तरोन्नती गर्न संस्थाको सहयोगमा भौगोलिक अवस्थाको बारेमा सर्भे समेत गरिएको छ ।

गाउँपालिकाको अधिकांश बस्तीमा केन्द्रिय प्रशारण लाइनको विद्युत पहुँच पुगेको भएपनि वडा नम्बर ४ को फुलबारी र केही बस्ती बाहेकका अन्य बस्तीमा भने अझै विस्तार हुन सकेको छैन् । उक्त सामाजिक संस्था नमस्ते अँफ दिमालयले केही बर्षदेखी च्युरिबोटमा शिक्षा क्षेत्रमा ठुलो सहयोग गर्दै आइरहेको छ । च्युरिबोट ,चिमखोला लगायत नेपालको विभिन्न ठाउँमा शैक्षिक तथा सामाजिक विकासको क्षेत्रमा संस्थाले ठुलो सहयोग गर्दै आइरहेको छ ।

सम्बन्धित समाचार

thumbnail

विद्युत् आदानप्रदानमा भारतको सकारात्मक सन्देश

काठमाडौँ । नेपालबाट वर्षाको बिजुली लिन र हिउँदमा दिनका लागि भारत सकारात्मक देखिएको छ । नेपाल विद्युत् प्राधिकरणले भदौ अन्तिम साता बिहार स्टेट पावर होल्डिङसँग पारस्पारिक मौसमी विद्युत् आदान–प्रदानको लागि प्रस्ताव गरेकोमा…

thumbnail

कोसी करिडोर २२० केभी प्रसारण लाइनको पहिलो खण्ड निर्माण सम्पन्न

काठमाडौँ । कोसी करिडोर २२० केभी प्रसारण लाइन आयोजनाअन्तर्गत पहिलो प्याकेजको प्रसारण लाइन निर्माण सम्पन्न भएको छ । पहिलो प्याकेज अन्तर्गत सुनसरीको इनरुवावाट संखुवासभाको बसन्तपुर, बानेश्वर हुँदै तुम्लिङटार सम्मको २२० केभी डबल…

thumbnail

चार दिनदेखी विद्युत अवरुद्ध , करिब चार सय घरधुरी अन्धकारमा

बेनी । म्याग्दीको मालिका गाउँपालिका–४ मा चार दिनदेखि विद्युत सेवा अवरुद्ध भएको छ । च्युरिबोट स्थित विद्युत गृहको तर्वाइनको बेरिङ बिग्रिएपछि १४ असाेज देखि विद्युत अवरुद्ध भएको दाजुङ खोला लघुजल विद्युत सहकारी…