युरोपमा मार्चसम्म कोभिडका कारण थप ७ लाखको मृत्यु हुने डब्ल्यूएचओको चेतावनी

काठमाडौं । विश्व स्वास्थ्य संगठनले आगामी मार्चसम्म युरोपमा कोभिड संक्रमणका कारण थप सात लाख मानिसको मृत्यु हुनसक्ने चेतावनी दिएको छ ।

मार्चसम्ममा युरोप र एसियाका केही मुलुकमा कोभिड–१९ का कारण आगामी मार्चसम्ममा थप सात लाखको मृत्यु हुनसक्ने विश्व स्वास्थ्य संगठन (डब्ल्यूएचओ)ले चेतावनी दिएको बीबीसीले जनाएको छ । उक्त समयसम्ममा ४९ मुलुकका अति सघन उपचार कक्षमा ‘उच्च वा अत्यधिक भार’ हुने डब्ल्यूएचओको भनाइ छ ।

त्यस्तै, युरोपमा कोभिड–१९ मृत्युको प्रमुख कारक बन्न पुगेको डब्ल्यूएचओले बताएको छ । ‘जारी प्रवृत्ति हेर्दा आगामी वसन्तसम्ममा मृत्यकको संख्या २२ लाखभन्दा बढी पुग्ने देखिन्छ’, मंगलबार डब्ल्यूएचओले भन्यो । पछिल्ला दिन कोभिडबाट मृत्यु हुनेको दैनिक संख्या दोब्बरले बढेर झण्डै ४२ सय पुगेको पनि संगठनले बतायो ।

संगठनका अनुसार खोप नलगाउने मानिसको संख्या धेरै भएको र केही मुलुकमा डेल्टा भेरियन्ट व्याप्त रहेकाले युरोपमा संक्रमण दर उच्च हुन पुगेको हो ।यसैबीच, डब्ल्यूएचओका युरोप निर्देश निर्देशक डा। हान्स क्लुगेले खोप नलगाएका मानिसलाई लगाउन अपिल गर्दै भने, ‘अनावश्यक त्रासदी र मृत्यु रोक्ने कार्य तथा जिम्मेवारी हामी सबैको हो ।’ यो हिउँदमा समाज तथा व्यवसायमा देखा पर्ने थप अवरोध सबै मिलेर न्यून गर्नुपर्ने समेत उनको भनाइ थियो ।

युरोपमा पछिल्लो समय कोभिड संक्रमितको संख्या तीव्र रुपले बढिरहेको छ । अष्ट्रियामा सोमबारदेखि २० दिनसम्म देशव्यापी लकडाउन लगाइएको छ । फ्रान्स, जर्मनी र ग्रीसले समेत बढ्दो संक्रमणबीच बुस्टर डोज अनिवार्य बनाएर आफ्ना नागरिकलाई पूर्ण खोप लगाउने तयारी गरेका छन् ।तर पुनस् प्रतिबन्धात्मक नियम लागू भएपछि कैयौं मुलुकमा विरोध प्रदर्शन भइरहेको छ । नेदरल्याण्डमा आंशिक लकडाउन लगाउने सरकारको निर्णयपछि प्रहरी र प्रदर्शनकारीबीच कैयौं दिन हिंसात्मक झडप भएको थियो । अनलाइनखबरबाट

सम्बन्धित समाचार

thumbnail

तेल अभिभ विश्वमा सबैभन्दा महंगो सहर

एजेन्सी । इजरायली शहर तेल अभिभ विश्वकै सबैभन्दा महंगो सहर साबित भएको छ । ईकोनोमिस्ट इन्टेलिजेन्स युनिट ९इआइयू०ले गरेको एउटा सर्वेक्षणमा तेल अभिभ बस्नका लागि विश्वकै सबैभन्दा महंगो सहर बनेको हो ।…

thumbnail

अमेरिकाको मिशिगनको हाइस्कुलमा १५ वर्षे विद्यार्थीद्वारा गोलीबारी, तीनको मृत्यु ८ घाइते

एजेन्सी । अमेरिकाको मिशिगनमा एक हाइस्कुलमा भएको गोलीबारीमा तीन विद्यार्थीको मृत्यु भएको छ भने एक शिक्षकसमेत आठ जना घाइते भएका छन् । अधिकारीका अनुसार मृत्यु हुनेमा १६ वर्षका किशोर, १४ वर्षकी बालिका…

thumbnail

नेयमार दुई महिना मैदान बाहिर रहने

एजेन्सी । ब्राजिलियन स्टार तथा फ्रेन्च लिग वान क्लब पेरिस सेन्ट जर्मन (पिएसजी)का स्ट्राइकर नेयमार जुनियर घुँडाको चोटका कारण दुई महिना मैदान बाहिर रहने हुनुभएको छ । २९ वर्षीय नेयमार आइतबार लिग…