गलेश्वरधाम जेष्ठ नागरिक आश्रमको अध्यक्षमा पुन चयन

म्याग्दी । म्याग्दीको बेनी नगरपालिका–९, गलेश्वरमा रहेको गलेश्वरधाम जेष्ठ नागरिक आश्रम संचालक समितिको अध्यक्षमा बम बहादुुर पुन चयन हुनुभएको छ । शुक्रबार सम्पन्न आश्रमको १० औँ कार्यकारी सभा तथा चौँथो अधिवेशनबाट पुनको अध्यक्षतामा ७ सदस्यीय कार्य समिति चयन भएको हो ।आश्रम संचालक समितिको उपाध्यक्षमा टिकानन्द सुवेदी, सचिवमा लक्ष्मण चालिसे, कोषाध्यक्षमा गौमाया गर्वुजा र सदस्यहरुमा देबि बहादुर छन्त्याल, मनमति शेरपुन्जा, र हरिराम आचार्य चयन हुनुभएको गलेश्वर शिवालय क्षेत्र बिकास कोषका कार्यालय सचिव राम बहादुर बानीयाँले जानकारी दिनुभयो ।

कार्यक्रममा कोषाध्यक्ष गौमाया गर्वूजाले आर्थिक बर्ष २०७७÷०७८ को आर्थिक प्रतिवेदन प्रस्तुत गर्नुभएको थियो । आश्रमका गत बर्षको कुल आम्दानी ६९ लाख ६६ हजार, ३ सय २२ रुपैयाँ र कुल खर्च १८ लाख ३६ हजार ८ सय २८ रुपैयाँ रहेको छ । जेष्ठ नागरिक आश्रमलाई गत आर्थिक वर्षमा महिला, बालबालिका तथा जेष्ठ नागरिक मन्त्रायलबाट रु ५ लाख ८९ हजार र सामाजिक बिकास मन्त्रालय गण्डकी प्रदेश सरकार बाट १० लाख ५१ हजार सहयोग प्राप्त भएको अध्यक्ष बम बहादुर पुनले बताउनुभयो । उक्त बजेटबाट जेष्ठ नागरिकहरुलाई लत्ताकपडा, खाद्यान्न, तथा औसधि उपचार उपलब्ध गराइएको पनि उहाँले बताउनुभयो ।

२०६७ सालदेखि संचालनमा रहेको जेष्ठ नागरिक आश्रममा हाल ४ पुरुष सहित ४८ जना जेष्ठ नागरिकहरुले आश्रय लिइरहेका छन । म्याग्दी, बाग्लुङ, पर्बत लगाएतका देशका विभिन्न जिल्लाका ६० बर्ष देखि ७५ बर्ष सम्मका जेष्ठ नागरिकहरु हाल आश्रममा बसिरहेका छन । आश्रमले १ जना कार्यालय सचिव र १ जना सहयोगी कर्मचारीको पनि ब्यबस्था गरेको छ । ७० बर्ष भन्दा माथिका जेष्ठ नागरिकलाई उक्त सहयोगी मार्फत नुहाइदिने, कपडा धोइदिने लगाएत पुर्ण रुपमा हेरचाह गर्ने ब्यबस्था गरिएको पनि अध्यक्ष पुनले बताउनुभएको छ ।

सम्बन्धित समाचार

thumbnail

प्रतिक्रियावादीको कुनै षड्यन्त्रले एमाले कमजोर हुँदैन : प्रभु साह

रौतहट । नेकपा एमालेका स्थायी कमिटी सदस्य तथा पूर्व मन्त्री प्रभु साहले प्रतिक्रियावादीको कुनै पनि षडयन्त्रले अब एमाले पार्टीलाई कमजोर बनाउन नसक्ने दाबी गर्नुभएको छ । उहाँले एमालेको लोकप्रियतासँग डराएर नै पाँच…

thumbnail

सरकारसँग कोरोनाविरुद्धको एक करोड १४ लाख ४५ हजार मात्रा खोप स्टक

काठमाडौँ । स्वास्थ्य तथा जनसंख्या मन्त्री विरोध खतिवडाले सरकारसँग कोरोनाविरुद्धको खोप एक करोड १४ लाख ४५ हजार ४८८ मात्रा स्टक रहेको जनाउनुभएको छ । कोरोनाविरुद्धको खोप अभियान सुरु भएको एक वर्ष पूरा…

thumbnail

यो संसदीय सुनुवाइ समिति रहनु र नरहनुको औचित्य छैन : देव गुरुङ

काठमाडौँ । सत्ता साझेदार नेकपा (माओवादी केन्द्र)का प्रमुख सचेतक देवप्रसाद गुरुङले संसदीय सुनुवाइ समितिको कुनै औचित्य नरहेको बताउनुभएको छ ।शुक्रबार सिंहदरबारमा बसेको संसदीय सुनुवाइ समितिको बैठकमा बोल्दै प्रमुख सचेतक गुरुङले अहिलेसम्मको अनुभवलाई…