पोखरा । प्रमुख प्रतिपक्षी दल एमालेका अध्यक्ष केपी ओली पोखरा आइपुग्नुभएको छ । एमाले गण्डकी प्रदेश कमिटीले आयोजना गरेको पार्टी प्रवेश कार्यक्रममा सहभागी हुन ओली सोमबार दिउँसो काठमाडौंबाट पोखरा आइपुग्नुभ्एको हो ।
मंगलबार एमाले गण्डकी प्रदेशस्तरीय कार्यकर्ता भेलालाई ओलीले सम्बोधन गर्ने कार्यक्रम छ। सोही कार्यक्रममा विभिन्न पार्टी परित्याग गर्ने नवप्रवेशीलाई उहाँले पार्टीमा प्रवेश गराउने तय भएको छ। एमालेले स्थानीय तहको निर्वाचनको तयारीसमेत सुरु गरिसकेको छ। सोही कारण ओली देश दौडाहमा लाग्नुभएको छ ।
यसअघि ओली सोमबार नवलपरासी पूर्वको मध्यविन्दु वहुमुखी क्याम्पस, कावासोतीको १६औं स्थापना दिवस समारोहमा सहभागी हुनुभएको थियो । उहाँले नवनिर्मित क्याम्पस भवनको उद्घाटनसमेत गर्नुभएको थियो। nagariknews.nagariknetworkबाट
