बेनी । नेपाल छन्त्याल संघको नयाँ नेतृत्वको लागि मतदान सुरु भएको छ । जिल्ला समन्वय समितिको सभा हलमा आइतबार दिउँसो देखि मतदान सुरु भएको हो । अध्यक्ष ,वरिष्ठ उपाध्यक्ष र तीन खुल्ला सदस्यहरु मतदानबाट चयन हुने निर्वाचन समिति संयोजक चित्र घरब्जा छन्त्यालले जानकारी दिनुभयो । उहाँका अनुसार महासचिवमा कृष्ण पुराने छन्त्याल सहित अन्य पदाधिकारीमा निर्विरोध चयन भएका छन् । अध्यक्ष पदमा वर्तमान अध्यक्ष मनमोहन बुढाथोकी छन्त्याल र गजेन्द्र छन्त्यालले उम्मेद्धारी दिनुभएको छ ।
याे पनि…
त्यस्तै वरिष्ठ उपाध्यक्ष पदमा मनमाया छन्त्याल ,देवप्रसाद छन्त्याल र पदम छन्त्यालले उम्मेद्धारी दिनुभएको छ । तीन जना खुल्ला सदस्य पदका लागि छ जनाको उम्मेद्धारी परेको संयोजक घरब्जा छन्त्यालले जानकारी दिनुभयो । निर्वाचनमा विभिन्न जिल्लाबाट आएका तीन सय ८५ मतदाताले भाग लिनेछन् । साँझ सम्म मतदान सकिने निर्वाचन समितिले जनाएको छ ।
याे पनि…
महाधिवेशनले आगामी कार्यकालको लागि अध्यक्ष ,वरिष्ठ उपाध्यक्ष , पाँच उपाध्यक्ष ,महासचिव र उपमहासचिव एक÷एक ,सचिव एक ,कोषाध्यक्ष एक ,सह–कोषाध्यक्ष एक लगायत ३२ सदस्यीय केन्द्रीय कार्यसमिति चयन गर्ने निर्वाचन समिति संयोजक घरब्जा छन्त्यालले जानकारी दिनुभयो । महाधिवेशनको शुक्रबार गृहमन्त्री बालकृष्ण खाँणले उद्घाटन गनुएभएको थियो ।
