उदयपुरमा कार दुर्घटना हुँदा एकको निधन, ४ घाइते

उदयपुर । उदयपुर मा अघिल्लो राति कार दुर्घटनामा पर्दा एकजनाको ज्यान गएको छ भने ४ जना घाईते भएका छन्। मदन भण्डारी लोकमार्ग अन्तर्गत जिल्लाको उदयपुरगढी गाउँपालिका ६ नेपालटारस्थित बैजनाथ खोलाको पक्की पुलमा राति पौने १० बजे बा २५ च ७८१९ नं. को कार आफै अनियन्त्रित भई दुर्घटनामा परेको थियो।

दुर्घटनामा परी मोरङ बिराटनगर महानगरपालिका ५ चाँदनीचोकका ३४ वर्षीय देबेन्द्र चापागाई (डेबिट) को घट्नास्थलमै निधन भएको नेपालटार प्रहरी चौकीलाई उद्धृत गर्दै जिल्ला प्रहरी कार्यालयले जनाएको छ। सडकभन्दा १५ मिटर तल खसेर दुर्घटनामा परेको कारमा सवार ५ जनालाई उद्धार गरी उपचारार्थ जिल्ल अस्पताल ल्याउँदा राति ११ः०० बजे चिकित्सकले चापागाईको मृत्यु भईसकेको घोषणा गरेको प्रहरी भनाई छ।

वीरगञ्जबाट बिराटनगरतर्फ आउँदै गरेको कारमा सवार चालक बिराटनगर महानगरपालिका ५ चाँदनी चोककै ३१ वर्षीय विशाल राय, सोही ठाउँका २३ वर्षीय सुजन खतिवडा, २७ वर्षीय सागर घिमिरे र ३५ वर्षीय सुरज पौडेल घाईते भएका छन्। घाईतेहरु सबैलाई जिल्ला अस्पतालमा प्रारम्भिक उपचारपछि बिराटनगर न्युरो पठाइएको प्रहरीले जनाएको छ।

रायको टाउको र निधारमा चोट लागेको छ भने खतिवडाको निधार र दाहिने हातमा, घिमिरेको छाति दुखेको तथा पौडेलको दाहिने आँखामा चोट लागेको प्रहरीले जनाएको छ। दुर्घटनामा परेको कार घटनास्थलमै रहेको र मृतकको शव जिल्ला अस्पतालको पोष्टमार्टमगृहमा राखिएको छ। घट्नाबारे थप अनुसन्धान भईरहेको जिल्ला प्रहरी प्रवक्ता डिएसपी सन्तोष आचार्यले बताउनुभयो। nagariknews.nagariknetworkबाट

सम्बन्धित समाचार

thumbnail

रोपाइँ गर्ने क्रममा चट्याङ लागेर किसानको मृत्यु

धनगढी । कैलालीमा चट्याङ परेर एक जनाको मृत्यु भएको छ । कञ्चनपुरको कृष्णपुर नगरपालिकाका-५ का ४८ वर्षीय पुनाराम चौधरीको चट्याङ लागेर मृत्यु भएको हो। मंगलबार बिहान गोदावरी नगरपालिका–३ मालाखेतीमा रेडियन्ट ग्यास कम्पनी…

thumbnail

गुडिरहेको ट्रकमा आगलागी

जनकपुरधाम । सप्तरीमा गुडिरहेको एक मालबाहक ट्रकमा एक्कासी आगलागी भएको छ । आगलागीले ट्रकको अगाडिको भाग जलेर पूर्ण रुपमा क्षति भएको छ । पूर्व(पश्चिम राजमार्ग अन्तर्गत हनुमाननगर कंकालिनी नगरपालिका–१ स्थित धकंकालिनी मन्दिर…

thumbnail

विराटनगरका बस्तीमा पस्यो सिंघिया खोला

विराटनगर । अबिरल वर्षासँगै सिंघिया खोलामा आएको बाढी बस्तीमा पसेको छ । मंगलबार बिहान विराटनगर महानगरपालिका वडा नं। ८ को खोला किनारका बस्तीमा बाढी पसेको हो । सिंघियाको बाढीका कारण खोला किनारमा…