घोपा बचाउ आन्दोलनः पाँच सदस्यीय कार्यदल बनाउने सहमति

धरान । वीपी कोइराला स्वास्थ्य विज्ञान प्रतिष्ठानको उपचार सेवा प्रभावकारी बनाउन विभिन्न माग राखेर जारी घोपा बचाउ आन्दोलन र प्रतिष्ठान व्यवस्थापन पक्षबीच सहमति भएको छ।आन्दोलन भएको ५६ औं दिनमा सोमबार राति धरानका मेयर हर्कराज राई (साम्पाङ) को रोहबरमा वार्ता भएको थियो।

प्रतिष्ठानका उपकुलपति डा.ज्ञानेन्द्र गिरी, अस्पताल निर्देशक प्रा.डा.गौरीशंकर साह र वार्ता कमिटीका सदस्यहरुसहितको उपस्थितिमा भएको वार्तामा समस्या समाधान गर्न एक कार्यदल बनाउने सहमति भएको छ। पाँच सदस्यीय उक्त कार्यदलले समस्या पहिचान र निराकरण गर्न अध्ययन गरि सिफारिश गर्ने छ।
कार्यदलमा २ जना सेभ घोपा अभियानका सदस्य रहनेछन् भने प्रतिष्ठानबाट २ जना र एक जना मेयरका प्रतिनिधि रहने निर्णय गरिएको छ।

सेभ घोपाबाट स्पेन मगर र नविन राईं कार्यदलमा सदस्य रहनेछन्। सोही वार्तामा तत्काल १५ दिनभित्र गर्न सकिने काम प्रतिष्ठानले गर्ने र बाँकी कार्यदलको सिफारिश वमोजिम गर्ने पनि निर्णय तथा सहमति भएको छ। प्रतिष्ठानको निर्देशन अनुसार काम नगर्ने चिकित्सक तथा कर्मचारीहरुलाई प्रतिष्ठानको नियमावलीमा भएको व्यवस्था वमोजिम कारबाही गर्ने पनि सहमति भएको सेभ घोपाका प्रमुख अभियन्ता सुदन गुरुङले जानकारी दिनुभयो।

उहाँका अनुसार तत्काल गर्न सकिने कामहरुको ग्यारेन्टी गर्न सेभ घोपा आन्दोलन २ सातासम्म जारी रहनेछ । विगत ५६ दिनदेखि प्रतिष्ठानको डेन्टल गेटबाहिर धरानेहरुले धर्ना बसेर आन्दोलन गरिरहेका छन् । दुई साताभित्र गर्न सकिने काम गर्ने सहमति पालना भए नभएको हेरेर मात्र आन्दोलनलाई पुर्णरुपमा रोक्ने उहाँले बताउनुभयो । ‘त्यो काम पनि भएन भने हामी आन्दोलन सशक्त बनाउछौ,’उहाँले भन्नुभयो।

केही दिनयता आन्दोलन चर्कदै गएपछि प्रतिष्ठानले वार्तामा आउन शुक्रबार पत्राचार गरेको थियो । तर, आन्दोलनरत पक्षले उपकुलपति स्वयम वार्तामा बस्नुपर्ने अडान राखेको थियो। वार्ता गर्न इच्छा नदेखाएका उपकुलपति डा.ज्ञानेन्द्र गिरीलाई सोमबार कार्यालय समयपछि क्वार्टर फर्कर्दै गर्दा आन्दोलनकारीहरुले घेराउ गरेका थिए। उपकुलपति कार्यालय परिसरमा झण्डै एक घण्टासम्म गाडीभित्रै घेराउमा परेका उपकुलपति गिरीसँग मेयर राईले समन्वय गरेपछि वार्तामा बस्न तयार हुनुभएको थियो । nagariknews.nagariknetworkबाट

सम्बन्धित समाचार

thumbnail

म्याग्दीमा राष्ट्रिय धान दिवस तथा रोपाइँ मनाइयो (फोटो फिचर )

कृषि तथा खाद्यान्न उत्पादनलाई जोड दिनुपर्ने सरोकारवालाको भनाइ म्याग्दी । म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको…

thumbnail

सरकारी जागिर खान शैक्षिक योग्यताको प्रमाणपत्र किर्ते गरेको आरोपमा एक पक्राउ

काठमाडौँ । शैक्षिक योग्यताको प्रमाणपत्र किर्ते गरेको आरोपमा प्रहरीले एक जनालाई पक्राउ गरेको छ। भूमि व्यवस्था, सहकारी तथा गरिबी निवारण मन्त्रालय अन्तर्गतको राष्ट्रिय सहकारी विकास बोर्डको सञ्चालक पदको नियुक्तिको लागि नक्कली प्रमाणपत्र…

thumbnail

देश विदेशका खर्चबाट अभियन्ता भेटिन्छन् तर प्रतिफल बाहिर आएको छैन : ओली

काठमाडौँ । नेकपा एमालेका अध्यक्ष केपी शर्मा ओलीले अभियन्ताहरु थुप्रै भए पनि प्रतिफल आउन नसकेको टिप्पणी गर्नुभएको छ । मदन भण्डारीको ७१ औं जन्मजयन्तीका अवसरमा आयोजित समारोहलाई सम्बोधन गर्दै ओलीले यस्तो धारणा…