जनकपुरवासीले मलाई जिताउँछन् : मनोज चौधरी

जनकपुर । २०७४ सालको स्थानीय तह निर्वाचनमा जनकपुरधाम उपमहानगरपालिकाको मेयर जितेको राष्ट्रिय जनता पार्टी (राजपा) अहिले लोकतान्त्रिक समाजवादी पार्टी (लोसपा) बनेको छ । यो पार्टीले यसपटक मेयरमा मनोज चौधरी र उपमेयरमा रिता मिश्रलाई उम्मेदवार बनाएको छ । लोसपाले मिश्रलाई दोहोर्‍याएर उम्मेदवार बनाएको हो ।

मेयरका उम्मेदवार चौधरी मूलतः व्यवसायी हुनुहुन्छ । उहाँ पटक–पटक जनकपुर अञ्चल बस व्यवसायी संघ र ग्याँस व्यवसायी संघका अध्यक्ष रहिसक्नुभएको छ । उद्योग वाणिज्य संघ र पेट्रोलियम डिलर्स एसोसिएसनका सदस्यदेखि राम युवा कमिटीका निर्देशकसम्मको पद सम्हालिसकेका उहाँ २०७० देखि राजनीतिमा आउनुभएको हो ।

२०७० को दोस्रो संविधानसभा निर्वाचनमा तत्कालीन राष्ट्रिय मधेश समाजवादी पार्टी (रामसपा) बाट उम्मेदवार बनेर हारेका चौधरी त्यसपछि राजपा हुँदै अहिले लोसपामा हुनुहुन्छ । राजनीतिशास्त्रमा स्नातक उनी पहिलो पटक मेयर पदका प्रतिस्पर्धी बन्नुभएको हो । उहाँले मेयर हुने तयारी एक वर्षअघि नै थाल्नुभएको थियो ।

‘म जुन रूपले भए पनि जनकपुरवासीकै बीचमा छु,’ चौधरी भन्नुहुन्छ, ‘झुट नबोल्ने, कसैलाई कुनै किसिमको दुःख नदिने र सहयोग गर्ने भएकोले यहाँका जनताले मेयरमा मलाई नै जिताउँछन् ।’जनताकै सम्पर्क र सल्लाहमा आफू उम्मेदवार बनेको उहाँ बताउँनुहुन्छ । कसैलाई परेको समस्यादेखि बिहेबारीसम्मका काममा १५ वर्षदेखि जनकपुरवासीको सहयोगी बनेर काम गर्दै आएकोले मेयरमा आफ्नो जित हुने उहाँको दाबी छ ।

आफू जिते सबभन्दा पहिला फोहोर तह लगाउन ल्याण्डफिल साइटको व्यवस्था गर्ने उहाँले बताउनुभयो । जनकपुरधामलाई हरियालीपूर्ण बनाउने, शिक्षा र स्वास्थ्यको स्तर उकास्ने, युवालाई खेलकुदमा अभिप्रेरित गर्ने, उद्योग र पर्यटन विस्तार गर्ने, जानकी मन्दिरलाई विश्व सम्पदा सूचीमा सूचीकृत गराउने लगायत प्रतिबद्धता उहाँले घोषणापत्रमा गर्नुभएको छ । काम गर्न सक्ने जति मात्र बोल्छु । विगतमा पनि बोलेको जति गरेको छु,’ चौधरी भन्नुहुन्छ, ‘त्यही भएर यहाँ हिजो पनि निर्वाचन चिह्न साइकलले जितेको थियो, यसपटक पनि साइकल छापले जित्छ ।’ अनलाइनखबरबाट

सम्बन्धित समाचार

thumbnail

धवलागिरी गाउँपालिकाको ४० करोड ४९ लाख ४९ हजार रुपैयाँ बजेट पारित

म्याग्दी । म्याग्दीको धवलागिरी गाउँपालिकामा कुल  ४० करोड ४९ लाख ४९ हजार रुपैयाँको बजेट पारित भएको छ । गाउँपालिकाको केन्द्र मुनामा सम्पन्न १६ औँ गाउँ सभामा अध्यक्ष प्रेमप्रसाद पुनले प्रस्तुत गर्नुभएको आगामी…

thumbnail

रघुगंगा गाउँपालिकाको ४६ करोड ८६ लाख २५ हजार रुपैयाँ बजेट पारित

बेनी । म्याग्दीको रघुगंगा गाउँपालिकाले आगामी आर्थिक वर्ष २०७९र८० का लागि रु ४६ करोड ८६ लाख २५ हजार बराबरको बजेट पारित गरेको छ । शुक्रवार सम्पन्न १३ औँ गाउँ सभामा गाउँपालिका अध्यक्ष…

thumbnail

मंगला गाउँपालिकाको १३ औँ गाउँसभा : ४२ करोड ३४ लाखको बजेट पारित

म्याग्दी । म्याग्दीको मंगला गाउँपालिकाले आर्थिक बर्ष २०७९÷०८० का लागि ४२ करोड ३४ लाखको बजेट ल्याएको छ । शुक्रबार गाउँपालिकाको केन्द्र बाबियाचौरमा आयोजित १३ औँ गाउँ सभामा गाउँपालिकाका उपाध्यक्ष प्रेम कुमारी खत्रीले…